زوجي متسط ويدقق

السلام عليكم ..

طفح فيني الكيل ماني قادره اتحمل اكثر
يابنات زرجي يتدخل في كل صغيره وكبيره
يحط انفه في كل شي
واذا سويت شي برغبتي او على ذوقي يعصب ويتهمني اني اعانده !!
انا طباخه ونظيفه
لكن من تدقيقه علي كرهت الطبخ ليش طبختي بهالطريقه ليش مو كذا وكذا
مع ان الكل يحب طبخي ويطلبوني طبخات من ايدي لانها تطلع معي ألذ من طبخهم
لكن معه يظل يدقق ويدقق ويعطي اوامر وتعليقات ويأذيني بسلبيته
بنظافه البيت مافيه مثلي
لكنه يدور المشاكل في عين أعور مثل مايقولون
تخيلوا اني اغسل بيتي بشكل يومي غسيل كامل بانواع المعقمات وارجع امسحه لكن يبقى نقط ماء نقط خفيفه ممكن زرقاء اليمامه بس تشوفها ��
مع ذلك يجي زوجي زعلان ومعصب ليش مانظفتيً!
اقول نعم ؟ نظفت
يقول لا امسحي الارض لين ماتبقى نقطه ماءوحده ��������
حتى شركات التنظيف مافكروا بهالنقطه هههه
تخيلوا وانا طالعه يدقق بنوع شنطتي ويقول ليش تعانديني اذا مااطعته!
������
انا عايشه بدوامة مشاكل من هالنمط
مع ان بيت اهله وسخ بمعنى الكلمة !
يعني ماتشرب هالنقطه منهم ولا مره تكلمت عن بيت اهله
لكن اليوم عصبت من تدقيقه تخيلوا جتني دوالي الساقين بسبب الجهد اللي ابذله عشان اتجنب تعليقاته السلبيه مع ذلك مااسلم منها âک¹
لابد يعلق ويأذيني بكلامه اللي مثل السم
اليوم عصبت وقلت له اللي يشوفك يقول متعود على بيت نظيف يلمع
قال وش قصدك قلت شوووف بيت اهلك الوسخ وانتقدهم
والا ابوي مايقدر الا على امي ؟
وعصب وعصبت وطلع من البيت
وارتحت منه ومن مشاكله وتدقيقه
.
.

- انا ماكنت انتقد اهله ابداً ولا اجيب سيرتهم بس طفشني جنني جاب لي الوسوسه وفوق هذا مو عاجبه الا ينتقد الا يعلق -
حتى شكلي مايمدحه اذا اعجبه لكن اذا شاف شي بسيط فيه مجال ينتقده ع طوول ينتقد شوفي الحبه شوفي عبايتك هذي عبايه ؟
وتتوقعون انه شي كبير ؟
لااا مجرد غبار خفيف جاني من كرسي جلست عليه والا شي
ويجلس يحطمني ويأذيني ويعلق بسلبيه تعبت منه
تعبت تعبت تعبت
كنت ارجي منه كلام حب ومدح وكلام حلو وتصرفات حلوه
لكن اليوم ابيه يكف شره عني وبس ��
تعبني واجهدني جسدياً ونفسياً
تحطمت من الداخل وانكسرت من تعليقاته
لاتقولون امدحي نفسك مدحتها مليون مره
واثقه بنفسي لكن يهزني يهزني لين افقد ثقتي حتى نظراتي تبين نظرات مكسوره محطمه من كثر النقد
شعري حلو وناعم ولونه جميل والكل يمدحه واخر الشعر لابد ماتتقصف شعره شعرتين
لكن زوجي يعلق ليش شعرك منتف كذا ��
من متى وهو منتف ؟ شعري ناعم وراثه ولاينفش مهما حاولت ! لكن هو يحب يحطم ويأذي وكلامه سم
والشي الحلو الاحظه من عيونه مايعلق بس عند النقد يطلع له لسانين
تعبت منه تعبت