اعشاش الدجاج لذييييييذة وخفيفة وسهلة

مجتمع رجيم / الاطباق المتنوعة

كتبت : بنت الأجواد

نبدا بسم الله :
المقادير:
2 علبه شعيريه بمايعادل 20 دائره شعيريه بدون تكسير طبعا
6 الى 8 قطع صدور دجاج مقطع صغير
فلفل بارد واحد حجم كبير مقطع صغير
بصله كبيره مقطع صغير
3 حبات جزر مقطع صغير
4 حبات كوسا مقطع صغير
فصين ثوم مهروسين
3 ملاعق كبيره صلصه
ملعقه كبيره مسترده ((خردل))
ملح وبهارات
3 ملاعق كبيره ملانه جبن كاسات
علبه قشطه
جبن موزريلا
الطريقه :
اولا نسلق دوائر الشعيريه بماء وملح لا تتجاوز 5 دقايق تعرفون بسرعه تستوي

والحين نسوي خلطه الدجاج نحمس البصل والثوم بشويه زيت بعدين نزيد عليها قطع الدجاج ونقلبها حتى تبيض وينشف ماءها شوي وتستوي نص سواء

بعدها نزيد عليها الخضار والملح والبهارات ونقلبهم ونتركها على نار متوسطه عشر دقائق
بعدها نزيد عليهم 3 ملاعق كبيره صلصه وملعقه كبيره مسترده ((خردل))
ونتركها خمس دقايق ونطفي النار من تحتها
نجيب صينيه البايركس ونرشها بجبن الموزريلا حتى يغطي القاع

ونصف فوقه دوائر الشعيريه طبعا ماتصفي المويه انك تكبيه بالصفايه لالالا راح تتفكك معاكي
خذيها وحده وحده بملعقه اللي فيها ثقوب وصفيها فوق الجبن

بعد الصف عبي كل وحده مقدار ملعقه او ملعقه وشوي من حشو الدجاج

الحين نسوي خلطه الجبن ويا القشطه نخلط 3 ملاعق كبيره جبن سائل +علبه قششطه
ونصبها على الشعيريه دار من دار الحشو

وبعدين نرش الوجه بجبن الموزريلا

وندخلها الفرن على حراره متوسطه 350 فهرنهيت خليها من تحت عشر دقائق وبعدين حمري الوجه تحمير بسيط

انا شخصيآ سويتها لذييييذة مرة وخفيفة وسهلة لذييييييذة icon6.gif