نداء عاجل الى كل من العضوات المذكرين هنا
مجتمع رجيم / أرشيف معهد رجيم
كتبت :
الراجيةلعفوه
-
السلام عليكم ورحمة الله وبركاته
اخواتى واحبتى في الله :
نداااء عاجل وهام الى كل العضوات المذكور اسماءهم ادناه فقد تلخفو عن تسميع الحلقه الرابعه من تحفيظ القران الكريم (الجزء الثانى) ومنهم من تخلف من الحلقه الثالثه ومنهم من لم يلحق بنا منذ حلقات تسميع وحفظ الجزء الاول نداء عاجل اليهم جميعاً ..هلموا الى الله ..!!
(احبتى في الله ... احنا جميعا من المصطفين شوفو كام عضوه معانا في المنتدى وكام واحده ربنا انعم عليها بالاشتراك معانا في حفظ القران الا يكفي عندك ان يكون ربنا عز وجل اختارك وانتى تكسفي نفسك امامه سبحانه وتعالى!!! السور سهله وبسيطه جدا يا بنات واياتها سلسه لما انتو الوقتى كده امال لما ربنا سبحانه وتعالى يكرمنا بالوصول مثلا للجزء 25 هتعملو ايه ؟؟؟
ماحدش يقولى اعذار واهيه انا مشغوله لأ الشغل لأ العيال لأ جوزى كل ده كلام فاضي الله وحده سبحانه وتعالى هو اللى عالم انا قد ايه مشغوله وغيري من الملتزمين بالحفظ كل انسان في الدنيا له من المشاكل الجسيمه كتير نادر فينا الفاضي السور صغيره جداا بلاش نسيب فرصه للشيطان يثقلها علينا احنا خدنا خطوه كبيره اخشى عليكم من الرجوع عنها... كافانا تسويف وتسبيب طول عمرنا بتكلم ونرجع نقول اصل مافيش وقت ياسبحان الله مع اننا عندنا وقت لحجات كتير اقل من ده صح ولا انا غلطانه يا بنات؟؟؟
(اختى المشغوله )
حطى الهدف امامك بنيه خالصه لله وبعزيمه قويه .
قسمي عدد الايات المقرر حفظها كل اسبوع على عدد ايام الاسبوع حتى لو هتسمعى في اخر لحظه في الاسبوع برضه حلو جداا في نظرى ..
كل يوم تلتزمى بحفظ الجزء اللى انتى حددتيه من الجزء المقرر اسبوعيا وتحفظيه مع مراجعة الجزء الخاص باليوم السابق حتى ولو قراءه فقط ولو لمره على اخر الاسبوع هيكون محفوظ تماما ..
احفظى وانتى في الشغل او وانتى في فترات الرست بين المحاضرات في الكليه اووانتى بتستنى الاكل يستوى على النار في البيت او انتى بترتبي البيت او في العربيه حتى ولو باكست او على الموبايل او في التاكسي او قبل النوم او اتعودى تقرايه في الصلاه او في السنن مسموح مسك المصحف وكده يتحفظوا بسهوله جدا ويكون معاكى دائما في شنطتك مصحف صغير كتابته واضحه مريح لعينك ..
عمرك بعد ماتقسيمي الجزء المقرر لحفظ على ايام الاسبوع مهما كبر عمر اليوم الواحد ماهيكون فيه اكتر من نصف صفحه يعنى كبيره 5 ايات متوسطه اظنها مش صعبه خالص...
يا بنات اللى ربنا غضبان عليه والعياذ بالله عمره ماهيكون وعاء لكتاب الله هيمكن منه الشيطان ليبعده عن الحفظ او هينساه حتى لو حفظه .. ومن اراد الله به الخير كله جعله الله وعاء لكتابه الكريم..
اللهم اجعلنا دائما وعاء قلبا ورحا لكتابك الكريم .. الله تعالى اكرم من ان يحرق جسد كان وعاءا في الدنيا لكتابه
تعالوا يلا يا بنات .... نتسابق في من فاز بملئ قلبه وروحه بعدد اكبرمن اجزاء القران وتعالو نفرح سوا ونقول الحمد لله احنا امتلئت عقولنا وارواحنا معا بجزء... الحمد لله بجزئين ... الحمد لله بثلاثين جزء الحمد لله الذي اتم علينا نعمه بحفظ كتابه ...يلا يابنات اتشجعو ( وفي ذلك فاليتنافس المتنافسون)
اهم من الحفظ المراجعه واحنا بامر الله هنعمل خطه بس نفكر فيها ازاى نرجع ان شاء الله بعد مانتم الجزء التاسع والعشرون نراجع على الجزئين مع بعض وممكن نعمل اختبار الله اعلم وقتها ايه اللى هيحصل بس يلا بقى شدو الهمم ..
اسماء المتسابقون في حب الله تعالى ولم يلحقوا بركب التسميع
خادمة الرحمن
دبه بس حلوه
عين التسنيم
بروكن روني
دينا
ام العبدين
داعية الى الجنه
فلونا
فجر الاسلام
عنتوت
دره
هند حسن
طبعي ذبح غيري
مهد
بنت ابوها
اكابر
جويريه33
معماريه توب
عبق الشهاده
ombakr
marwa
lolo51177
emanreda
a7la_doda
وقد انضم الينا
