Kid's ••乀•• Time

[URL=

مجتمع رجيم / مسجات الجوال
ياحبي لي
اخر تحديث
Kid's ••乀•• Time

Kid's ••乀•• Time YsH94057.jpg



,

قلوب تعيش بيننا ولها مكانه خاصه وكبيره بحياتنا
حبيت اخصص هالمساحه للكتاكيت الصغار
سواء كانوا اخواننا او اخواتنا او ابناءنا او بناتنا او قرايب لنا</b>






,





كيف نتسلل لارواحهم ونصادقهم؟

لازم نكون علاقة حميمه معهم مهما كان سنهم صغير وافكارهم بعيده كل البعد عن افكارنا
علشان هالعلاقه راح تفيدنا بمواقف كثير..لانحسسهم طول الوقت بالمراقبه والنظره الفوقيه وان كل شي ممنوع لانك صغير..وغلط..وليش...و..و..


,


لازم نعطي قلوبهم جرعة حنان وننزل لمستواهم بالتفكير لأن هالطريق اسهل درب للوصول لمايدور بعقولهم وابسط حل للتفاهم معهم بدون عناء.
يعني مثلا اثناء اللعب نلاحظ خيالهم الواسع بتقمص الشخصيات وتخيل الاشخاص والتحدث بصوت مسموع ويعيشون الدور بكل حذافيره ..وهذا من مكامن الابداع وجانب مهم يجب تنميته وابشع شي اننا نقتل هالابداع بالتهكم او التوبيخ.

,


مافيها شي لو عشتي معه الدور وصرتي المريضه وهو الدكتور ويكشف عليك
او انتي الحرامي وهو الشرطي ..او انتي البنت وهي الام وممكن تنعكس الادوار بكل حاله لكن يفضلون دوما انهم يسوون اشياء الكبار القياديه.





صداقتهم شي كبير بالنسبه لهم ويفتخرون فيه كثير وتقدرين تحكمين على هالعلاقه من تعبيرهم البرئ لمايقولون احبك او احب فلانه ليشه الحب اكيد فيه تواصل وعلاقه حلوه على اساسه انبنت هالمشاعر!
علاقة الصداقة تتميز بالمشاركة المتبادلة ولها مهارات تكسر حاجز الخلافات مثل:
نعبر لهم عن الحب والاهتمام ونعرض المساعدةوماننسى المداعبة والمشاركة في النشاطات والالعاب.


صادقوا قلوبهم الصغيره وماراح تندموا...جربوا؟




,


لنكن الشمس والهواء لاشجاء ابداعهم ومهاراتهم:
تصدقون انه بعض الدراسات اثبتت ان 94% يكون مستوى الابداع عند الطفل الى ثالث سنه من عمره واذا ما لقى جو مناسب يحافظ عليه يوصل الى 4% خلال سنتين يعني لما يكون عمره 5 سنوات يفقد 90% من الابداع
حررررررررررام نقتل هالجمال

,

قبل فترة شفت فبرنامج نشوه على قناة دبي طفل اردني نابغ باللغه العربيه الفصحى والشعر والخواطر وعمره ماتجاو 10 سنوات تخيلتوا؟
الفاظه اكبر من عمره كثييييييييير ولماسألت المذيعه عمته اللي حضرت اللقاء معه قالت انا مدرسة لغة عربيه وحسيت بموهبته من عمره سنتين
كانت تقرأ عليه القصص وتخليه يستمتع بالصور
وسنه ورا سنه عرف النطق السريع للكلمات العربيه عامه والصعبه خاصه وكثرت اسئلته حول الكلمات والاحرف وكون الجمل بذكاء غير معتاد
واعتنوا فيه اهله لحد ماوصل لجوائز عالميه وهو ابو 10 سنوات

,

احنا نقتل الكثير من الابداع لاننا نتنرفز من كثرة اسئلتهم والحاحهم وفضولهم وحب الاستطلاع اللي عندهم نشاطهم الزايد ونتأفف منهم ..نسكتهم كثير مانعطيهم ابسط حق لهم وهو الاستماع
ونبيهم يكونون افضل الاطفال كيف بس يصير هالشي!


,

في المدارس الغربيه لما الطالب يكون ثرثار وصوته جهوري ينمون هالموهبه بالذاعات المدرسيه واللقاءات والحوارات ومايسسون له سالفه ومخالفه واشياء كلنا نعرفها زي مجتمعنا هنا!
وبرضوا الطالب اللي يقوم بإيذاء المدرس بعمل الطيارات الورقيه والقاءها على ظهر المدرس يخصصون جمعيه لتنمية الاشغال اليدويه علشان هالطالب يطلع طاقته فيها يعني امتصاص السلبيات منهم وتحويلها لشغلات ايجابيه طريقه جدا ميسره
ركزوا على كتاكيتم وهيأوا لهم اجواء الابداع





Kid's ••乀•• Time OYJ94057.jpg


قلوبهم صفحات بيضاء لنكتب بها مانشاء:
أي شي تبغين طفلك يتعلمه ابتدي معه من نقطة الصفر ومن قبل حتى يبدأ يتكلم
لاتقولين بدري لأنهم مثل الصلصال شكليه مثل ماتحبين وحتى لو تغيرت عليه الظروف واختلط بناس ماحبيتي اطباعهم صدقيني جذورك مازالت منغرسه ومتأصله بنفسه وماراح تنمحي ممكن تختفي لكن مصيرها تظهر وتثمر
مبادئ الدين..اساسيات التعامل..النظافه..اخلاق معينه تبغينها الطريق امامك مفتوح
وتأكدي انك وكل من يشاركونه العيش قدوة له وسيكون كالمرآة لافعالكم واقوالكم
فإذا كان التعبير عن الرأي بالبيت لايكون الا برفع الصوت ستجدينه يرفع صوته كلما ماحب يعبر عن رأيه لأنه تعلم هالطريقه منكم!



بركز برضوا هنا ع النظافه الشخصيه لاتعودينهم على الاتكال...خلي عندهم حس المسؤوليه
ماراح تكونين معاهم في الروضه والمدرسه و..و..
مثلا سلة للملابس الوسخه في غرفة الطفل واي شي يتوسخ هو بنفسه يحطه بالسله
لما يرجع من الروضه او المدرسه لازم ياحلو تحط شوزك فمكانه وترفع شنطتك وتغير ملابسك وتغسل يدينك بعد كل هالخطوات تتغدا بهالحاله راح يربط انه مافيه غدا في حال ماتحققت هالخطوات ومع الوقت راح تكون ذاتيه وبدون امر


,


خصصي مكان للأكل في مكان القعده (الصاله) طاولة صغيره او سفره ياكلون عليها الكيك ويشربون العصير عشان ماتكون كل زاويه في البيت فيها شي عقبهم
دورة المياه وهذي اهم شي عشان حتى لو طلعتي برا ماتتعبين معاهم
كيف يتعامل مع الحمام العربي والافرنجي والسيفون ولام يكون معاه مناديل ومايملي ملابسه مويه و...و..فالبدايات اكيد يحتاج مساعده وبعد كذا يصير بطل


,

خلي لك وتين او نظام معين في التشجيع بالكلام يعني راجعين من مشوار يالله يا ابطال نغسل ايدينا ونبدل ملابسنا مينا سرع واحد فينا؟

يعني يسوون اللي تبين وبحماس بعد




Kid's ••乀•• Time j5O94057.jpg


اذا حانت ساعة الغضب العنيف:

بعض الاطفال اذا لم تلبي رغبته يصرخ بقوة و يبكي ويرمي نفسه على الارض واحيانا يطق راسه بالجدار ياستااااااااار .وش نسوي بهالحالة ؟بالذات لو حصلت هالمشكلة قدام الناس .. او في مكان عام ابسط مثال بالسوبر ماركت يبي لعبه او تشوكليت او ايس كريم واذا رفضتي شغل صفارة الصراخ فمنعا للاحراج تعطينه اللي طلب بس عشان يسكت وتبعدين نظرات العالم عنك


,


الابحاث و الدراسات السلوكية على الاطفال تفيد بان تلبية رغبة الطفل عند الصراخ .. و اعطاءه ما يريد هي السبب الرئيسي لجعل هذا التصرف يستمر …مرة وحدة يسويها الطفل و تصبح عنده عادة ..فخلاص يدري ان اسهل طريقة لتلبية طلباته هي الصراخ و التعصيب.
طيب والحل!!



- كوني هادئه .. و لا تعصبين .. واذا كنتِ في مكان عام لا تخجلين ..وتذكري ان كل الناس عندهم اطفال و متعودين على هالامور.


-ركزي على الرسالة اللي تبينها توصل لطفلك . وهى ان صراخك لا يثير أي اهتمام او غضب بالنسبة لي و انك ماراج تحصل على طلبك.


- تجاهلي الصراخ ولا كأنه يسوي شي .. و حاولي انك تنشغلين بأي شي ثاني .. و انك ما تسمعيه لأنك لو صرختي في وجهه عطيتيه اهتمام واذا اهتميتي بتعطينه اللي طلب وبيكرر هالتصرف.


-اذا ربي هداه وسكت عن الصراخ وعم الهدووووووووء.. اغتنمي الفرصة وعطيه كل اهتمامك وبيني له انك جدا سعيده لانه ما يصرخ.. واشرحي له كيف مره ثانيه لازم يتصرف عشان ياخذ اللي يبي مثلا ان ياكل الغداء اول بعدين الايس كريم او ان السبب اللي خلاك تحققين طلبه هو انه مايصلح للاطفال.


اذا كنتي لسا ضعيفه قدامه وماتحبينه يصارخ تجنبي انك تاخذينه لبرا معك لحد ماتتدربين على الشده يا حلوه


Kid's ••乀•• Time OYJ94057.jpg

لنكن صندوقا مغلقا لأسرارهم ونكسب ثقتهم:

يعني مهما صار السر سخيف وحسيتي انه شي مهم بالنسبه له وحط عندك خبر انه سر مثلا قال لايدري احد او لاتقولين هالشي لماما وبابا اكتمي هالسر
وصدقيني لو بتقولينه لاي احد وبيعرف او يسمعك ويكتشف انك افشيتي هالسر راح تنعدم الثقه راح يبحث عن غيرك ليكتم اسراره



ممكن يخبي شي عن الكل وانتي تقدرين تعرفينه بسهوله لأنه يثق فيك
مو شرط تكوني امه او اخته او ابوه الثقه ممكن تبنينها مهما كانت صلة قرابتك
يعني لاتقولين الثقه فقط لاقرب قريب
لا ممكن يثق بصديق ولايثق بابوه!

نزلي مستواك الفكري لمستواه ناقشيه بموضوعه السري
بيني اهتمامك واكدي له انك ماراح تخبرين احد عن هالشيء
واثبتي صحة كلامك بافعالك




عندما يكون طفلك ضيفا

لازم تبينين له حدود التعامل مع الأغراب
سواء كنتي في زيارة لمنزل معارفك او اقاربك او حتى الاماكن العامه
يعني اول مايدخل يسلم ويحس بأهمية السلام على الناس
واذا كان فيه مكان مخصص للعب يروح مع الاطفال ومايصير قاعد وناشب لك
مايعزم نفسه عالاكل بدون مايقدمونه له
اذا عطوك خذ ماعطوك اقعد بارضك
اذا اخطأ عليك احد اطفالهم لاتتصرف من نفسك وتضربه


خليك مرجع له بكل المواقف لحد مايكتسب طريقة التعامل ويعرف الحدود
عوديه على اسلوبك اذا ما اعجبك شي فيه بنظره خليه يفهمك او حركه معينه
توصلين له اللي تبين بدون ماينتبهون اللي حولك

the end




منقول
سحر هنو
OMBAKR
مشكوره,
تسلم اديكي على النقل المفيد
كركورة
مشكورة ياقمر
فى انتظار المزيد
ياحبي لي
دادو
مشكووووورة
الصفحات 1 2 

التالي

][؛ مـا مضـى اعتـبره انتـهى ؛][؛

السابق

الأم الفلسطينة من هي؟

كلمات ذات علاقة
اطفال