إدارة الوقت و تنظيمه

السلام عليكم و رحمة الله و بركاته بسم الله الرحمن الرحيم شخباركم بنات حواء ..؟؟ إن شاء الله كلكم تمام :smiling: في مشكلة تؤرق عدد كبير منا و هي تنظيم...

مجتمع رجيم التنمية البشرية وتطوير الذات
miss.momo
اخر تحديث

إدارة الوقت و تنظيمه

إدارة الوقت و تنظيمه

السلام عليكم و رحمة الله و بركاته

بسم الله الرحمن الرحيم



شخباركم بنات حواء ..؟؟ إن شاء الله كلكم تمام smiling.gif

في مشكلة تؤرق عدد كبير منا و هي تنظيم الوقت

فـ الوحده تحس إن دوم وقتها ضيّق و ماكو وقت لأي شي و اليوم يخلص بسرعة من غير لا تستفيد منه

و هالموضوع ناقشته من فترة مع أحد معارفي و كانت النتيجة هاي الموضوع :-


مساعى وانا آدرس رياضيات جاتني فتره فهّيت فيها شوي او نفس ماتقولون خذت راحه مدتها 8 دقايق تقريبا ً, في هالـ 8 دقايق خذت قلم وقعدت آكتب وأوقّع ومادري أيش وأشخبط ورسمت بالغلط " مثلث " , المثلث هاي هو اللي جاب هالموضوع , شلون ؟ انا اقول لكم شلون .

المثلث هاي ذكّرني بأحد قوانين الرياضيات القديمه إذا تذكرونة وهو مثلث لتسهيل الدراسه , مثلث فيه 3 اشياء مثلا ً إذا تبون هالشي اقسموا ذي على ذي , وإذا تبون هالشي اضربوا ذي في ذي الخ , تذكرونة ؟

هاي هو اللي جا في بالي لتقسيم الـ 24 ساعه لليوم الواحد !

لكن الطريقه تختلف شوي , فالبداية رسمت مثلث وكتبت فيه ::

- وقت فراغ
- استغلال الوقت
- رياضة

قعدت آكتب تحت اللي سويته فاليوم الكامل , طلع استغلالي لليوم نسبته 3% بس .

باقي الوقت كله يمر ع الفاضي , فااا لجأت لشي ثاني ورسمت مربع ! وفيه التالي :-

- فراغ
- صلاة
- نوم
- استغلال الوقت

النوم الطبيعي للأنسان لازم يكون 8 ساعات , شيلوها من الـ 24 ساعه بيصير معانا 16 ساعة بس .

ييبوا لكم الحين ورقه وقلم وكتبوا الاشياء اللي تسوونها فاليوم الكامل , بتلاقون نفسكم ماتسوون شي كلش , بس جي قاعدين او تستغلونه في شي بسيط مايتجاوز 4 ساعات والباقي كله فاضي .

فااا الحين ( مساعى ) كتبت اشياء معيّنه وهي :-

الفراغ بالنسبة لي ينقسم إلى انواع وهم ::

- طلعة
- فيديو جيمز
- اكل
- سبوح
- انترنت

هاي كله يطلع معاي بس 5:30 من اليوم .

اما الاستغلال آقصد فيه شي مفيد مفيد مثل ::

- دراسة
- ممارسة هواية
- رياضة
-قراءة قرآن
- اذكار

وهاي كله ياخذ من اليوم تقريبا ً 5:00 بس

اما الشي الاخير مايصير نستغني عنه وهو الصلاة ::

كل الصلوات الخمس من الاذان إلى الاقامه تاخذ ساعتين بس من اليوم .

الحين تعالوا نحسب اللي سويته فاليوم من المذكور بنلاقي اني استغليت 12:30 من اليوم , استغلال في مكانه يعني مب اي كلام .

انا الحين شاسوي ؟ طول الوقت ع النت او آلعب وهاي غلط , حتى هالشي من زمان مب من الحين
لو باحسب في الـ 21 سنه ورى اشسويت بلاقي نفسي استغليت بس 4 سنوات من عمري او اقل والباقي كلام فاضي .

عشان جي قلت مابخلّي وقتي كامل للماسنجر نفس الحين , باخلّيه بس 4 ساعات فاليوم للماسنجر والوقت بيكون من الساعه 7 فالليل لين 10 ونص وبعدها نوم إلى الساعه 4 واقوم لصلاة الفجر وجي .


بالنسبه للأيام من الاحد إلى الخميس لكن يوم الجمعه لازم بيصير تغيير في الجدول لأنه نهاية الاسبوع وهو معروف بزيارة الاهل او الربع الخ .

بس ملاحظه مهمة , كل واحد عنده اشياء يسويها مب شرط اللي اسويه انا , اللي عنده هواية الرسم واللي عندة الرياضه الخ الخ , بس في اشياء لايمكن نتخلى عنها وهم ::

- الصلاة
- النوم

باقي الاشياء ممكن نتحكم فيها ونعدّل عليها , أما هالشيئين لايمكن تغييرهم .

وقتها بتحسون نفسكم " بشر " لكم اهداف خاصة تسعون لها , يعني في اليوم نفسه بتسوون كل شي ! هواياتكم , ماسنجر سوالف , طلعه ماطلعه , أكل , نوم , سبوح , دراسه كـــــــــــــل شي بتسوونه فاليوم , بتحسون بإرتياح وحتى الصلوات الخمس مابتفوتكم اللي للأسف الشديد الكل امقصّر فيها الاّ من رَحم ربّي واتمنى يكون كلامي غلط >_>

بس ترى حطوا في الاعتبار لاتقصون على روحكم وتكتبون اشياء لـ 24 ساعه كامله , لا , كتبوا بس لـ 15 ساعه على الاقل فاليوم لأن غصب عليكم في وقت بيروح على الفاضي .

واصلا ً مافي انسان يستغل وقته كامل ! لازم فيه اشياء اتخرّب , فاااا الـ 12 ساعه احسن من لاشي

مثل الحين , وقتنا كامل للماسنجر والانترنت وهاي غلط , المفروض انمارس الرياضه , نقرى قرآن , انصلي , ندرس , انسولف , نطلع , ناكل , نرقد الخ الخ فاليوم الواحد .

ختاما ً أذكّر بأهم مافي الموضوع :-

- تنظيم وقتكم باللي تقدرون علية
- استغلاله في أحسن وافضل الاشياء
- البعد عن الكمبيوتر قدر المستطاع لأنه مؤذي
- التركيز على هواياتكم

واتمنّى تسوون جدول لهالشي , راح يفيدكم وايد كبداية وبعدها بفتره بسيطه بتحفظونه عن ظهر قلب مثل مايقولون .

واتمنى بعد تنقلون الموضوع أو حتى تزيدون كلام من عندكم المهم ابي اشوف الناس تستغل وقتها في الزين مب في الشين .

واتمنى انكم استفدتوا في المقام الاول والاخير .

تحياتي .


فـ شفت إن هاي مشروع جيّد لتحسين حياتي بالسنة الجديدة و الاستفادة من وقتي قدر المستطاع happy.gif

و فعلاً تنظيم وقتي ساعدني إدراك قيمة الوقت و تحديد أهدافي و الوصول لها من خلاله و حسب أولوياتي

فـ حبيت إني أشارككم بتجربتي happy.gif



أنا بعد من سنين كان ودي أنظّم وقتي عشان استفيد من كل لحظة بيومي ..
بس دوم كنت اتعذّر بإني ماعرف اسوي جدول و ماعرف أنظم وقتي و ماكو وقت و مابي ألزم نفسي بجدول يقيّدني .. بس قلت خلني أجرب .. الانجليز مو أحسن مني هههـ icon6.gif



فـ كأول خطوة سويت مثل ما ذكر في الموضوع ..
كتبت الأشياء اللي اسويها يومياً أو حتى ودي اسويها لو مو الحاجز اللي الكل يسمّيه " ضيق الوقت "
و كانت كالآتي :-
أكل - نوم - عبادة - رياضة - دراسة - مسنجر ( النت عموماً )
و بهالخطوة اكتشفت إن أعمالي اليومية قليله إلا إني كنت اعطيها أكثر من حقها فـ يطير وقتي على و لا شي للأسف .. يعني السالفة كلها ما يبيلها غير تنظيم و كل شي راح يصير تمام بإذن الله



و عقب قلت يللا أجرب اسوي جدول ..
فتحت برنامج "الإكسل" .. طبعاً كنت مستانسه هههـ tongue.gif



و مثل ما تشوفون بالجدول اللي بالمرفقات .. أول شي حددت له وقت بالجدول لأن على أساسه ممكن يصير اليوم طويل أو قصير .. و يكون الواحد مرتاح أو تعبان .. و هو النوم اللي وايد ناس مو ماعطينه حقه هههـ shifty.gif



شلون حددت وقت نومي ..؟؟
أول شي حددت وقت استيقاظي لصلاة الفجر .. و طبعاً تواقيت الصلاة ممكن تاخذونها من أي مكان و عليها تحددون متى تصحون من النوم .. و من موعد الاستيقاظ رجعت 8 ساعات تقريباً و خليته يكون موعد نومي



و بعد النوم .. طبعاً كل واحد و أولوياته



يعني انا مثلاً .. تهمني تغذيتي و ممارستي للرياضة .. و استناداً للحقائق التالية :-
- تناول وجبة الفطور مهم خلال ساعة من موعد الاستيقاظ
- لا يجوز ممارسة الرياضة بعد تناول الطعام إلا بعد مرور ساعة على الأقل
- الصباح هو أفضل وقت لممارسة الرياضة



حددت وقت فطوري و بعده بساعة وقت الرياضة .. و صار عندي وقت فاضي بين الفطور و الرياضة و مابيه يضيع من غير ماستفيد منه .. و لذلك قررت إني أمليه بالأذكار و قراءة القرآن



و بعد الرياضة " شي طبيعي " إن الواحد يحدد له وقت للاستحمام .. و لقيته وقت حلو لأداء صلاة الضحى من بعده .. و بعد الصلاة أرفّه عن نفسي ع النت لين الساعة 10 لأنه راح يكون وقت دراستي



و بتلاحظون إني حددت وقت لوجبة خفيفة و هاي لأن يفضّل إن الواحد كل 3 ساعات يتناول وجبة عشان ما يحس بالجوع لأن الجوع يسبب تراكم الدهون و سالفة طويلة ما يحتاج اشرحها لأن ماعتقد يهمكم هههـ tongue.gif



أما وقت دراستي .. حددته بالجدول حسب كمية المواد اللي اخذها و حسب " استمتاعي " بالماده عشان ماتملل .. و بعد كل فترة دراسة حطيت شي أرفّه فيه عن نفسي عشان ما تلوع جبدي من الدراسة هههـ ninja.gif



و خليت وقت الدراسة لين وقت غداي و أريّح بقراءة القرآن و الأذكار لين صلاة الظهر و عقب أدرس مادة ثانية .. و أدرس لين موعد وجبتي اللي بعدها و أصلي العصر و عقب مادة غيرها
و عقبها مالقيت شي ممكن اسويه .. فقلت اسوي رياضة أبرك لي هههـ .. و طبعاً بعدها استحمام و اتعشى و أصلي المغرب و أرد أدرس مادة غير و أصلي العشاء و آخر شي اتم ع النت لين تييني نومه و إذا ما ياتني النومه أنام بالموعد اللي حددته بالجدول



و هالجدول خليته يوميّ بالنسبة لي لأن كل أيامي مثل بعض ماعدا يوم الجمعه لأن نزور فيه الأهل ..
فـ خلّيت الجدول مثل ما هو بس شلت منه أوقات الدراسة لأنه ويك إند و ابي أرتاح فيه هههـ
و بس .. هاي قصتي مع الجدول



و في نقطة حبيت انبهكم لها بعد .. و هو إن ممكن الجدول اللي راح تسوونه ما يضبط معاكم من البداية .. لأن هالجدول اللي أنا سويته و تشوفونه جدامكم لا هو الأول و لا الثاني و لا هو الأخير حتى هههـ .. لأن قاربت إجازتي فـ حبّيت أخلي كل يوم جدوله غير و أضيف إليه واجبات منزلية مثل الترتيب و غسل الصحون و وقت لهواياتي
فـ يستحسن إن تجربون جدولكم في البداية قبل لا تخلونه جدول ثابت لتفادي أي خلل ممكن يخليكم تحسّون بإنكم مقيّدين و مو مرتاحين و كأنكم مجبورين لتطبيق الجدول .. لأن هالجدول انتوا مسويينه كـ " LifeStyle " أو نمط حياة يريّحكم و تستفيدون منه مو يضيّق عليكم و يعفس دنياكم .. و مع الأيام بتصير عندكم أفكار جديدة تضيف النكهة لـ روتينكم اليومي

و طبعاً المتزوجات غير و الأمهات غير .. فـ لازم يكون عندكم فكرة عن الأشياء اللي ع الأقل تتمنون إنها تكون ضمن روتينكم اليومي .. و يستحسن للي عندهم عيال في سن فاهم يعني يعلمونهم على هاي الطريقة عشان يتعلمون التنظيم من صغرهم و لو ما يفهمون ممكن حتى الأم تنظّم أوقات عيالها بحيث ما يخربون روتينها اليومي هههـ tongue.gif

و طبعاً انتوا ممكن تبدعون أكثر مني بهالموضوع و تضيفون له لمساتكم و تعدلون فيه بخبراتكم في الحياة happy.gif

مسامحة إذا طوّلت عليكم و خذت كثير من وقتكم و تفلسفت شوي هههـ .. و شكراً للي عطاني جزء من وقته و قرا الموضوع و إن شاء الله بس تكونون استفدتوا منه

و ياليت اللي عندها أي فكرة أو اقتراح ممكن يضيف الرفاهية و الاستفادة للروتين تشاركنا بأفكارها happy.gif

و حتى اللي جرّبت الموضوع و طبّقته ياليت تفيدنا بتجربتها عشان الفايده تعم الكل wink.gif

و قبل لا أنهي كلامي أرفقت جدول بعنوان ( خطواتك إلى الله ) مادري إذا أنا خذته من هالمنتدى أو من غيره هههـ ninja.gif

بس بعد بارفقه عشان ممكن يفيدكم بإضافة شي يفيدكم بآخرتكم لجدولكم اليومي .. و شكراً جزيلاً ^^


المرفقات ::
( كنت بارفقهم بس نسيت و نزّلت بدونهم و كنت باعدّل ع الموضوع و ارفقهم بس هالخدمة مو متوفرة فـ قلت احطهم هني happy.gif )


attachment.php?attac

attachment.php?attac
المصدر: مجتمع رجيم


Y]hvm hg,rj , jk/dli

لمياء الزيادي العتيبي
اخر تحديث
يشرفني أني أكون أول وحده ترد على موضوعك القيم والأكثر من رائع
تحياتي لك وانشاءالله أوقاتنا معظمها في طاعة الله
كركورة
اخر تحديث
شششكرا على الموضوع بس فعلا لازم ت نستغل وقتنا كويس جدا ونحرص على قراء ة القران يوميا باذن الله
lapooh-2008
اخر تحديث
مشكوره موضوع رائع يعطيك العافيه وانشاء الله نقظي الوقت في شي مفيد
أم باسل99
اخر تحديث

موضوع جميل جدآ

مشكووووره

يعطيك الف العافيه

جزاك الله خيييير الجزاء
ألماسة الشوق
اخر تحديث
تسلمين على موضوعك الرائع






عافاك مولاك




لمووووووووووووووووسة
الصفحات 1 2 

التالي

تمارين ذهنية

السابق

اختبرى زكاءك مع هذا البرنامج الرائع

كلمات ذات علاقة
الوقت , تنظيمه , إدارة