خلطتي الأضافية لتنعيم الشعر
مجتمع رجيم / العناية بالشعر و قصات الشعر تسريحات جديدة
كتبت :
لمياء الزيادي العتيبي
-
صرت في الفترة الأخيرة مهتمه في الخلطات لشعري بعد مانعدم علي من صبغة القرمز وحبوب منع الحمل صار يتساقط وخشن بعد الصبغة وصار يفشل بعد ماكان غزير وعادي هالحين صار ربع شعري الاولي والحمدلله على كل حال المهم بنات صرت أهتم بكل خلطة طبيعية لتنعيم الشعر وبعض الخلطات مكونه من ثلاث عناصر انا من كثر مابي الفائدة صرت كل شوي اضيف حاجة
خلطتي الأساسية وسبق نزلتها لكم
زبادي
ملعقة عسل
ملعقة مايونيز
وملعقتين زيت
وعصرة ليمونه بس لأني ابغى أشقر شعري واتخلص من لون القرمز اللي عدم شعري بس صرت استغني عنه
وفصة ثومه عشان التساقط الصراحة أنا أضيف الفص مره وحده في الشهر لأن ريحته بعد خمس غسلات اتخلص منها بخل التفاح واحيان بملعقة نسكافية أضيف لها الماء عشان اتخلص من الريحة وابخر شعري بعوده عشان تروح الريحه هالشي صعب علي يوم او يومين لكن الأصعب اترك شعري يتساقط وقاعده اتفرج الحمدلله اتوقف الا حدما التساقط بعد استعمال هالخلطة مرتين باضافة الثوم وبعدني مستمرة فيها بدون ثوم
المهم الكوفيرة حقتي لاحظت تحسن شعري ولاحظت ماعاد صرت اجيها الصالون اعمل حمام زيت لأن هالخلطة جدا حسنت شعري مع أني ماستخدمتها حتى الآن الا ست مرات ولما شفت شعري اتحسن صرت اضيف لها اشياء مغذية للشعر سبق وقريتها في المنتديات . صرت أضيف ملعقة سدر مطحون وملعقة سمسم محمر على النار ومطحون واحيان بيضة هالشي ريحني كثير وحسن شعري أكثر والأهم لما كنت أعمل الخلطة الأول كانت بعد وضعها بنصف ساعة تسيل على جسمي وتمللني منها لكن السدر والسمسم يثقل الخلطة ويريحك فيها أكثر وماصرت أضيف لها الزيت عشان مايعزل المواد الطبيعية عن فروة الرأس صرت أحطه بعد ماغسل شعري بس ايش يابنات مره صار شعري افضل وانشاءالله راح اعمل هالخلطة كل اسبوع مرتين الين يرجع شعري الأولي والكل لاحظ تحسن شعري ويسالني عن السر وترى راح تشعري من أول استخدام بلمعان في شعرك وحيوية ولما تستشوري تحسي شعرك فيه صحة وحيوية اكثر
هذي تجربتي نقلتها لكم بكل آمانة وراح أوافيكم بأي شي جديد الاحظه في شعري
