ماء الزعتر مفيد جدا لانقاص الوزن لغاية 20كيلو

مرحبا صبايا...

انا رجعت من بعد أسبوع... عشان اخبركم بنتايج تجربتي في الاسبوع الأول لماي الزعتر العطري..

واحب ابلغكم اني ماكنت ملتزمه كثير بالماي وبالرياضة هالاسبوع لكني نوعا ما التزمت قليلا بالنظام الغذائي لكني كنت اشرب الماي (على الأقل) مرتين يومياً.... كنت شوي تعبانه ومضغوطه هالاسبوع في الدوام وارجع البيت ميته تعب...ماكان لي مزاج امشي عالرجيم وايد...

لكني وزنت اليوم وحصلت نفسي ناقصة كيلو ونص :)..

الظاهر ان ماي الزعتر العطري ساعدني فعلا في خسارة الوزن بشكل طفيف، أيضا لاحظت على بطني انه صار ليـّن شوي كأنه بدا يفضى بالضبط مثل ماقالت اختنا "بنت أبوها" ، كنت قبل أحس بطني مشدود بس من يومين احسه ليـّن وايد (أقصد الملمس)... وأيضا حسيت ان بطني صار نظيف وماصابني لا امساك ولا اسهال من استخدمته، يعني معتدل جدا الحمد لله وهذا شي مريح...

وبالنسبه لطعمه هو حار ولاذع اذا بتشربينه مع ماي او نوع من العصائر... لكني يابنات جربته مع اللبن (المراعي او العين) شرط يكون low fat ..وطلع طعمه جناان ولا تحسين فيه على قد ماتحطين منه، ذكرني شوي باللبن والنعناع اللي كنا نشربه...يشبه طعمه شوي...وتقدرين تشربين مقدار أربع او خمس مرات يوميا بدووون أي لوووعه ..بس تذكروا ان اللبن لازم يكون low fat ...

إن شاء الله نكون في طريقنا الصحيح نحو الرشاقة، بحاول ابذل جهدي اكثر خلال هالاسبوع وان شاء الله تكون النتائج افضل من جذي لين الثلاثاء القادم...

ادعولنا يا بنات...
وبالتوفيق للجميع ان شاء الله يا رشيقات المستقبل ^^

شكرا عزيزتي على طرح تجربتك و فعلا ماء الزعتر روووعه بس لازم الالتزام عليه

نورتي