يوميات زوجة تخينه .. (الجزء الرابع )

بعد شهرين .......... الساعه السابعه صباحا توجه ثامر لعمله دخل المكتب كعادته متفائلا.......... عبد الله : اهلا بثامر اهلا بوجه السعد ياسعد , اهلا...

مجتمع رجيم / الحياة الأسرية
عمهوج
اخر تحديث
يوميات زوجة تخينه .. (الجزء الرابع )

بعد شهرين ..........
الساعه السابعه صباحا توجه ثامر لعمله دخل المكتب كعادته متفائلا..........

عبد الله : اهلا بثامر اهلا بوجه السعد ياسعد , اهلا بالشمس والنور والصباح والعصافير ,, صباحك ورد وفل وكادي , صباحك عسل وقشطه , صبحك الله بالخير يااحسن صاحب واخ بالدنيا .......

ثامر : هالله , هالله !!!!!!!!, ايش دا كله ايش دا كله , ايش اللي حصل في الدنيا ياناس !!!!!!!!!!!!! قال ياجايين يكفيكو شر القاعدين ,,

لا لا مو معقول ماني مصدق .. عبد الله؟؟ اسم الله عليك ,, اكيد فيك شي مو بعوايدك

عبد الله : وايش بك مستغرب كده , .. عشاني مبسوط يعني.. دا بدل ماتفرحلي ..

ثامر : الله يزيدك من البسطه كمان وكمان ,طيب ياسيدي فرحنا معاك

..
عبد الله : ضحكت لي الدنيا يافالح .........والبيبان المقفله انفتحت ..

ثامر : والله ,, لايكون وقعت على كنز علي بابا

عبد الله : لاياشاطر وقعت على كنز دعوة ماما ههههههههههه
اسمع ياسيدي القصة ::

زميلنا ابو ماجد اللي في قسم المنشآت تعرفه ؟؟؟

ثامر :ايوه اعرفه ,, ايش به !!!


جا زارني في رابع يوم العيد هوه وبعض الزملاء , وجلسنا نضحك ونسولف لغاية الساعة عشرة راحو كل الزملاء مابقي الا انا وهوه , وحلفت عليه يجلس شويه معايه ,,وانفتحت من هنا سالفه ومن هنا سالفه
, وقالي ياعبد الله احوالك مي عاجبتني من زمان مو انا بس اللي ملاحظ ,, دايما مكشر وزعلان ونادر مانشوفك في حفلات الشركه وجمعات الزملا ء عسى خير يااخي


وجلس كلام يروح وكلام يجي ,

قالي اسمع عندي لك عروسه تنسيك الهم , وتنسيك الايام السوده اللي عشتها وتخليك تقب على وجه الارض وترجع عشر سنين لورا ,...
ثامر : ايوه ...

عبد الله : قلت له والله الفكرة في بالي بس خايف من اي شيء يأثر على مستقبل الاولاد
فالي ابو ماجد : وليش تخاف , انت مابتسوي شي غلط شيء على سنة الله ورسوله , على الاقل وحدة تمسح بيدها الدافيه على كتفك وتشد من ازرك
عبد الله : ااااا والله يابو ماجد عداك العيب , انت كذا بتخليني افكر في الموضوعه بجديه . بس اعطيني وقت والله يكتب اللي في الخير
ومسكني من يدي وهمس لي بصوت خافت
وقالي :والعروسه اللي بقولك عنها تملي العين انيقه مملوحه موظفه بنت عيله وناس وربنا ماكتبلها من زوجها الاول الله يرحمه اولاد لانها عقيم ماتنجب ..
قلت له ..:ليه هيه العروسه ارمله
فالي :ايوه بس صغيره في عمرها اتنين وثلاثين سنه
قلت له : هيه تقرب لك العروسه يابو ماجد ؟؟
قالي ابو ماجد : افا عليك هذه اختي , اختي الغاليه , وانا ماافرط فيها ولو ماني عارفك ومتاكد من انك رجال توزن بلد وصاحب كلمه والله ثم والله مااعرضتها عليك
قلت له : والله يشرفني قبل مايشرفك يابو ماجد .
قالي ابو ماجد : تحب تشوف العروسه انا جاهز , دق عليه جوال وانا تحت امرك ارتب للشوفه وتجلس معاها تشوفها وتشوفك وتتكلم معاها ولا يكون في خاطرك الا طيب انا اشتري رجال ياعبد الله وهذه والله انها فرصه اتفقنا
قاله عبد الله اتفقنا
يتبع ............ استنوني عمهوج
didi21
ممتازه حبيبتى يللا اكملى
alamel
قصة حلوة

منتظرين البقية

مشكورة

التالي

يارب أموت وأرتااااااااااااااااااح !!

السابق

المسلسلات التركية المدبلجة!!!!!

كلمات ذات علاقة
الجزء , الرابع , تخينه , يوميات , صنية