رافضه الزواج

انا عمرى 20 عام ورافضه الزواج بكل الطرق وكرهاه ومش متخيله نفسي اكون زوجه ابدا ولا عايزة اكون اصلا حتى لو وصل سنى لسن كبير مينفعش فيه الجواز برضه مش عايزة اتجوز وبأرف من الموضوع اساسا ومش بحب اتكلم فيه خالص ولا عايزة احب ولا اتخطب ولا اتجوز رغم انى عمرى ما مريت باى تجربه عاطفيه من قبل كده وفى كتير بيكونوا عايزين يرتبطوا بيا ويتقدمولى بس انا مش بوافق
اروجوا الافاده ولكى جزيل الشكر

ليه كده يا ساره يا حبيبتى

ده الجواز كاس مكتوب على كل الناس

لا يا قمر بكلمك بجد
اكيد فى حاجه خلتك تكرهى الزواج بهذا الشكل
يمكن علشان لسه ما حبتيش
او لانك بتشوفى نماذج لجوازات فاشله

لا يا حبيبتى
اوعى تسيبى نفسك لهذه المشاعر السلبيه

ذى ما الزواج فيه مسئوليه وبعض المشاكل
ذى ما فيه مميزات
واحسن ميزه فيه
الاستقرار والحب والاولاد
انت لما تكبرى هتحتاجى حد معاكى
والا هتعيشى وحيده على طول

فكرى تانى
وان شاء الله تلاقى واحد تحبيه وتعيشى معاه احلى ايام عمرك

ربنا يوفقك يا حبيبتى
ويرزقك بالزوج الصالح انت وكل البنات

والله انتي نفس حالتي بس انا سبب كرهي لزواج هو النماذج اللي حولي

انا مش موضوع كارهه الزواج انا بشمئز من الموضوع عادى مفيش نماذج تخلينى اكرهه بالعكس يعنى بس انا رافضه الحب وازواج ده اساسا

حبيبتى

ان ما تشكين منه لا نطلق عليه مرضا نفسيا وانما حالة نفسية رافضة لما يتعلق بالزواج والاسباب

كثيرة اساسها التنشئة الاجتماعية و الأسرة

كما انه من الطبيعي أن يكون هناك فترة في عمرك لا تحبين الارتباط بشخص معين أو حتى محاولة التفكير

حاولى حبيبتى ان تقتربى من الله و الدعاء دائما

حاولي أن تجلسي لوحدك وتفكري

حاولي أن تقومي برؤية ما يجعلك أن لا تعطي قرار
ضعي قلم وورقة وحاولي كتابة ما يضايقك

وما هي الأسباب التي تمنعك من الرفض...لأنه لا يجوز أو لا يمكن الرفض من لاشيئ
ولكن يمكن أن يكون شيئ مر معك وسبب لك مشكلة أو أزمة و الأفضل أن تواجهي مشكلتك ولا تتهربي منها


استشارة من هو اكبر منك سنا والوالدة هي ادرى بوضعك من اي شخص آخر .

ان مررت بخبرة مؤلمة عليك تناسيها ومسحها من ذاكرتك .

قد يتولد للفتاة خوف من الزواج بسبب ما تسمع وتقرأ وتشاهد ولكن هناك من كن سعيدات

بالزواج وانجاب الاطفال وهن كثيرات .

عليك ان تجعلي شعورك السلبي تجاه الزواج صغيرا وتعملي على جعله يتلاشى تدريجيا .

و يا حبيبتى ان كان هناك اى شىء خاص تودى مخاطبتى فية فى انتظارك على الرسائل الخاصة

وأدعو الله العلي القدير أن يوفقك في حياتك

وأن يزيل عنك الهم والغم