الحلقة الثالثة
لمن ركبنا الطيارة " طيران الاتحاد الإماراتي "
وهو مقسم إلى ثلاث أقسام
" الدرجة الماسية " خاصة برجال الأعمال
" درجة الأفق " مقصورة اللؤلؤ
" الدرجة السياحية " مقصورة المرجان
كان الوقت الساعة " خمسة ونص " مساءا وأذكر إنها تأخرت نص ساعة عن موعد الإقلاع
وكانت الوجه هي إلى مطار أبو ظبي في الإمارات
لمن طارت الطيارة شوية جابوا لنا منشفة صغيرة مغسولة بموية دافية
طبعا أنا مغطية فمسحت بها يدي بس ...
شوية جابوا لنا وجبة العشا
أذكر كانت مرة حلوة
كأنهم جابوا المقبلات أول وبعدين جابوا العشا شي زي كدا
وبعدين كانت مدة الرحلة ساعتين ونصف تقريبا
وصلنا مطار أبو ظبي الدولي
قسم الرحلات الخارجية
كان في وقت تقريبا خمسة - ستة ساعات قبل ركوب طائرتنا المتجهة إلى دولة ماليزيا
فكرنا نخرج نتمشى في أبو ظبي بالتاكسي
بعدين بطلنا خفنا يعدي الوقت وتفوتنا الطيارة
هدي رحلة خارجية ولازم نكون قبل الرحلة في المطار بوقت كافي
قررنا الجلوس في المطار دا الوقت كله
رحت الله يكرمكم الحمام أغير لولدي
المهم شافتنا العاملة قالت Saudi ??
قلنا yes
طبعا عرفتنا من العباية
وفي المطار أو في رحلتنا عموما سار شي مرة غريب
ما في أحد ما كان يطالع في ولدي !!!؟؟؟؟
سواء في الإمارات أو ماليزيا
في مطار أبو ظبي مروا زوجة زوجته أجانب أمريكان أو شي زي كدا وقفوا طالعوا فيه - وسوا كدا كم مرة -
وفي الحمام الله يكرمكم جات إيطالية ....جلست تتكلم إيطالي مع الولد وأنا أبتسم لها ورفعت الطاقية حقته كانت شوية نازلة
وقالت لي : تشاو ...
حريم روسيات كانوا في الطاولة اللي جنبنا برضوا جلسوا يطالعوا فيه !!!!
عامل نظافة ووقف طالع فيه ومشي !!!!
مدري ليه ...
دا غير الصينيات اللي صوروه في ماليزيا
حااااااااااااااااالة
المهم جلسنا نتحكى انا وزجة صاحب زوجي
وقمنا تمشينا في المحلات
وللأسف الشديد اول مرة أشوف الخمور في بلد عربي
ودا الشي مرة زعلني
الله يهدي الجميع
المهم عدى الوقت وشوية تسير الساعة 12 ونص
ويلا على الطيارة
وشوية قفلت الأبواب
واحنا الآن في الطريق إلى دولة ماليزيا
شوية المضيفة جابت لعبة لولدي وعلبة أكل أطفال جاهز
جابوا لنا وجبة خفيفة كانت " لفائف خبز ناعمة "
وبعدين الوجبة الرئيسية احنا نختار
ماني فاكرة ايش اخترت
كانت الخيارت " إدام كاري ماليزي " أو " طاجين لحم الضأنا " أو " السبانخ والجبنة "
أتوقع اخترت الأول
وبعدين الحلا
وجلسنا في الطيارة وطبعا احنا اخترنا مكان قدامه الجدر عشان يجيبوا لنا سرير الطفل وعشان ناخذ راحتنا في كرسي ولدنا
يفترض ان الكل ينام لمن وطوا الأنوار
واشوف الكل حاول ينام
واللي نام
وأنا صراحة مرررررررررة ما قدرت أنام
جلست أقرأ كان معاي كتاب عن حياة السيخ ابن قاسم النجدي رحمه الله
ومجلة تحت ال 20
وشوية أشوف في شوية نور بدا يطلع
وزوجي يقول لي تبغي تقومي تصلي الفجر ؟؟؟
قمنا صلينا وجلسنا ..
جابوا لنا وجبة خفيفة مع شاي او قهوة وعصيرات
وشوية يجيبوا لنا أوراق رسمية لازم نعيبها قبل خروجنا من الطيارة وهي اللي على أساسها يسمح لك بدخول البلد او لأ
خلصها زوجي
وشوية نطالع من الطيارة ونشوف
الدنيا الخضرااااااااااااااااااااء
من أراضي وجبال
وصلت الطيارة إلى ماليزيا كوالا لمبور الساعة 8 صباحا
والحمد لله على السلامة
