مجتمع رجيمالحمية و الرشاقة و الرجيم

مين يبدأ معايا ريجيم 800 سعر

يا بنات انا عايزة ابدأ ريجيم السعرات و عايزة حد يشاركنى و يشجعنى
انا وزنى 69
و طولى 161
وعايزة انقص 10 ك على الافل
انا نقلت الريجيم من موضوع تانى و ياريت الاقى حد يبدأ معايا
رجيم سعرات

الاسبوع الاول من4 ل7 كيلو (حسب طبيعة الجسم والسن واذا كان اول رجيم او لا)

الاسبوع التاني من 2 ل4 كيلو

الاسابيع التالية كل اسبوع اتنين كيلو


اهم حاجة الالتزام

خسيت عليه29كيلو من 103 ل74 بس خدت وقت شوية عشان ماكنتش منتظمة


وماما خست50 كيلو من 120 ل 70 كانت بادية قبلي وخلصت بعدي

النظام

يحتوي النظام على 6 بنود ده هيبقى اكلك طول اليوم قسميهم بالطريقة اللي تناسبك

البند الاول: الالبان:

كوب ونص لبن خالي الدسم او 2كوب زبادي لايت

البند الثاني:النشويات:

3/4 رغيف بلدي(ماعرفش عنكوا اسمه خبز اسمر ولا ايه)
او 3ملاعق ارز مسلوق(طبعا بمية بس من غير زيت)
او حبة بطاطس مسلوقة

البند الثالث:اللحوم:

ربع دجاجة (من الصدر مسلوقة او مشوية بدون اي سمنة او زيت ومنزوعة الجلد )
او سمكة بلطي في حجم الكف(مشوية طبعا)
اوقطعة لحم بتيلو في حجم الكف مسلوقة او مشوية
او قطعتين جبنة قريش في حجم البيضة(دي للمش عايزة لحمة)

البند الرابع:

بيضة مسلوقة

البند الخامس:الخضراوات:

كمية غير محددة من الاتي:
كرنب -جزر(واحدة فقط) -قرنبيط-خيار-سبانخ-طماطم-خس-كوسة-خرشوف-عصير لمون-فاصوليا خضر-بصل-جرجير

البند السادس:الفاكهة:

ثمرة تفاح متوسطة الحجم او 1 موزة صغيرة او 2 جوافة صغيرة او 1 برتقالة متوسطة او 2 كمثرى صغيرة او 300 جم فراولة او 500 جرام بطيخ او500 جرام شمام او2 خوخة متوسطة او3 يوسفي كبيرة او 3برقوق كبيرة او1 مانجو صغيرة
----------
يتم اختيار صنف واحد من كل بند يوميا

ملاحظات:

-يجب شرب كوب ماء دافيء على الريق وقبل النوم
-ممنوع الشرب اثناء الاكل اوقبله او بعده بربع ساعة
-يمكن اضافة الملح والفلفل والبهارات والاعشاب والجيلاتين والبصل والتوم
-يمكن عمل الارز او الخضار على شوربة الدجاج او اللحمة المسلوقة(البند الثالث)
-عند الجوع ممكن اكل جريب فروت اوخضراوات(الموجودة في البند الخامس)
-يمكن شرب الشاي القهوة الليمون عصير جريب فروتعصير طماطم بيبسي او سفن دايت(باي كمية)
-ممنوع استعمال الزيت او السمن
-ممنوع استعمال السكر الطبيعي ويستبدل بسكر منخفض السعرات

نصائح تساعدك على انقاص وزنك:

-يجب ان تقتني ميزان صغير الحجم لمتابعة وزنك
-لا تاكلى الا عندما تشعري بالجوع
-يجب ان يكون غذائك في متناول يدك
-عدم شراء طعام غير الموجود في النظام
-عدم شراء اطعمة وانتي جوعانة
-لاتضعي على السفرة اكتر من الكمية المقرر تناولها
-يجب الاكل ببطئ ولا تبتلعي الطعام الابعد مضغه جيدا
-تناول الطعام بالشوكة والسكين
-حاولى ان تفعلي شيء اخر بجانب تناول الطعام
-عند الشعور بالجوع حاولي ان تشغلى نفسك بشيء اخر
(المشي الاستحمام الكلام في التليفون قراءة كتاب)

_____________

طبعا تحاولي تلتزمي بالنظام على قد ماتقدري

اليوم اللي هتبوظي فيه النظام تعاقبي نفسك بعده بانك تمشي يومين بنص اكل(يعني تاخدي نص كل بند)منها عقاب ليكي ومنها تنزلي اللي زودتيه في التبويظ

--------------

التثبيت:مهم جدااا
لازم تثبتي عشان ماترجعيش اللي نزلتيه انا ماثبتش زيدت 10 كيلو
طبيعي اما بتبقى عاملة رجيم وبترجعي تاكلي الوزن بيزيد من2الى5كيلو(لانك بترجعى لنظام اكل طبيعي) عشان كدة اعملي حسابك تبقى منزلة وزنك عن المطلوب تقريبا5كيلو

فترة التثبيت 4 اسابيع وبيعتمد على العودة لنظام الاكل الطبيعي بالتدريج

الاسبوع الاول :الرجيم السابق ويوم فريfree
الاسبوع التاني:يومين فري (مايكونوش ورا بعض)
الاسبوعالتالت:الفري يوم بعد يوم
الاسبوع الرابع والاخير يومين رجيم والباقي فري(اليومين مش ورا بعض)

وبعد كدة تاكلي عادي ويفضل عشان تحافظي على وزنك تعملي كل اسبوع يوم رجيم ينزل اللي زودتيه في الاسبوع
---------

مع تمنياتي بوزن مثالي للجميع
واي استفسارات انا في الخدمة
السلام عليكم ورحمة الله وبركاته

ده رجيم رائع وانا كنت ماشيه عليه خطير بيجيب نتائج هايلة

دلوقتى ماشيه على النقاط شويه كدة و بعدين ارجع للسعرات 800 تانى

موفقة بإذن الله ... لك مني أجمل تحية .
موفقة اختي انا اعمل ريجيم السعرات ألف كلوري ورياضة صراحة ممتاز وينحف

بس ما اقدر اشارك معاك لأني متابعة بموضوع آخر وما أقدر اتابع اليوميات في موضوعين
بس حبيت شجعك وبالتوفيق
ميرسى على مروركم رندود و شمعة ورد
و يا ريت يا رندود تقولى نزلتى قد ايه على الريجيم ده
ميرسي علي الريجيم الجميل ده بس انت متاكده ان كل الاكل دة و800 سعر بس انا حاسه انه كتير قوي
انتى مش بتاخدى كل الاكل ده انتى بتختارى نوع واحد من كل بند و تقسميه على اليوم كله
1 2 
كلمات ذات علاقة
800 , مين , معايا , يبدأ , ريجيم , شعر