مجتمع رجيمالحمية و الرشاقة و الرجيم

ماء الزعتر مفيد جدا لانقاص الوزن لغاية 20كيلو

اقتباس : المشاركة التي أضيفت بواسطة ~kozan~:
السلام عليكم يابنات

انا عجبني الموضوع وسجلت لاني كنت اسوي بحث واول مره اشوف موضوع فيه تفاعل وغير مهمل مثل هذا...
وممكن للكل انه يدخل ويحط تجربته..
وانا سجلت مخصوص عشان هالشي..
أمس اشتريت "ماي الزعتر العطري" نفس الموجود في الصوره من عند (الخاجة) وطبعا هو محل للأعشاب الطبية وخلافه...
السعر أقل من 30 درهم...فالعشرينات يعني بس ماتذكر بالضبط والله...
وبما اني شريته العصر ..شربت منه امس مقدارين فقط..
اول شي خففته بعصير والمرة الثانية بالماي... طعمه لاذع جدا وتحس بحرارة من تشربه لكن اذا كانت هاي فوايده ناويه استمر عليه واخبركم بتجربتي وكم نزلت بالضبط في فترة كم
طبعا انا مابدخل كل يوم هني واكتب ..لكني بدخل كل ثلاثاء واخبركم بالنتيجة اللي وصلت لها..
طبعا شرب الماي هذا بالنسبه لي وحدة لا يكفي، انا اتبع نظام صحي في الاكل يناسب جدول يومي وأكثر من شرب الماء + مشي على آلة المشي لمدة ساعة بسرعة (6) يعني مشي سريع...وعلى نهاية الساعة احصل الآلة حسبت لي اني مشيت من 5 إلى 6 كيلو وحرقت أكثر من 400 كالوري..

هذا جدولي لاستعادة وزني الضائع باختصار، والحين زيدت عليه شرب ماء الزعتر العطري.. اللي حطيت له جدول في يومي اني اشربه 4 مرات يوميا...والكمية مثل ماقالت اختنا مرارا وتكرارا ربع او اقل من ربع كوب الماي والباقي تزيدون عليه اللي تحبونه...
اختي بدت ايضا تجربه معاي وجربته مع اللبن وقالت لي طعمه صار معقووووول جدا بما ان اللبن اساسا ثقيل شوي فطعمه يطغي ...(هاي معلومه للي حابه تجرب وخايفة من طعمه).

المهم...
وزني اليوم هو 76 كيلو..

موعدنا الثلاثاء الياي عشان اخبركم بنتايج الاسبوع الأول...


تحياتي للجميع..
وعليكم السلام
الغالية اذا انتي من الامارات سعره 25 درهم في اغلب محلات العطارين وفي السوق القديم بالشارجه تحصلينه ارخص بعد يمكن 20 درهم على ما اذكر كنت مشتريتنه بشهر 11 بس للامانه انا ما كنت استمر عليه يعني يوم اشربه واربع ايام ما اشربه البارحه اشتريت لي غرشتين وشربت لي كوب من مخلوط ماي الزعتر والماي العادي واليوم ان شاء الله بشرب منه كوبين

وان شاء الله نشوفج على يوم الثلاثاء
سلام اخباركم انا الصراحه تحمست وباذن الله راح اشتريه واجربه وابي اطلب منكم طلب
انو كل وحده تكتب كم نزل وزنها يعني يوم بالاسبوع تحدده وتكتب فيه
اوك
مع العلم انو وزني 73 وانا مره متضايق من منطقه الارداف
يالله عسانا ع القوه جمييييييييييييييييييع
اهئ اهئ اهئ
انا قلت لماما تروح تشتريه لي ويوم راحت مالقته
لقت شي اسمه ماء الزعتر البري والمدري شنو
عاد انا بالرياااض اللي تعرف وين تقولي
الأولى ... 59  60  61  62  63 64  65  66  67  ... الأخيرة
كلمات ذات علاقة
20كيلو , ماء , لانقاص , لغاية , مفيد , الزعتر , الوزن , جدا