للعرايس ^_^ اللي عرسهم قريب

مجتمع رجيم / العروسة
كتبت : Ksh5a Girl
-
مرحبا لكل عروس ولكل بنت تحب تهتم في بشرتها ...^_^

انا عرسي قريب ...
والحمدلله خلصت كل تجهيزاتي تقريبا للعرس...
وحبيت افيد كل عروس ^^
يعني من ناحية المحافضه عالبشره والعنايه اليوميه ...
واللي عندها اي استفسار حياها...

اول شي بخبركم عن سر حلو وجميل يعني شي بتشترونه ...هذا للي عندها حبوب وآثار للحبوب...وهالشي مجرب ...يعني صدق اللي محتاجه انها اتشيل الحبوب او اثارها ما راح تندم باستخدامه ...بيكون سر سعادتها

الله يسلمكم اللي يشيل الحبوب ...هو زيت شجرة الشاي...وتلقونه في البودي شوب ...واعتقد سعر 32 درهم ...وهو بصراحه في قمة الروعه ...اذا عندج أي حبه بالويه تحطين ع مكان الحبه ويا ريت لو اتحطينها بالليل
واهم شي انج اتكونين غاسله ويهج بالصابون ...


والحين بتكلم عن الصابون^_^

الله يسلمكم ...في محل صابون بصحارى اسمه خان الصابون ...
وكل منتجاته طبيعيه ...
واللي عندها اثار حبوب ولون بشرتها مش موحد ...تشتري من عندهم صابونة الكركم..وسعرها 50 درهم
والله انها اتشيل كل الاثار من الويه ...عن تجربة بنت خالي ...وايوحد لون البشره
واستعمليها مرتين باليوم صبح ومسا...


واللي بشرتها حلوه واتحب اتحافظ عليها ...تاخذ صابونة الزيوت ...واتكون غنيه بزيت اللوز
وهاي وايد روعه وتعطي تعومه ونظاره للبشره

واحب استعمل مقشر بايوديرم بالفراوله ....وبعد اللي بالمشمش وخاصه عقب الحف
لأنه ما ايخلي الشعر يطلع تحت الجلد...

وبعد استعمل مقشر بنت عذاري وهذا احلى مقشر عندي .... وما استغني عنه ابد لأنه صدق يعطي جسم نعووووومه وريحه حلوه

وبعد خذتلي صندل العرايس من عمان وهو واااااااايد روعه...يعني نعومه ...نظافه ... بياض

واستعمل حمام زيت من فاتيكا باللوز وزيت الخروع

وكريم فاتيكا للشعر المصبوغ باللوز


واستعمل كريم الشتاء المخملي من بنت عذاري وهو روعه والله نعومه وريحه حلوه

وبعد كريم زبدة الكاكاو من بالمرز والله يخلي جسمج ناعم وريحة حلوه ...حتى ريلج بيتم لاصق يبي ايشم الريحه طول الوقت ^_^

وما اذكر بعد شووو...اممممممممم وايد عندي اشيا حلوه ... وما استغني عنها ...

ومنهم زيت اللوز وزيت الخروع ...
والجلوسليد ...مستحيل استغني عنهم ...وسويتهم خلطه ... وخاصه للأرجل والكوع والركبه ...نعوووووووومه ...

وللابط ...مسويه خللطه مكونه من (الشبه والمسك وبودرة دهن العود من أجمل وبودره معطره )
والريحه تلصق بالجسم وخاصه اذا دهنتي الابط بقليل من (ماء الورد مه كعب المسك المطحون اللي من عبدالصمد القرشي) وبعدين حطي مسحه باصبعج قبل لا اتحطين خلطة الشبه..لو اتمين يومين ما راح تتغير ريحت ابطج حتى لو عرقتي بتم ريحتهم حلوه ...والحمدلله بياض ...وما يسوي سواد ...^_^

ولترطيب الشفايف استعمل زبدة الكاكاو من بالمرز

وقبل النوم احط كريم الليل بالتوت من يولاي...

وادهن رموشي بزيت الخروع بس مسحه خفيفه.. واحيانا احط ع ويهي كامل مخلط زيت لوز مع خروع وادهن ايدي بعد..^^

وبالنهار احط كريم الوجه من همالايا ..وااااااااايد حلو مرطب رائع ..حتى قبل لا اتحطين مكياج ..
وانا صارلي شهرين ما حطيت بويهي بودره الا بمناسبه وحده


ونسيت اقولكم اني انظف انفي بالشمع.. عسب النقاط السوده وصراحه ايشيلها كلها ...وعقبها كلين اند كلير للنقاط السوداء..وادهن خشمي عقب بزيت لوز عسب ايرطبه ..بس بتشوفين الفرق بشكل واااضح ^_^وهالطريقه خذتها من احد المنتديات ..ما اذكر من وين بصراحه ...وربي يعطيها الخير صاحبة الفكره
ثم اغسل ويهي بصابونة اللوز اللي قلتلكم عنها بالبدايه من عند خان الصابون وعقب ارش ماي ورد ع ويهي حاطته ببخاخ

واحط بشعري مرتين بالاسبوع خلطة زيوت وهي عباره عن زين اللوز وجوز الهند (باراشوت) وزيت الخروع ..بكميات متساويه ..اخلطهم واحركهم ع النار وبعدين احطهم بعلبه بخاخ واستعملهم وقت اللزوم ...انا بصراحيه مسويه لي جدول حق الخلطات ..وشو اسوي بكل يوم ...اللي محتاجه اي مساعده ..تسأل وان شاء الله ما راح اقصر بالاجابه ...


وانا مخلصه جهازي تقريبا واللي تبا اتعرف او تبا اتشوف شو ناقصنها ...^^ تسأل
واي استفسار من الخوات انا جاهزه...25.gif

وان شاء الله يعيبكم الموضوع ....
wub.gif
كتبت : طبعي ذبح غيري
-
كتبت : miro_18
-
لله يعطيكي العافية علي الموضوع شكرا
كتبت : Ksh5a Girl
-
class="quote">اقتباس : المشاركة التي أضيفت بواسطة طبعي ذبح غيري:
ربي ايعافيج الغلا ..
شاكره مرورج ^_^
كتبت : Ksh5a Girl
-
class="quote">اقتباس : المشاركة التي أضيفت بواسطة miro_18:
لله يعطيكي العافية علي الموضوع شكرا
ربي ايعافيج حبووووبه ^_^

اشكر مرورج في موضوعي
كتبت : قويق
-
بارك الله فيكى على الموضوع وعلى
الواصفات الجميلة ربنا يتم عليكى بخير
ومشكورة ياغالية
الصفحات 1 2  3  4  5  ... الأخيرة

التالي

نصائح عروس قيمه لعروس جديده لحمله سماء الابداع

السابق

جدول العنايه بكل ما يخص الجسم ...لكل عروس استعدادا لزفافها

كلمات ذات علاقة
للعرايس , اللي , عرسهم , قريب