كيكة البلدوزر(لمسابقة اجمل ترته)

مجتمع رجيم / المعجنات و الحلويات

كتبت : OMBAKR

مقادير الكيك:
3ملاعق كبيره زبده او سمن(وانا بفضل السمن)
كاسة سكر
4بيضات
كاسة حليب او عصير حسب الرغبه
2ك طحين (اكثر شوي او اقل حسب نوع الطحين)
3ملاعق صغيره بيكنغ باودر
علعقه ونص فانيليا

الطريقه:
تخلط جميع المقادير بالترتيب مثل ما انا كاتبتها مع الخلط الجيد بعد اظافة كل عنصر ,ثم رح تحتاجي لقالب الكيك المستطيل تبع التوست .
تقسمي مقدار الكيك لجزئين,واذا عندك قالبين كيك بكون احسن بتخبزي النصفين مع بعض ,واذا في بس واحد بتصبي نصف الكيكه في وبتخلي النصف الثاني ليخلص الاول,وبعد ما نخلص الخبز بنترك الكيك حتى يبرد تماما,ثم نبدء بعملية التشكيل والتزيين.
الادوات المطلوبه للتزيين:
1ونص كريمه اصفر
نصف كوب كريمه بني فاتح(بتخلطي الكريمه الابيض مع القليل جدا من الكاكاو)
نصف كوب من الكريمه البني الغامق
4 حبات دونتس مغطيه بالشكولات
m&m ازرق واخضر
gumdrops احمر واصفر
4 تويكس
اعواد الاسنان
4 توزليرز اصفر
12 حبه بسكوت اوريو(تكوني شايله لكريمه منها)
الطريقه:
بتجيبي وحده من الكيكات الي عملتيها ,بتقطعي ربعها تقريبا او اكثر شوي,وبعود اسنان بتدخليه بالجزء المقطوع يعني الربع الي قطعتيه وبتثبتيه على على وسط الكيكه الي قطعتي منها,وبعدين بتجيبي الكريمه الاصفر و بتغطي الكيكه كلها.واعملي حسابك تخلي من الكريمه الصفره لمقدمة وماخرة البلدوزر.
بعدين بتجيبي كيس وبتعملي فيه خرم صغير ,اذا ماعندك كيس تزيين وبتحطي فيه الكريمه البني الغامق,وبتعملي منه حواف الشباك الجانبيه والاماميه,وبتعبي الشباك بالبني الفاتح (انا ما كان عندي بني غامق استعملت الفاتح للتحديد وبدل الغامق استعملت اللون الرمادي الفاتح)
بعد ما تخلصي الشبابيك بتثبتي الدونت على الجوانب بالكريمه او باعواد الاسنانووبتحطي القليل من الكريمه بوسط الدونت عشان تلزقي حبات الm&m الاخضر.
وبعدين بتجيبي الكيكه الثانيه الي عملناها وبتاخدي منها قطعتين وحده تكون على شكل مثلث والالثانيه مستطيله,وبنغطيهم بالاصفر,وبنجيب المستطيل للمقدمه بنحطه على التوكس زي ما شايفين بالصوره والمثلث للماخره ونثبت فيه التوزلرز زي الصوره ونحط قطعة توكس للمدخنه وحبتينm&m
للاضويه الاماميه ,ونجيبgumdrops احمر للاضويه فوق البلدوزر واصفر انقطعه مثلثات لنحطه لاسنان البلدوزر.وبعدين انفتت الاوريو لنستعمله كرمل حولين البلدوزر.
وان شاء الله الاولاد ينبسطوا
ا عملتها لعيد ميلاد ابني وكثير فرح فيها

البلدوزر(لمسابقة ombakr-1226501538.jp

يارب يزبطوا المره هذه،ويارب تنقبل بالمسابقه

كتبت : OMBAKR

انا الصور بتظهر عندي،ارجوكم خبروني اذا ما بتظهر الصور عنكم.
وشكرا

كتبت : noga sief

ام بكر حبيبتى الصور ظهرت عندى والكيكة جميلة تسلم ايديكى يا قمر

كتبت : noralhoda

ما شاء الله شكلك تعبانه عليها يا ام بكر ومبينه عن جد بدوزر والله انت يا ام بكر عليك نهفات الله لا يحرمنا من نهفاتك ونيال ولادك فيك ما شاء الله وبتمنى كيكة تفوز لانها بتستاهل وللامام

كتبت : مسلمة

ماشاء الله تبارك الله حلوووووووووووووووووووووووووووووووووووة قوى يا ام بكر التورتة دى رائعة الجمال