زوجي طردني على سبب تافه .. شلون أتصرف أبي أحد يطمن بالي!
مجتمع رجيم / الحياة الأسرية
كتبت :
زوجي حياتي
-
السلام عليكم ورحمة الله وبركاته
والله يابنات تعبت نفسيا من هالشمالي الغربي
هذا موضوع مشكلتي معاه سابقا
(https://www.niswh.com/vb/showthread.php?t=404120)
مشكلتي معاه هالمره أحسها تافهه بالنسبه للي واجهناه بحياتنا
الله يسلمكم بيوم سويت شغله عاديه بالنسبه لي من وراه لكن مومتعمده من وراه
ولمن دق علي بحزتها قال لاتسوين هالشغله وردي البيت وقلت ان شاءالله وييت له البيت
قعد يكلمني باسلوب جنه يكلم ياهل ان ليش طلعتي وماقلتي لي.. قلت له ماكان عندك مانع من جم يوم اني اطلع بروحي وازرق من الدوام لأنك مشغول عني هاليومين والله يعينك .. اشمعنا عصبت هالمره وكاني قلت ان شاءالله وييت ..!
ظل يعلي صوته ويحاسبني جني ياهل مو عشان خايف علي عشان بس يفرض رايه وكأنه يدور السوالف، خليته يكمل وبكل هدوء وبدون ما اكمل نقاش قلت له ان شاءالله اي اوامر ثانيه؟ قال لا وهديته وطلعت اكمل شغلي ..
ثاني يوم طبعا انا كنت بالدوام وما اشوفه وايد لانه من الفجر لحد الليل يشتغل بس يرد البيت ينام ساعتين ويطلع فما اشوفه وايد..
دق علي عقب مادقيت عليه وماكان يرد الظاهر كان نايم .. سلم وسأل عني وبعدها قال اشفيج فيج شي؟
قلت شوي متضايقه .. قال قولي شصاير .. قلت له ماله داعي ألحين ما اشوفه وقت مناسب متى مافضيت وشفتك نتكلم .. قال عادي قولي ( اهو نوعه مايحب اعلقه لازم يعرف الموضوع مايصبر) قلت له اوكي بعطيك راس الموضوع والنقاش تخليه بعدين .. قلت له:
1-انا متضايقه من موضوع اخوك ( كان اخوه متكلم عني عنده وكلامه ضايقني).
2- انا متضايقه من طريقة كلامك لي امس لمن تحاسبني جني ياهل.
3- في مواضيع ثانيه لمن تفضى من شغلك واقعد معاك نتكلم بالوقت المناسب.
(طبعا انا الفتره اللي طافت كانت صايره اكثر من سالفه وضايقني فيها بردوده .. حسيته يجذب علي او يدور السوالف علي او يحاول يبين لي ان عنده شغل واهو ماعنده بس عشان ما اشوفه بالبيت واقعد معاه مع اني مقدره ظروفه).
طبعا اهو ماسكت وقام يعلي صوته ويقول اخوي يقول اللي يقوله كيفه .. واذا على موضوع الطلعه اي انتي ياهل انا قايل لج انا كنترولج وانا مشغول هالفتره ماتقدرين تصبرين!
قلت له مشغول الله يعينك بس انا احتاجك وصابره وفضلت اطلع بروحي وافكر على اني ازعجك واقول لك خل نطلع ونتكلم ونستانس خليتك على راحتك ..
وكان يتكلم بصوت عالي ومتنرفز ،، انا قلت له من البدايه لاتعلي صوتك انا قاعده اتكلم بهدوء تكلم بهدوء الصوت العالي مو نقاش ولا اسلوب، وقام يتحجى بصوت عالي عشان مايسمعني (نظام خذوهم بالصوت لايغلبوكم)
وقلت له اشفيك تتكلم وماتبي تسمع الا نفسك، انا قلت لك رؤوس اقلام وبعدين نتناقش تقوم تصرخ ليش ؟ (واهني كنت معليه صوتي شوي متنرفزه لانه قام يغلط وياكلني بالحجي !)
قلت له هذا الاحترام هذا الاسلوب اللي تعرفه؟ انته شايفها رجوله لمن تعلي صوتك علي وتستضعفني؟ عشان انا اكلمك بهدوء واحترام؟ قال انا ارجل من طوايفج ويغلط بأهلي ويقول ماعندي حريم يقاطعوني ويعلون صوتهم علي!
قلت له اول شي انته اللي قاطعتني وانا اسولف وثاني شي انته اللي قعدت تصرخ طول الوقت مو انا ويقوم يسكر الخط بويهي
تنرفزت ودقيت عليه من عصبيتي انه ليش يسكر الخط بويهي ! كان كل ما ادق يسكر الخط لحد ما رد علي قال انتي ماعندج كرامه! قلت له ماتسكر الخط وخلك محترم وعيب عليك هذا مو اسلوب ويقوم يسكره بويهي
ويدز مسج بعدها بساعه ويقول انا حطيت اغراضج بالسياره ( سيارة اختي كانت مسافره وصافطتها في بيتي) وتعالي اخذي السياره ولا اشوفج توطوطين البيت اللي بينا انتهى
وعطاني بلوك وخلا السياره مفتوحه والمفتاح داخلها وقفل الباب ووصى الخدامه ماتفتح لي
ورحت البيت طايره وانا ابجي ماحصلت سيارته نطرته بالشارع 3 ساعات ابي افهم شاللي خلاك تقط اغراضي بهالطريقه شنو الموضوع اللي يستاهل!
لحد ما وصل شافني ونزلت من السياره وراه ودخل البيت وسكر الباب بويهي .. طقيت الجرس لحد ماطلع مسكني من ذراعي ودزني كأنه طرده من البيت!!
انا ماكو تعابير بويهي من الصدمه ولابجيت عشان الجيران لايسمعوني او يشوفوني بهالمنظر!
وخليت رفيجتي تاخذ سيارة اختي ونروح لبيت اهلي
صارلي 6 ايام .. في بيت اهلي واهلي طبعا مسافرين وماراح يردون الا بعد 3 شهور
وانا ما ادخل اهلي بسوالف بيتي حتى لو متزاعلين!
حاولت ادق على زوجي من خط ارضي عشان نتفاهم اول ماسمع صوتي سكر الخط..
ومن بعدها مادقيت !
محتره وقلبي ياكلني ومصدومه من السبب ، ياما تهاوشنا وقاطعنا بعض لان انا وياه حارين بس عادتي هاديه واتكلم باحترام ومااحب الغلط بالاهل او المعاير بس اهو اللي يوصلني لهالمرحله بكلامه الجارح وسلاطة لسانه ،!
اللي متعبني اني احبه ويدري اني اعشقه وشايلته على راسي ودايم يمدح فيني لمن يكون مزاجه رايق ،
محتره يابنات وطول يومي ابجي وكل مااسمع اغنيه او موقف يصير جدامي او تصرف معين يصير جدامي اتذكره واحس فرحتي ناقصه او موعارفه اسمع هالاغنيه بمزاج نفس ما اسمعها معاه ومااتقبل اسوي اللي كنت اسويه معااه من غشمره مع غيره من صديقاتي او ايا كان ، كل شي يذكرني فيه!
هل احاول ادزله مسج من خط ثاني او احاول اخليه فتره بعدين ادزله دعوه عشا عالبيت بفندق عشان نتفاهم بهدوء وحب ! وهم خايفه يكسرني وما ايي!
وبكل الاحوال انا احس كرامتي انهانت وموهاينه على نفسي وهم احبه وماني عارفه اتصرف!
انا دزيت له مسج من خط شريته وقلت له لاتفكر جيتي لك اني بركض وراك جيتي لك اني بتفاهم معاك على موضوع الفلوس( لانه داش معاي جمعيه مع الدوام) وهم كنت مسفلته مبلغ من قبل عشان كانت عنده ظروف وماخليته يبيع السياره عشان يدبرهم .
ساعدوني فطنوني شلون اتصرف انا ضايعه
والله يابنات تعبت نفسيا من هالشمالي الغربي
هذا موضوع مشكلتي معاه سابقا
(https://www.niswh.com/vb/showthread.php?t=404120)
مشكلتي معاه هالمره أحسها تافهه بالنسبه للي واجهناه بحياتنا
الله يسلمكم بيوم سويت شغله عاديه بالنسبه لي من وراه لكن مومتعمده من وراه
ولمن دق علي بحزتها قال لاتسوين هالشغله وردي البيت وقلت ان شاءالله وييت له البيت
قعد يكلمني باسلوب جنه يكلم ياهل ان ليش طلعتي وماقلتي لي.. قلت له ماكان عندك مانع من جم يوم اني اطلع بروحي وازرق من الدوام لأنك مشغول عني هاليومين والله يعينك .. اشمعنا عصبت هالمره وكاني قلت ان شاءالله وييت ..!
ظل يعلي صوته ويحاسبني جني ياهل مو عشان خايف علي عشان بس يفرض رايه وكأنه يدور السوالف، خليته يكمل وبكل هدوء وبدون ما اكمل نقاش قلت له ان شاءالله اي اوامر ثانيه؟ قال لا وهديته وطلعت اكمل شغلي ..
ثاني يوم طبعا انا كنت بالدوام وما اشوفه وايد لانه من الفجر لحد الليل يشتغل بس يرد البيت ينام ساعتين ويطلع فما اشوفه وايد..
دق علي عقب مادقيت عليه وماكان يرد الظاهر كان نايم .. سلم وسأل عني وبعدها قال اشفيج فيج شي؟
قلت شوي متضايقه .. قال قولي شصاير .. قلت له ماله داعي ألحين ما اشوفه وقت مناسب متى مافضيت وشفتك نتكلم .. قال عادي قولي ( اهو نوعه مايحب اعلقه لازم يعرف الموضوع مايصبر) قلت له اوكي بعطيك راس الموضوع والنقاش تخليه بعدين .. قلت له:
1-انا متضايقه من موضوع اخوك ( كان اخوه متكلم عني عنده وكلامه ضايقني).
2- انا متضايقه من طريقة كلامك لي امس لمن تحاسبني جني ياهل.
3- في مواضيع ثانيه لمن تفضى من شغلك واقعد معاك نتكلم بالوقت المناسب.
(طبعا انا الفتره اللي طافت كانت صايره اكثر من سالفه وضايقني فيها بردوده .. حسيته يجذب علي او يدور السوالف علي او يحاول يبين لي ان عنده شغل واهو ماعنده بس عشان ما اشوفه بالبيت واقعد معاه مع اني مقدره ظروفه).
طبعا اهو ماسكت وقام يعلي صوته ويقول اخوي يقول اللي يقوله كيفه .. واذا على موضوع الطلعه اي انتي ياهل انا قايل لج انا كنترولج وانا مشغول هالفتره ماتقدرين تصبرين!
قلت له مشغول الله يعينك بس انا احتاجك وصابره وفضلت اطلع بروحي وافكر على اني ازعجك واقول لك خل نطلع ونتكلم ونستانس خليتك على راحتك ..
وكان يتكلم بصوت عالي ومتنرفز ،، انا قلت له من البدايه لاتعلي صوتك انا قاعده اتكلم بهدوء تكلم بهدوء الصوت العالي مو نقاش ولا اسلوب، وقام يتحجى بصوت عالي عشان مايسمعني (نظام خذوهم بالصوت لايغلبوكم)
وقلت له اشفيك تتكلم وماتبي تسمع الا نفسك، انا قلت لك رؤوس اقلام وبعدين نتناقش تقوم تصرخ ليش ؟ (واهني كنت معليه صوتي شوي متنرفزه لانه قام يغلط وياكلني بالحجي !)
قلت له هذا الاحترام هذا الاسلوب اللي تعرفه؟ انته شايفها رجوله لمن تعلي صوتك علي وتستضعفني؟ عشان انا اكلمك بهدوء واحترام؟ قال انا ارجل من طوايفج ويغلط بأهلي ويقول ماعندي حريم يقاطعوني ويعلون صوتهم علي!
قلت له اول شي انته اللي قاطعتني وانا اسولف وثاني شي انته اللي قعدت تصرخ طول الوقت مو انا ويقوم يسكر الخط بويهي
تنرفزت ودقيت عليه من عصبيتي انه ليش يسكر الخط بويهي ! كان كل ما ادق يسكر الخط لحد ما رد علي قال انتي ماعندج كرامه! قلت له ماتسكر الخط وخلك محترم وعيب عليك هذا مو اسلوب ويقوم يسكره بويهي
ويدز مسج بعدها بساعه ويقول انا حطيت اغراضج بالسياره ( سيارة اختي كانت مسافره وصافطتها في بيتي) وتعالي اخذي السياره ولا اشوفج توطوطين البيت اللي بينا انتهى
وعطاني بلوك وخلا السياره مفتوحه والمفتاح داخلها وقفل الباب ووصى الخدامه ماتفتح لي
ورحت البيت طايره وانا ابجي ماحصلت سيارته نطرته بالشارع 3 ساعات ابي افهم شاللي خلاك تقط اغراضي بهالطريقه شنو الموضوع اللي يستاهل!
لحد ما وصل شافني ونزلت من السياره وراه ودخل البيت وسكر الباب بويهي .. طقيت الجرس لحد ماطلع مسكني من ذراعي ودزني كأنه طرده من البيت!!
انا ماكو تعابير بويهي من الصدمه ولابجيت عشان الجيران لايسمعوني او يشوفوني بهالمنظر!
وخليت رفيجتي تاخذ سيارة اختي ونروح لبيت اهلي
صارلي 6 ايام .. في بيت اهلي واهلي طبعا مسافرين وماراح يردون الا بعد 3 شهور
وانا ما ادخل اهلي بسوالف بيتي حتى لو متزاعلين!
حاولت ادق على زوجي من خط ارضي عشان نتفاهم اول ماسمع صوتي سكر الخط..
ومن بعدها مادقيت !
محتره وقلبي ياكلني ومصدومه من السبب ، ياما تهاوشنا وقاطعنا بعض لان انا وياه حارين بس عادتي هاديه واتكلم باحترام ومااحب الغلط بالاهل او المعاير بس اهو اللي يوصلني لهالمرحله بكلامه الجارح وسلاطة لسانه ،!
اللي متعبني اني احبه ويدري اني اعشقه وشايلته على راسي ودايم يمدح فيني لمن يكون مزاجه رايق ،
محتره يابنات وطول يومي ابجي وكل مااسمع اغنيه او موقف يصير جدامي او تصرف معين يصير جدامي اتذكره واحس فرحتي ناقصه او موعارفه اسمع هالاغنيه بمزاج نفس ما اسمعها معاه ومااتقبل اسوي اللي كنت اسويه معااه من غشمره مع غيره من صديقاتي او ايا كان ، كل شي يذكرني فيه!
هل احاول ادزله مسج من خط ثاني او احاول اخليه فتره بعدين ادزله دعوه عشا عالبيت بفندق عشان نتفاهم بهدوء وحب ! وهم خايفه يكسرني وما ايي!
وبكل الاحوال انا احس كرامتي انهانت وموهاينه على نفسي وهم احبه وماني عارفه اتصرف!
انا دزيت له مسج من خط شريته وقلت له لاتفكر جيتي لك اني بركض وراك جيتي لك اني بتفاهم معاك على موضوع الفلوس( لانه داش معاي جمعيه مع الدوام) وهم كنت مسفلته مبلغ من قبل عشان كانت عنده ظروف وماخليته يبيع السياره عشان يدبرهم .
ساعدوني فطنوني شلون اتصرف انا ضايعه
