هاااي....انا الوحيدة الثرثارة الي حابة تتكلم ,,,
بقول لكم عن يوم عقيقة احد اقاربنا ,,,عملوا العقيقة باستراحة ,,وطبعا مكان للحريم منفصل عن مكان الرجال ..وقالوا لنا ترا فيه مسبح ,,وانا سمعت بالخبر وجهزت نفسي للسباحة ...
ويوم العقيقة رحنا من بعد الظهر (حسب طلب اصحاب العزومة )
وما شاء الله عليا نسيت اخد ملابس لنا ..وبس رحنا هناك ,,لقينا الكل يسبح وانا وبنتي نبكي ,,نبغا نسبح ,,والاستراحة مرررررررررررة بعيدة عن بيتنا ,,(خارج جدة)
والله غي اثناء الغداء اتصلت على زوجي <<<<مستعجلة ...
قام ما رد ,,اتصلت تاني ,,عطاني مشغول,,اتصلت تالت <<<<<مصممة
وما رد للمرة التالتة ,,فكرت شو اعمل ,,رحت اتصلت على جوال حماي العزيز ,,طبعا رد ,,قلت له ابغا اكلم زوجي ,,وفعلا عطا الجوال لزوجي ,,ووزوجي كلمني ,,المسكين كان جالس يأكل علشان كدة ما يرد <<<<وانا مصممة ,,والله قام من الاكل وما رجع تاني ,,يخجل يقوم عن الاكل ويرجع تاني <<<الله يهديه ,,ما فيها شي ,,
بس كلمني يقولي شو هالشي المهم جدا الي جالسة ترني عليا ومو صابرة ,,,,قلت له ابغا اروح اجيب الملابس نسيتها بالبيت ,,فجأة وطبلت ّذني احسها انخرمت ,,عملت نفسي زعلانة ,,قلي خلاص بنروح نجيبهم ,,ومشوار ساعة في الطريق رايح ومشوار ساعة في الطريق راجع,,واخيرا وصلنا غيرت ولبست ملابس للسباحة ونزلت الموية العب مع صديقاتي ,,والله وناسة ,,,وكنت بغرق ,,ونلعب كورة ,,وبعدها لعبنا في المراجيح ,,وروحنا بعد العاشرة مسائا... وكان يوم مرررررررررررررررررررة رائع ,,,,انا قلت القصة بس لان وما في احد رد على الموضوع ,,وانا ما احب ادخل موضوع من غير ما ارد ,,,
