:
#.
‏” حبيبتي تبقين في قلب : رجّال “
‏رجال .. ما ينسى الغلا والموده
‏يصبر على جور الليالي ولو طال
‏حتى لو إن الحظ ضدك وضده
‏قرمٍ يقول ويلحق القول بأفعال
‏كفوٍ كريم وكل طيب .. يوده
‏ما يستمع في هرج قيلٍ ولا قال
‏يقفي عذوله دمعته فوق خده
‏خسران ما حقق طموحه ولا نال
‏مراده المنشود ، فرقى وصده
‏بين الولايف لين ما كل عذال
‏يشمت بهم ، في كل قولٍ يعده
‏حبيبتي : حبك بقلبي ولا زال
‏اغليك لو يمضي على البعد مده
‏سرك حفظته عن كريمين وانذال
‏لا خير في من يعطي القوم سده
‏وإن طالت الايام للوضع حلّال
‏يا وصل يا فرقى والاعذار عِدّه
‏والحمد للمعبود في كل الأحوال
‏هذي هي الأيام .. لينٍ وشده
.
.
