مجتمع رجيمالاطباق المتنوعة

المستقعه من غير ماتتخني

سلاموا عليكوا يا وردات
انا انهارده حقولكم علي طريقه سهله للمسقعة
من غير دهون كتيره
الاول كنا بنقلي الباذنجان في الزيت علشان نعملها
لكن المره دي مش حنقلي حنستغني عن الزيت
المهم
المقادير
كيلو باذنجان اسود - ملعقه زيت او سمن
نصف كيلو لحم مفروم - نصف علبة صلصه
ملح وكمون وفلفل - بصلة متوسطه

الطريقة
1 - نقشر الباذنجان ونقطعه طرنشات ويرس في صينيه بدون اي زيوت ويوضع في الفرن علي الشوايه حتي يشوي الوجه ويقلب ليشوي علي الوجه الثاني كل وجه بياخد حوالي 7 دقايق فقط
( بكده نبقي شويناه بدل القلي وتخلصنا من الزيت )
2 - نحضر صينيه ونضع بها معلقه زيت او سمن ويقطع البصل صغير ويصفر فقط نضع اللحم المفروم عليه ويشوح ونهدئ النار حتي تنزل اللحمه مائها وتشربها ثم نضيف الصلصه والملح والفلفل والكمون وتترك حتي تتسبك وتستوي اللحمه
3 - نضيف الباذنجان علي الخلطه السابقة ويهرس بالشوكه باليد ونهدئ النار حتي يشرب الباذنجان من الصلصه جيدا وينضج كل شئ
4 - تغرف وتقدم ساخنه
انا جربتها بنفسي بعد ما كنت معتاده عملها بالقلي وصدقوني نفس الطعم لكن مع دهون اقل كتير قوي
وتقدري تاكلي منها من غير خوف انك حتتخني ومن غير تأنيب ضمير بعد ما تاكليها
وبالهنا والشفا
والله فكره جميله
انا بموت فى المسقعه

شكرااااا لك حبيبتى
وان شاء الله اجربها
يسلمووو ايديكي حبيبتي
طريقه حلوه انشاء الله اجربها
شكرا لمروركم شرفتوني
وبالهنا والشفا
تسلمي يااااااااااااااااااارب من كل قلبى وانا من عشاق المسقعه دي حب عمرى

ياربييي مكنتش متخيله انى ممكن اكلها فى الريجييييييييييييييييييييم
كلمات ذات علاقة
ماتتخني , المستقعه