الطريقة الصحيحه لاستخدام شرايح فيت الشمعيه .. ..

مجتمع رجيم / التجارب والحلول المنزلية
كتبت : كنت كربوووجة .. !!
-

وااااايد بنات ما يحبون شرايح فيت و يقولون سببت لنا كدمات و بقع ...الخ <=== لانهم استخدموها غلط !


من فتره طويله و انا استخدم شرايح فيت <=== خبررررررررررررررره
ما اخفيكم اول مره مرتين كنت حووووووووووووسه ولااني عارفه شسوي و أتلصق يميني و يساري و اصابيعي مدبقه اوووووووووووووووووووووووووووووه عفيسه !!
اخرتها كنت اروح انظف جسمي من الشمع وادورلي طريقه ثانيه اشيل فيها الشعر الزايد !!!!

الى ان شوي شوي تعلمت على الشرايح و صرت فناااانه فيهم و بطلت الشيره = الحلاوه

اللي لاحظته من استخدامي لشرايج فيت :* الشمع اسرع من الشيره <=== يشيل الشعر بمره وحده او مرتين ، عكس الشيره لازم اكرر عمليه نزع الشعر مره و مرتين و ثلاث و يمكن اربع و المكان ما ينظف 100% !!
* انظف من الشيره ( يشيل الشعر كله حتى القصير منه ).
* مع الوقت يخف الشعر اللي تحت الجلد ، و تصغر المسام .
* شخصياً حسيت ان ألمه اخف من الشيره ، يمكن يختلف من شخص لأخر .


بختصااااااااااااااااااااااااااااار احلا 100 مره من الشيره ، حتى لو رحت الصالون اشيل اطلب واكس مو شيره .



طبعا الصالونات يستخدمون الواكس اللي يتسخن .. مرات يكون حااار فيحرق الجلد ، و مرات العامله اللي تشيل تكون قليله خبره و درايه, فتشيل بطريقه قاااسيه ممكن تصلخ الجلد و يصير لونه احمر بعدين يقلب لاسود <=== اكثر شي تصير بالذراع و الاندر ارم = منطقه الأبط .

^^^ مو قصدي اخرعج .. القصد ما تروحين حيالله صالون و يعطونج عامله اي كلام ! لا دوري على الزينه و الشاطره و الأهم عندها خبره (مو تجرب فيج !) ايدها خفيفه <=== عاد شلووون ؟ انتي و طريقتج خخخخ !


نرجع لموضوعنا ...


طبعا بتستخدمين شرايح فيت الشمعيه ... في ماركات وااايد بالسوق ، انا جربت فيت و مرتاحه عليه
اخذي الشرايح المخصصه للبشره العاديه او اللي للبشره الجافه .... ابتعدي عن اللي للبشره الحساسه لان هالنوع ايييب الحساسيه !!
العاديه لون علبتها اصفر ، و الجافه لون علبتها اخضر <=== احتمال اللون يختلف من مكان لأخر !


هذه الشــــــرائح::@::

لاستخدام الشمعيه meJ69860.jpg

طبعا الأزرق للmen

هذا الكريم ( كريم ازالة الشعر من veet ::@::

لاستخدام الشمعيه Qu870003.jpg




كل علبها فيها عدد من الشرائح الشمعيه المزدوجه = شريحتين لاصقيت ببعض و بينهم شمع
كذلك تحتوي العلبه على عدد من المناديل الزيتيه .. لإزالة بقايا الشمع
*بعض المرات ينزلون علبة بقيمه توفير يكون فيها 40 شريحه مزدوجه*


الطريقه جداااااااا سهله .. و مثل ما أسلفت اذا تعودتي بسررررعه بتخلصين و بتأخذ ايدك تك تك تك ربع ساعه الا انا خالصه ، بس انتي ولي بالك


بالبدايه لازم نتبهين على 6 شغلات ضروريه :


1- اذا اول مره ضروري تسوين تست= اختبار على جزء من جسمك علشان تتأكدين انها ما تسوي لك حساسيه او احمرار .... الخ ، و على فكره في ناس جلدهم رقيق ما يتحملون الواكس.

2- يفضل استخدام الشرائح الشمعيه للساق و الفخد بس ، ابتعدي عن الذراع لعده اسباب اهمها ( تنظيف الساق او الفخذ تستخدم اليدينك الثنتين و هذا يسهل لك العمليه ، بينما تنظيف الذراع بتستخدمين يد وحده بس و هذا فيه شويه صعوبه !) و لان جلد الساق اسمك و اقوى من اليدين.

3- الواكس او الشمع لا ينظف بالماء ينظف الزيت ( مرفق مغلفات اويل و ممكن تستخدمين البيبي اويل ) ، و يفضل تقللين عدد استخدامك للاويل لانه ممكن اذا صارت اليد مدهنه لا يؤدي الشمع وظيفته بالشكل المطلوب !

4- تكون المنطقه المراد نزع الشعر منها نظيفه ما فيها كريم او اويل .. يفضل تغسلينها بماي و صابون قبل علشان تظمنين هذا الشي.

5- يتستخدم الواكس في مكان جاااف و بارد نسبياً <=== غرفة نومك مثلا ، ابتعدي عن الاماكن الرطبه المغلقه مثل الحمامات اكرمك الله لان الشمع يسيح.


6- امممم ، ما في 6 ادعولي خخخخخخلاستخدام الشمعيه 39.gif




الطريقه :

1- تدفئ الشريحه الشمعيه بين اليدين ( مثل البنت اللي بالدعايه ) بعد التدفئه تفصل الشريحتين <=== لا تطولين بالتدفئه لانه غرضها بس تسهل عملية الفصل بين الشريحتين !

2- تفرد الشريحه على الساق و يتم الضغط عليها باتجاه نمو الشعر مره مرتين ثلاث ، الى ان تحسين انها لصقت بالشعر مضبووووط.

3- تنزع الشريحه بسرعه و بطريقه سلسله ( وخري عن العنف ) بطريقه موازيه للجسم <=== مدري اذا صح موازيه !!! بس شوفوا الصوره و ان شاء الله تفهموني

((( اعتذر على رداءه الصوره هذا اللي اقدر عليه !!! )))

بالجزء الفوقي من الصوره ===> نزعت الشريحه لي فووووق و هذا غلط هالطريقه بالنزع هي سبب الكدمات و إزرقاق الجلد !

بس بالجزء التحتي من الصوره ===> نزعت الشريحه بإتجاه موازي للجلد قريبه منه .. هذي الطريقه الصح يا الغاليات <=== حتى بالشيره الهنديه هذي الطريقه الصح .

لاستخدام الشمعيه 755680715.jpg


4- ممكن ان تكرر العمليه بالمكان نفسه لو حبيتي مره و مرتين بـــــــــس مو اكثر علشان لا تعورين جلدج !
اذا في شعره او شعرتين معصقلين معاج شيليهم بالملقط ، و الشريحه نفسها ممكن ان تستخدم 3 - 4 مرات بــس ،بعدين صفطيتها (اثنيها) و قطيها.

5- كوني حذره بمنطقه الركبه و مناطق الألتواءات علشان لا تعورين جلدك
وقت تنظيف منطقه الركبه و ما حواليها يفضل ثني الركبه و تقسيم المنطقه (يعني الركبه ناحيه الفخذ بخطوه و الركبه ناحيه الساق بخطوه اخرى)

6- اذا حسيتي ان الشريحه تلصق حييييييييييييييل بالجلد ابتعدي عن المنطقه
ممكن تنظفين الجزء اللي (معصقل معاج بمناديل الزيت و بعدين تمسحينه مضبووووووووط بكلينكس نااشف ثم كلينكس و تنثرين بودره تلك علشان تضمنين جفاف المنطقه) <=== ولو اني ما احبذ هالطريقه !
الأفضل تبتعدين عن المنطقه و تخلينها ترتاح ، لان لو حاولتي مره مرتين ثلاث و المنطقه معصلقه ممكن تتهيج ! <=== نادر ما راح يصادفك هذا الشي.

7- ممكن يدينك تدبق شوووي من الشمع ، ممكن تستخدمين مناديل الزيت لتنظيفها و من ثم نظفي ايدينك من الزيت مضبووووووووووووووووووووط.

8- اذا خلصتي كـــلـــــشــــي مسحي الساق بمناديل الزيت ، و دخلي -تكرمين- الحمام دلكي سيقانك بالبيبي اويل <=== علشان تضمنين ان كل بقايا الشمع راااحت ، و من ثم تسبحي عاااادي.


اتمنى انكم فهمتوني و استفدتوا من الدرس البسيط ، سامحوني اذا مره تكلمت فصحي و مره عامي خخخخ ابي بنات الدول العربيه و بنات المغرب الحبيبات -على وجه الخصوص- ما يلاقون صعوبه بالمفردات.



مع تمنياتكن لكن بسيقان مثل ماريا كاري <=== احلا سيقان بالعالم عشتووووووووووووو

إن شاء الله احلاااااااااااااااااااااااااااااااااااااااااا


ثبتوهاااا تعبت عليهاااا


م/ل

دعواااااااااااااااااااتكملاستخدام الشمعيه crying.gifلاستخدام الشمعيه crying.gifلاستخدام الشمعيه crying.gif


كتبت : بحر الجود
-
رووووووووووعه يعطيك العافية على طرحك المميز والرائع
جعله الله في ميزان حسناتك ولا حرمك الاجر
كتبت : قلبى بيسال عليك
-
جزاك الله خيرا

التالي

مـن ا صــــــوووو ل ا لا تــ يــ كــ يــــ ت‏ ........

السابق

نصائح بابا فودة الذهبية .. لربة البيت الذكية

كلمات ذات علاقة
؟؟؟؟