طريقة عمل السمن البلدى بأديكى من مطبخك

مجتمع رجيم / مطبخي

كتبت : عين التسنيم

السلام عليكم حبيباتى وردات مجتمع رجيم
-------
*عايزة اقولكم على طريقة سهلة جدا لعمل السمن البلدى باديكى فى البيت
الخطوات
-اولا :حتبتدى تجمعى وش اللبن
يعنى بعد ما تغلى اللبن ويبرد حتنزعى الوش او قشطة اللبن
وتحطيها فعلبة فى الفريزر لغاية ما تكونى كمية مناسبة
وبعدين تطلعيها من الفريزر لحد ما تلين
-كمان لوعندك كريمة لبانى او قشطة مش حتستخدميها
تقدرى تحطيها عليها
-ورشة ملح بسيطة وتقلبيها بكف اديكى كله بدون عجن
يعنى من الحرف كأنك بتكوريها وتفضلى تعملى كدة لحد ما تبدأ تنزل ميتها
والميا اللى بتنزل دى بنسميها شرش
لحد ما تبقى كورة متماسكة فى اديكى
وبعدين تحطيها على نار هادية فى اناء واسع لانها ممكن تفور
وتسبيها تسيح لحد ما تنفصل السمنة عن المواد الصلبة اللى فيها حتنزل فى قاع الاناء
-وتحفظيها فى برطمان للاستخدام
*وبالف هنا

*
*
*
كدة حتكونى بتستعملى سمنة عاملاها باديكى متأكدة من نظافتها
غير مضاف عليها اى مواد كيماوية تضر اسرتك
وكمان حتوفرى لانها مكلفتكيش حاجة كله من البيت

--------------
يارب طريقتى تعجبكم
واللىتعجبها لازم تضيف رد...........ده اجبارى