طرق خبز التورتيلااااا مع الحشووووة ...بالصوووور
مجتمع رجيم / المعجنات و الحلويات
كتبت :
كنت كربوووجة .. !!
-
الطريقة >>>1
السلالام عليكم
كيفكم ,, منيحين
اليووم بسم الله علي نزل علي الالهاام ودخلت المطبخ وصلحت ساندويتشات تورتيلا
ساعه وانا اشاور نفسي اصلح ولا اطلب بلا قلق بلا خراابيط <<عجازه من الدرجه الاولى
وامي سااعه وش تبون عشااء جعلكم العش ولا ترا ماافيه
عاد انا طقيت الصدر وقلت يمه انا بأصلح العشاء امي ارتاعت لاني اول مره اطلع سنعه
المهم منيب مبربره واجد <<وذا اللي فوق وشو
اول شي المقاادير
ثلاث كيسان دقيق
نص كأس زيت
ملعقتين حليب
كأس ونص مويه
نص كأس زيت
ملعقتين خميره
ملعقتين سكر وشويه ملح
شوي من البقدونس المفروم
ثلاث ملاعق دقوس حار اذا تبونها حاره ولا موب لازم
بعد مانعجنها نخليها من نص ساعه الا ساعه وهذي هي تراها اكثر من كذا بس انا يوم اصورها كنت ماخذه نصها
بعد كذا نجي للشغل الصعب اللي هو الفرد والقلي
نفردها على شكل دوائر انا كنت استخدم باديه كبيره واقلبها عشان تاخذ شكل الدائره
بعدين نحطها على الصاج مدري التاوه
وعلى ذا الحال لين نخلص وندخلهم الحافظه
بكذا نكون خلصنا من نص الهم بقي لنا النص الثاني اللي هو القلي
نسخن الزيت نقلي بطاطس ونقلي صدور الدجاج اللي بالبقسماط
هذي صورتها
نسوي صووص يتكون من ( كتشب , ماينيز , ملعقه جبن سايل )
ندهن الخبزه بالصوص ونحط شوي بطاطس وحلقتين طماط واذا عندكم خس انا ماحطيت للاسف مالقيت عندنا ولا امدانا نطلب واذا كنتم تبون حطوا جبن شرايح انا استغنيت عنه لاني حطيت جبن سايل في الصوص<<<الا قولي مالقيت
ونحط الدجاج بعد ماقليناه بس نقطعه الا اربع او خمس شرايح لانها عريضه زي كذا
وهذي هي بالحشوه
بعدين نلفها عشان ما تتفتح بمناديل او قصدير او ورق او اي شي
زووم
الطريقة>>>>>2
طــــريقة لخبز التورتيلا راح يطلع لك نفس خبز هرفي بالضبط
المقـــــــادير:
فنجال قهوة ســـكر
نصف كأس حليب بودرة
ربع كأس زيت
ملعقة صغيرة خميرة
2حبة جبن مثلث
ثلاث أرباع كأس ماء
شوي ملح
حبة فلفل رومي أخضر
حبة فلفل رومي أحمر
نصف ملعقة صغيرة كاري طبعا هنا سر النكهة واذا تبغين النكهة أقوى زيدي
فلفل أحمر بودرة رشة
الطـــــريقة:
تضعين جميع المقاديـــــر السابقة في الخلاط الكهربائي واذا خلصتي أضيفي لها الطحين لحد مايكون عندك عجينة متماسكة تقريبا 3كاسات طحين تعجنيها زين وتغطينها لحد ماتختمر بعدين تقسمينها كور يعني تمثلينها وتخلينها الى أن تكون لينة وبعدين تفردينها وتسخنين صينية التيفال وتكونين حاطة شوية زيت وأخبزيها واذا تحمرت أقلبيها بسرعة بعدين دخليها في الحافضةوالي عندها الآلة الكهربائيه مادري وش أسمها الي يسوون فيها المطازيز فهي أفضل عشان تصير زي هرفي بالضبط ماتحمرت
وهذي صورة العجينة
بالنسبة للحشوة شرائح طماطم خس أمريكي جبن شرائح مايونيز
همبرجر دجاج مقلي وقاسمتها نصفين لكن انا سلقت صدور دجاج وحمستها مع بصل وبهارات وشوي خردل وملح..
خلاص يكون كل شي جاهز ماعليك الا تدهنين مايونيز وتحطي الدجاج والخس الأمريكي والطماطم وشريحة الجبن وسخنيها
بالميكرويف عشان يذوب الجبن..
وصحة وعــــــــافية وهذي الصور النهائية..
الطريقة>>>3
اول شي في الخلاط ملعقة سكر وملعقتين حليب جاف
وملعقة خميره وربع اصبع زبده مذوب وكاس مويه وذرة ملح
وفي الزبديه كاسين دقيق .
اعجنيهم مع بعض وخليها تتخمر من نص ساعه الى ساعه
وهذا شكلها بعد ماتخمرت
نقطع العجينه بالحجم اللي نرغبه انا احبها كبيره شوي
واحيانا اتبل العجينه بالببريكا والفلفل الاحمر
والثوم البودره والملح او بالسكر والهيل
او ببهارات البيتزا اللي هي ريحان وزعتر واوريقانو
او بالحبه السودا كل هاذي خيارات حسب رغبتك
طبعا او ساده من دون تتبيل
وهذا شكلها بعد التقطيع
عد كذا اخبزه بآلة المطازيز بس انا ماافضلها
افضل طريقه لها ترقينها بايدك وتحطينها على قلايه
فيها شوي زيت حامي على النار
وهذا شكلها اللي على اليمين بالآله واللي على اليسار
رقيته بايدي وخبزته بالقلايه على النار
هذي صورة قريبه للتورتيلا المخبوزه بالآله
وهذي صوره قريبه للتورتيلا المخبوزه باليد وعلى النار
وزي ماتشوفون لونها غير لانها متبله
وهنا الخبز محشي بشاورما دجاج
الطريقة>>>>4
المقادير
3 اكواب دقيق
نص ملعقه صغيره خميره
ملعقه كبيره سكر
نص ملعقه صغيره ملح
بيضه
كوب وربع ماء دافئ للعجن
الطريقه
تعجن المواد الجافه اولا ثم البيض والماء وتترك لتتخمر مدة نص ساعه
ثم تكوور وتوضع في صحن مرشوش بدقيق وتترك مدة عشر دقائق
ثم تفرد
ندهن المقلاه بالزيت ثم نضع العجينه المفروده