تعالووووو بسرعة نضع افكارنا

مجتمع رجيم / أسئلة وأستفسارات العروس
سعاد الراشد
اخر تحديث
تعالووووو بسرعة نضع افكارنا

تعالووووو افكارنا 44ux7.gif






حبيباتي كيف حالكم يارب تكونو بالف خير انا فتحت هالموضوع على شان نفيد بيه المنتدى و نطور منتدى العروسة و ياريت تساعدوني فيه و هو ان كل وحدة عندها فكرة حلوة ممكن نضيفها للمنتدى العروسة تكتبها هنا و نسعى لتحقيقها داخل القسم و ياريت تتفاعلو معي حبيباتي و ليكم مني كل الود
سعاد الراشد
معقولة يا بنات ما فيش ولا فكرة
broken_rony
سعاد حبيبتى ربنا يوفقك يا قمر وانا عندى اقتراح مش عارفه هينفع ولا لا

تعملو منتدى فرعى لمشكلات اللى بتواجه العرايس من جميع الجوانب وحلول جذريه عن تجربه

اتمنى انى اكون قدرت اقدم جديد
أمواج ثائرة
يعطيــك الف العافية والصحة

على الطرح الرااائع والجميــل

وأنا معكي
تقبل مروري
***************
السلام عليكم ورحمه الله وبركاته..


غاليــــــاتي...

اليوم كتبت لكــم قوائم واحتياجات العروس ....وأتمنى اني اكون وفقت في اختيار الموضوع ومانسيــت شي ..


وانشالله الفائده تعم على الكــــــل ...


أولا :نــــــــبدأ بالحجـــوزات المطلوبـه:-
حجز القاعـــه..
حجز المكياج والشعر (للعرس والحنا والصباحيه والهديــهـ) ..
حجـز الكوشه والاضاءه..
حجزالتوزيعات..
حجز التصوير واختيار البوم العرس..
اختيار بطاقات الدعوه..
حجـز الفـرقه..
حجز الأمن ( تفتيش جوالات الكاميرا)..

ثانيــا: قائمة مشتريات العروس :-

الفساتين:

1-فستان الزواج ( تفصيل - ايجار- جاهز )..
2-فستان الصباحيه..
3- فستان الهديــه ..
4- فستان او فستانين زياده على حسب انتي شلوون..



الجلابيات:

1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم..

2- جلابية الحنــا أو فستانها ( طبعا شعبي)..






قمصان النوم :

كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..


البجامات :

تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> :d حركات...والارواب..


الملابس الداخليـــــه:

من15 الى20 طقم..


ملابس البيت :

طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير);) عشان تنفعكــم ..


ملابس السبورات :

جنزات ... وتيشيرتات ... قمصان كشخه وعمليه ... حزامات ... وماالى ذلك..



البــدل والتنانير :

تحتاجين من 4 الى 6 بدل كشخه لانج من عقب العرس بتجيييييج زيارات كثيره وبتحتاجينها .... وبعد بتحتاج التنانير الساده العمليــه ..


العطورات والكريمــات :

بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه..


الشنــــــط (الحقائب) :

العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ....

شنط لتجهيزاتك (طقم) + شنطة مكياج + شنطة للمجوهرات ..


العبــــــايات :

عدد 6 عبايات (أطقم طبعا) ( 3 راقيات للمناسبات + 3 عمليــات فيهم حركات خفيفه وممكن تفصلين وحده ساده )..

المكيـــاج :

كريم أساس للسهرات: ( ديور).

- كريم أساس للاستعمال اليومي: ( ذا بودي شوب).

- أساس استوديو فيكس من (ماك).
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير).
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).

- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم).

الشدو:بيق مينت من ماك للسهرات بآخذ ألوان معينة .
مجموعة شدو منوعة بين المات و اللمعة و الكريمي من ماك و بن ناي و نوبا ..
علبة الشدو الكاملة من مكياجي للاستعمال اليومي و الخفيف .

البلاشر :
نوبا و ماك.

الأرواج و الجلوسات:

ماك و نوبا و ميك اب فور ايفير و جيفنشي.


فرش المكياج و قطع اسفنج :

بودي شوب و ريد إيرث وماك . ومستحضر منظف للفرش من ماك.



مثبت الشدو:

من ماك رهيييييييب و يخلي اللون يثبت و ما ينثر على الوجه.

- رموش :
ماك.

مفــرش السريــر :


راجع لك اختيار العدد بس اعتقد 2 كفايــه ..


الذهب والمجوهــرات :

نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....



الســاعات :

ساعة ليلة العــرس ... وساعتين وحده عمليــه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن) ..

الأحذيــه :

تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعـسل + أكيـــد حذاء ليلة العرس..



الأدوات والمستلزمات الثانويه :

مجفف شعر (سشوار) + مكينة للحف + عدةأظافـر+ عدة خياطة+ حلاوه –شيره سويت (بكل اللغات ) + ملقط شعر + اكسسوارات الشعر + مكواة بخار + مشقر لشعرالجسم

الاهتمــام والعنـــايه:

حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعــر + بادي كير ومانيكير +عنايه بالاسنان..:d


أغــــــــــراض ومستلزمات السوبرماركت (الجمعيه) ومحلات العنايه :

صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك ..

مقتطفـــــــــات ( لاتنسي ) :

*إعداد قائمة المعازيم من وقت شان ماتتعبين..
*تأكيد حجوزاتك قبل العرس بفتـــــره..
*تشاورين الناس القراب منك في الخطوات الي تسوينها لان النصايح مفيده..
*لوحجزتي شي (مكياج – شعر- حنا – كوشه ) وانتي مقتنعه وعاجبـك ... لااااتخلين احد يحيرك الي حجزتيه خلك عليه..
*حجز المكياج لاتحجزين لاشخاص كثير ماك عشان تاخذين راحتك ومايكون ضغط عالماكييره ..
*خلي لك مبلغ بسيط من المهر ينفع لبعد العرس ..
* لاتنسين الهدايا لخطيبك بين كل فتره وفتره (تقرب القلوب) >> طبعا عشان هو يجيب بعد هههه ..:d
* قراء سورة البقره كامله يوم العرس ..
* لبس الفستان والحذاء قبل العرس والتمرن على المشيه ويفضل مايكوون ثقيل عشان ماتتعبين ..
* تبتعدين عن السهر عشان وجهك يكون منور يوم العرس..
* اكثار شرب الماء واكل الفواكه والاشياءا لمفيده (للبشره ) ..
* لاتتوتريـــــــن ... ترى يقولون أيام التجهيز من أحلى الايـــام حتى لوكانت تعب..


مفتـــوح لكل عروسه حابه تحط نصايحها للعرايس بخصوص التجهيــزات..
[/size]
سعاد الراشد
تسلمي ياعمري و بارك الله فيك ياغالية على النصائح المفيدة اللي انا شخصيا استفدت منها والله


بس بقولك حاجة انا كنت اقصد بالموضوع وضع افكار عامة للقسم متل موضوع حملة العناية بالجسم و الملجة و غيره

او مسابقات اواو او
حروف الهجاء
أنشاء الله يا سعاد أفكر في الموضوع واشوف وش محتاج من الأضافات
الصفحات 1 2  3  4 

التالي

كل ماتريد العروس هنا وأنا حاضره لأي سؤال عن لليلة العمر تفضلي ياعروسة

السابق

عندي سوائل

كلمات ذات علاقة
افكارنا , بسرعة , تعالووووو