هل انا عاديه!!

السلام عليكم.. اخباركم ياجميلات؟! ان شاء الله تكونو دائما بخير والى الابد..،، لاني شخصيه كتومه مااشارك الناس مشاعري فاحيانا اسأل نفسي اللي يصير...

مجتمع رجيم الحياة الأسرية
زوجي حياتي
اخر تحديث

هل انا عاديه!!

هل انا عاديه!!

السلام عليكم..

اخباركم ياجميلات؟! ان شاء الله تكونو دائما بخير والى الابد..،،

لاني شخصيه كتومه مااشارك الناس مشاعري فاحيانا اسأل نفسي اللي يصير بحياتي شي طبيعي وعادي ولا،،

هل كل الناس كذا وللا بس انا!!

احس اني انسانه فاشله بالدراسه وزوجه فاشله وغير مرتبه ولاافعل لزوجي ابسط الاشياء دوماا،،

يجيني شعور بالحززن لما اكون شخصيه تحب تنشر السعاده بكل مكان وتحب تسعد الاشخاص من حولها ولكن اقرب الناس لي اللي المفروض يكون تأثيري عليهم قوي مثل زوجي واولادي وامي وابوي ماقدرت اسعدهم ويمكن كنت سبب من الاسباب في جعلهم تعساء،،

لما اشوف زوجي لازال شخصيه سلبيه والمواصفات اللي يتمناها في فارسه الاحلام ماتنطبق فيني ابدا ابدا احس بالاحباط واقول في نفسي ياليته اخذ البنت اللي يتمناها،، زوجه عمه فيها كل المواصقات اللي يطلبها واحس باعجابه بها واقول في نفسي ليه ياربي ماجعلتها من نصيبه،، ع الاقل اشوفه سعيد ومرتاح،، ماحب اكون انا السبب في تعاسه احد او اني انا اكون الزوجه النكديه،؛ وفي نفس الوقت ارفض اني اغير نفسي وشخصيتي عشانه انا هاذي مواصفاتي يمكن اذا ماتعجبه تعجب احد غيره لان الناس اذواق،،



لكن المواصفات اللي يطلبها هو اقدر اني اغيرها فيني لكن ماتعجبني ابدا وماحبها في شخصيتي ولا هو هذا نمط الحياه الممل اللي ابيه،،

انا ارفض اني اغير نفسي عشان احد مهما كان ولي اسلوبي الخاص للعيش بالحياه،،

لكني لما اشوف زوجي مو مرتاح معاي احس اني فعلا مااستحق اكون زوجه

اما بالنسبه لاولادي،، هم اقمار وعسل ولكن عصبيتي ومعاملتي السيئه لهم اثرت فيني،،

لما اشوف نفسي مشغوله طول اليوم وماقدر اجلس معاهم او العب معاهم او اعلمهم شي بالحياه،،

ولما اشوف نفسيتهم تعبانه وعندهم تبول لا ارادي وقضم اظافر اشوف اني فعلا مااستاهل ان ربي ينعم علي ويرزقني باطفال،،

لما اشوف امي وابوي كبار وغلب عليهم المرض وتعبانين وماساعدهم بالشكل الكافي،،

اشوف نفسي فعلا شخصيه حقيره،،

مليت من تأنيب الضمير،،

انا اشوف نفسي مسؤوله عن اسعادهم

ابي اي شخص يعرفني او يحتك فيني يكون سعيد،، ابي اكون الشخصيه المؤثره اللي تنشر الايجابيه والسعاده بكل مكان،،

مليت من تأنيب الضمير،،

احب الاولاد وعاذي عندي لو كل سنه اجيب ولد

لكني امانع ولفتره طويله لاني ماقدرت اسعد اللي عندي واخلييهم من الشخصيات الايجابيه بالحياه ف شلون اجيب غيرهم،،

عنذي احلام وطموحات كبيره واشعر اني محطمه بشكل كبير لاني دايما افشل وافشل وافشل

مو مشكله ان الشخص يفشل وبحاول من جديد لكن فشلي من سنين وانا احاول فشلي تعدى الحدود،،

وايضا مشكلتي اني داىما سرحانه في احلامي ولااقدر اركز مع احد ابدا دائما عايشه مع نفسي في عالم ثاني عالم وهمي من خيالي،، لدرجه اني عايشه في منطقه،من ولادتي الى الان مااحفظ فيها بيت واحد او حتى سوبر ماركت واحد او حتى مكان قريب ايدا مااحفظ الاماكن

الجامعه صار لي قريب ال5 سنين اروح لها كل يوم بالسسياره والى الان ماحفظت طريقها ولاراح احفظه بسبب سرحاني

ايضا اي مكان اروح له مااحفظه. والكل يقول لي انتي مو طبيعيه، ماعندي اي مشكله بالحفظ لاني احفظ المواد وحفظي ممتاز بالدراسه،، لكن حفظي للاماكن سيء انا عندي ضعف نظر وماالبس نظاره ودايما سرحانه،،

احس اني زعلانه لان الكل يلاحظ اني مااحفظ اي مكان ولااعرف اروح لاي مكان لحالي لاني اضيع،،

الكل يشوفني اني ماعرف ادبر نفسي، وانا زعلانه عشان هالشيء خاطري اعتمد علي نفسي ومااحتاج للناس،،


الشيء الثالث اني انسانه مااعرف عن شيء بللدنيا وعن اللي يصير حولي

احبانا حتى اليوم والتاريخ والشهر ماعرفه انسانه عايشه مع نفسي وماني حول احد ابد،،

وايضا انا ماعندي سناب ولا انستغرام ولاتويتر ولا ولا ولااايي شيء من هالخرابيط ولااحب التصوير ودايما يقولون لي انتي مو طبيعيه مافي احد مايستخدم هالاشياء او ماعنده هالاشياء،،

يقولون لي حتى جدتي عندها وانتي ماعندك،،

مشكلتي ماحب هالاشياء احسها تضيع وقتي ع الفاضي وغير اني ماحب اشوف حياه الناس واخبارهم ولايهمني، انا عايشه لحالي ولنفسي بس،،

احب الرياضه وقراءه الكتب ققط،،

ايضا احب اني انام بدري جدا كذا اصلي وانام والكل يقول لي مافي حد مايسهر الحين انتي بنظام العجائز،،

اكره نفسي لاني مااعرف اصرف نفسي وداىما معتمده على الاخرين..

هل انا طبيعيه بنظركم؟!



المصدر: مجتمع رجيم


ig hkh uh]di!!


التالي

قريبتي وأولادنا الاشقياء

السابق

تستعد للسفر؟ هذه التطبيقات ستساعدك خلال رحلتك والأجمل أنها تعمل دون اتصالٍ بالإنترنت

كلمات ذات علاقة
هل , انا , عاديه!!