اسال مجرب ولا تسال طبيب
مجتمع رجيم / الحمية و الرشاقة و الرجيم
كتبت :
hasnaa2007
-
صدقونى يا بنات بجد الريجيم مش عاوز غير عزيمه ودى بسيطه عشان اكيد كل واحده مننا نفسها تبقى اجمل بنت واشيك . المهم بقى انا كان وزنى 93 فى شهر 6 او بمعنى اصح فى اخر الشهر 6 وكانت عايزه اعمل ريجيم ولوصل الى 75 . المهم ابتديت ريجيم وهو ممكن يكون كان قاسى فى اوله وخصوصا اننا فى الصيف والايس كريم والعصائر والمكسرات . بس هدفى هو اللى حركنى وهقولكول النظام : الصبح بشرب كوب ماء بليمون على الريق ومش لازم سخن وبعدين كوبيتين ماء بعده والفطار بقى اى حاجه من الحاجات دى ( بيضه مسلوقه وخياره من غير عيش -او -معلقتين فول ومتقطع معاهم خياره وواحده طماطم -او- كوب لبن من غير سكر -او- تفاحتين ) اما الغذاء فطبق سلطه بليمون وقطعه لحم او ربع فرخه او سمكتين ) وبعد ساعتين من الغذاء باخد فاكهه اى حاجه تفاح او جوافه او كمثرى او 6عنبات كده يعنى المهم الكميه. وبليل بقى العشا قطعه جبنه قريش او زبادى او تفاحتين . وعلى فكره انا بقالى حوالى شهرين على النظام ده ودلوقتى وزنى 75 . جربوا على فكره مش قاسى ومش هتجوعوا واهم حاجه الماء على طول من غير ما تعطشى
