أوراق من مذكراتي ....رحلتي إلى ماليزيا الساحرة ...مواقف ..وطرائف ..وفوائد..

مجتمع رجيم / هذة رحلتى .. لا للمنقول

كتبت : شمعة لاتنطفئ

[align=center]
وهادي الملاهي عبارة عن مدينة ألعاب كاملة مغلقة تأخذ مساحة من الدور الخامس حتى العاشر

وهي رائعة جدا ومميزة وممتعة ..بها العديد من الألعاب المختلفة

هنا نلاحظ قطار الموت وهو يمتد في كل أرجاء مدينة اللألعاب

[/align]

كتبت : شمعة لاتنطفئ

[align=center]
طبعا لا أحد يسألني كيف رضيت أركب دا القطار ؟؟!!

وي ينقلب ..بجد نسيت ..

طبعا كنت وحرمة صاحب زوجي خايفين مرة والشباب ما شاء الله عليهم راحوا وركبوا وانبسطوا واحنا ما رضينا فراحوا وركبوا مرة تانية

ولمن نزلوا جلس زوجي يقول تراها ما تخوف ..

وقررنا أنا والحرمة إننا نروح ونركب ..

وبالفعل ركبنا ...وعدت على خير ...

وبعد ما تنزلي إذا حابة تاخذي صور لك هم يصوروا واحنا راكبين ..

أخذنا لنا صور - طبعا واحنا مغطيين بس تبقى ذكرى إننا رحنا وركبنا -

" لعبة المقص "

دي اللعبة ركبها زوجي وصاحبه ونزل قال لي صراحة تخوف ..قلت يلا انا أبغى أركب ..

قال ايش ؟؟!!!

قلت أبغى ألعب !!!!

قال أنا ما غصبتك انتي اللي قلتي أبغى ألعب ..

ورحنا وركبنا وقبل ما تمشي قلت له خلاص بطلت ما أبغى ..

والله لا يوريكم ..5 قلبات على قدام و5 على ورا ..

وأنا راكبة أقول خلاص تبت يا ربي سامحني ..- خايفة أموت -

وعدت على خيييير ..

" لعبة الشواية "

ألعاب أخرى

[/align]

كتبت : شمعة لاتنطفئ

[align=center]

أماكن مختلفة في الملاهي

[/align]

كتبت : شمعة لاتنطفئ

كانت تجربنا لدي الملاهي ممتعة جدا ومررررررررررة انبسطنا فيها

وأخذنا صور للذكرى ..

سعر تذكرة الدخول مدري كم مع إني محتفظة بشريط وأسورة الدخول ككل الأماكن اللي زرتها في ماليزيا

وبعدين رجعنا للفندق وكان عشانا من كنتاكي ..

والحمد لله نمنا بعد تعب وإرهاق اليوم الثاني لنا في كوالا ..

وغدا يوم جديد ....وأماكن جديدة ...

كتبت : الكتكوت الفصيح

شـكــ وبارك الله فيك ـــرا لك ... لك مني أجمل تحية .

كتبت : الكتكوت الفصيح

فعلا الشواية دى تكاد تكون مميتة حقيقي الله يستر