يوميات زوجة تخينه .. ( الجزء الاول ) ...

الساعه السادسه صباحا ..

ام ثامر تتطرق الباب عل تامر في غرفته ؛؛ ياتامر يالله حبيبي دوامك الساعه سبعه ( عشان يصحى بسرعه ) قوم الفطور مستنيك ياولدي

ثامر : طيب ياامي روحي وانا دحين اجي وراكي يالله يالله ..


نزل تامر بعد مابدل ملابسه واتوضا وصلى , سلم على امه وحياها واجلس افطر معاها ..

ثامر : كيفك ياامي وكيف رجولك اخلي عم سعيد يوديكي الليوم المستشفى ؟؟

ام ثامر : لا ياثامر , اخذت الدوا البارح وكاني مرتاحة شويه ,, جزاك الله خير لو حسيت انه الم رجليا زاد هروح المستشفى لاتشيل همي .. وبعدين ياثامر مارايحه افرح فيك .. ياولدي العمر بيعدي وانا نفسي اشوفك متهني وعايش مبسوط في بيتك واشوف اولادك حوليه .. ولا ماتبغه تنولني اليوم دا ..


ثامر مستغرب :: الله يطول عمرك ياامي , لغاية ماتشوفي اولاد اولادي...
وتتوقعي ياامي اللي هاخذها هتكون بحنيتك ,,؟؟؟


ام ثامر : بنات الحلال كثير ياولدي ..وانا حاسه اللي بتسعدك ومناسبالك هند بنت خالك طلال ريحني ياثامر وخذها قبل مااحد تاني يحط ايده عليها
..

ثامر مستعجل مرة بلا مبالاة ,, قام وقف وشفط شوية شاي وقال لامه



[: اذا ربنا كاتب نصيب ليه لا ياامي بس انا مافكر فيها ..
يالله يالله ياامي .. اشوفك على خير
مع السلامه ..

خرج بسرعه ..
عم سعيد : صباح الخير يابش مهندس ..
ثامر : اهلا بالغالي .. كيف حالك ياعم سعيد ان شاء الله بخير زي عوايدك نشيط ياوجه الخير

عم سعيد : الله يزوجك يا بالي يحبها قلبك ..
ثامر : احسن دعوة قلتها ..
حرك تامر السيارة وتوجه لعمله ...

دخل مكتبه ...
ثامر : عبد الله !!! ايش بك ياعبدالله, كانك شايل طاجن ستك فوق راسك عسى ماشر ؟؟ ليه كذا زعلان


عبد الله : الست اللي انا متزوجها الله يحرقها جابت لي المرض ,, طول الليل الاولاد الصغار سهرانين وصياح وبكى وقربعه في المطبخ ,, وحياة زفت

ثامر : ياراجل صلي على النبي ,, لو كل الرجال زيك كذا ماعمرت الدنيا ,, اتفاهم مع زوجتك بالراحه ياعبد الله عندك منها عيال ولا تبغه تخرب بيتك ..

عبد الله : اقولك متفهمني ياثامر , ماهي راضيه تفهم , اقول ثور تقول احلبوه .. من شهرين اتفاهمنا على حكاية انه يوم الجمعه دا مااحبها تعزم اي مخلوق في البيت لانه يوم راحتي طيب
ثامر : طيب ..

عبد الله : الاسبوع دا اتفقت مع حريم اخوانها يتعشوا عندنا من دون ماتقولي اتخيل ,, صحيت العصر لقيتها بتقلي جيب مناديل وعشر علب عصير ,, قلت لها ليه يابنت الحلال عشرة احنا كلنا في البيت خمسه , عشرة لمين ,,
تقو لي :مو انا .. انا .. انا عازمة حريم اخواني وهمه من زمان يبغوا يجوا وانا اردهم عشانك , وقابلت وحدة منهم واستحيت منها وقلت هعزمها بس كمان استحيت من الباقيات , فاضطريت اعزمهم كلهم ...........
ليش تزعل ..
طيب , وجاتك كل وحدة ببزارينها ,, وماخرجوا الا الساعه وحده الليل , لا وتقولك خرجوا بدري

ثامر يقاطع عبد الله
ثامر : اكيد في لها باب مستحيل كل البيبان تكون مقفله كذا بينكم حاول معاها حبه حبه ..

عبد الله باستياء
عبد الله : هوه فعلا في باب واحد بس وفي يدي ..


ثامر : طيب الحمد لله ,, اهوه لقينا باب قول الله يجعله خير

عبد الله : اتزوج عليها واريح نفسي ... بس


يتبع .......... استنوني .........عمهوج