ارقام مفاتيح الاتصال بغزة, للتضامن والمؤازرة

مجتمع رجيم / أرشيف رجيم

كتبت : AROOOJ

بريالات ودراهم معدودة,
يمكنكم دعم صمود غزة, وتضامنوا مع اهلها المعذبين والمحاصرين..
واليكم , ارقام مفاتيح الاتصال الدولي, بسكان قطاع غزة, ما عليكم سوى استبدال شارة"x" باي رقم عشوائي.
بريق قلم
والارقام هي.. كالتالي من الشمال للجنوب.
جباليا
009708247xxxxx

مدينة غزة 009708288ْْْْْxxxxx

النصيرات 00970825xxxxxx

مدينة خان يونس 0097082067xxxْ
0097082054xxxْ
0097082052xxxْ
0097082051xxxْ
0097082053xxxْ
0097082083xxxْ
0097082070xxxْ

مدينة رفح 00970821xxxxxx

منقول

ولي عودة بإذن الله..
لإخباركم بكل سار في تجربتي..

كتبت : AROOOJ

ماحصل معي..

في أول اتصال..
ردت سيدة كان واضحا في صوتها الخوف..
قلنا لها نحن أهلكم من جدة..
واسمي كذا ^حتى تزداد ثقة وتطمئن..
وبعد ذلك بعض العبارات المشجعه والدعاء لهم..
وهي فقط تقول ادعوا لنا.. لانريد غير الدعاء..

في الاتصال الثاني..
ردت سيدة أيضا ولكن كانت متماسكة نوعا ما..
قلنا لها ماقلناه للأولى..
وكانت كلماتها ترفع من معنوياتنا وكأننا نحن المنكوبون"ثبتهم الله يارب"
وأيضا كانت تقول لانريد منكم الا الدعاء..

أما الاتصال الثالث ردت بنت صغيرة..
ولما عرفت اننا من السعودية..
صارت تنادي ابوها بصوت عالي وهي مرة فرحانة..
جا أبوها وطبعا بابا ال كلمو..
وكان بصراحة مرة متفاعل ويبغى كمان يحكينا ايش يصير معهم لكن طبعا الظروف ماتسمح..
لكنه حكى لبابا حكايه بصراحة قلت حسبي الله على الناس ال ماتخاف من ربي..
قالوا انو عندو بنتين وحدة عندها شلل كامل والثانية عندها شلل نصفي"وللعلم أغلب الاطفال يكون متعمد اصابتهم في الرأس عشان اذا ماماتوا يصبحو معاقين وطبعا هادي من ضمن خطط اسرائيل الفاشلة عشان يقللو من عدد الفلسطينيين"..
لكن..ويمكرون ويمكر الله والله خير الماكرين..
المهم انو قبل سنتين وعبر النت اتعرف ابوهم على واحد في السعودية وعرفوا بحالة البنتين لأنو طبعا ما حيقدر يعالجهم جوا غزة..فالرجال طلب منو تقارير لحالة البنتين وصور لهم عشان يقدر يجمع لهم مبلغ للعلاج وبعدها اتصل فيه وقال له خلاص البلغ قرب يتجمع وبعدها.....اختفى
فالرجال يقول لبابا انو حرام هادي المبالغ تتجمع باسم بناتي كذب..
وأعطى بابا رقم الرجال واسمه..
وطبعا هو مايبغى من الرجال هدا شئ غير انو يعرف ان البيسوي حرام..
وهادا الاتصال الثالث..
طولت صح^^معليش بس والله اني مقهورة من الناس ال "بكل صدق" ماتخاف ربها ف ناس مساكين وكمان تاكل أموالهم..

وآخر شئ أحب أأكد عليه انو الاتصال مرة ضروري وانتو حتشوفو بنفسكم قد ايش حترفعوا من معنوياتهم بس أهم شئ ~اياكم اياكم اياكم~ انكم تسألوهم أي أسئلة.. بس ارفعوا من معنوياتهم..
وتن شاء الله راح اكمل اتصال اليوم وابلغكم بالي صار..
وياريت انتو كمان تجربوا ووالله راح تحسوا انكم سويتو شئ عملي بدال مااننا جالسين محبطين وبس..
وشكرا لكم جمبعا..

ارقام مفاتيح الاتصال بغزة, للتضامن والمؤازرة

مجتمع رجيم / أرشيف رجيم

احبتي ......تقبلووو وجودي وابي ترحيب

دعــــــــــاء لأهل غزه ..قولوا اميـــــــــن