ارجو الرد سريعا

السلام عليكم
انا فتاة لا استطيع ان اشعر بالفرحة على الدوام حزينة جدا مهما كان الشىء مفرح لا استطيع انا افرح دائما اشعر بخوف وهلع كلما احب انسان افكر دائما مازا سافعل لو فارقنى ومات وابكى بكاء شديد لمجرد احساسى بتلك الفكرة اشعر دائما انا الموت سيفاجانى واخاف بشدة احاسيس متضاربة دايما خايفة وقلقانة حاسة انى مستكترة على نفسى الفرحة وعصبية جدا وسريعة الاستفزاز لتفه الاشياء لدرجة انى من كتر العصبية جسمى كله بيوجعنى ومش بعرف اسيطر على اعصابى دايما حاسة بالاسى والحزن نفسى انام من غير مفكر ولا اكون قلقانة بخاف من الاقدار جدا بحس انى عمر مفرحتى حتكمل وحاسة انى من جوايا تعبان اوى بميل للعزلة والوحدة والابتعاادعن الناس فقدت الاتصال بكل اللى حواليا بقيت بمل من الكلام مع اى حد الانسان الوحيد اللى بتكلم معاه كانى بتكلم مع نفسى هوا خطيبى لانى بحبه جدا ومتعلقه بيه اوى وهوا كمان اكتر منى بس بخاف انا فرحتى متكملش وانه لو جراله حاجة انا حعيش ازاى بحس انى لما نتجوز انى مش حعرف اسعده وانى مش حخلف وببكى وبتأثر نفسيا جدا بالموضوع ده بتخيل نفسى فى موقف وبعيط بحرقه احساسى ان اى انسان قريب منى بيبعد عنى بحس انى مش حشوفه تانى نفسى ان اجمع كل الحاجات اللى بتالم الناس وبتضايقهم فيا لانى دايما حاسه انى اقدر اتحمل اكتر منهم نفسى اسعد كل الناس اى انسان بيصعب عليا بالزات لو شفت دموعه وببقى نفسى انا ابقى مكانه علشان ميتالمش حتى لو مكنتش اعرفه بحس انى اوقات كتير جوايا بينهار اقل كلمة بتحلينى اعيط كانى بتلكك انى اسمع حاجة تضايقنى انا تعبانة جدا من كل المةاضيع دى وحاسه دايما انى محتاجة اروح لدكتور نفسى بس خطيبى بيحب يتكلم معايا ويسمعنى بس بحس انه مش حيقدر يحللى كل ده وعلى فكره كل ده ماثر عليا جسمانيا وعضويا نفسى افرح واضحك مش عارفه مفيش اى حاجه بتفرحنى ولا بتسعدنى ولو حسيبت انى فرحانه بحس ان الفرحة حتزول فمش لازم افرح انا نفسى حد يحللى ده ويفسرهولى ولو محتاجه دكتور انا ممكن اروح عادى بس الاقى حل انا تعبانة بجد اوى ارجو الرد فى اقرب وقت

حبيبتى
الحياة جميلة و تستحق ان نعيشها مادام نعيشها بقلب مؤمن و ايمان كامل بالقدر و النصيب
و اتمنى ان تفرحى و ان تعيشى حياتك
(وقل لايصيبنا الا ما كتب الله ليا ) صدق الله العظيم

فمشاعر الخوف والقلق شيئا دائما في حياة الإنسان اليومية ولكن اذا زادت حدتها وإلى درجة التأثير سلبيا على قدرة الإنسان على القيام بوظائفه اليومية الحياتية بصورة طبيعية وبالكفاءة المعتادة، فإن هذه المشاعر السلبية تتحول إلى مرض أو بالأحرى مجموعة من الأمراض تسمى مجتمعة بأمراض القلق النفسي.
وهذه الأمراض متفاوتة في الشدة وفي درجة الخطورة التي تشكلها على صحة الإنسان الجسمية (البدنية) أو النفسية

و القلق عموما حبيبتى يظهر فى عدة سلوكيات منها
توتر عضلي وعصبي واضح.
· النشاط الزائد وعدم القدرة على التزام الهدوء.
· النرفزة وسرعة الغضب.
· الشعور بتعب وإجهاد وزيادة عدد دقات القلب.
· التعرق الزائد.
· الشعور بالبرودة والرطوبة في اليدين.
· جفاف في الفم مع صعوبة في بلع الطعام أو الشراب.
· إسهال وكثرة التبول.
· فقدان القدرة على التركيز.
· الغثيان والشعور بالدوخة

كما ان أي مشاعر خوف وذعر شديد والخوف من خطر وهمي لا وجود له تسمى طبيا بأمراض نوبات الهلع والذعر الشديد غير المبررة.

و ما انصحك بة حبيبتى
ان تقتربى من الله و ان تكثرى من قراءة القران الكريم و المواظبة على الصلاة و ان تكونى اكثر ايمانا قبل اى شىء

كما انصحك حبيبتى بزيارة الطبيب المتخصص
لوصف بعض العقاقير التى تفيدك فى تقليل التوتر و القلق و الخوف
ووصف الخطوات الملائنة لعلاج حالتك

شفاكى الله و عفاكى
و طمنينى