تعالي اعلمج شلون توفرين .. من نصايح امي

السلام عليكم ورحمة الله وبركاته خواتي عضوات منتدى رجيم والله اني احبكم في الله

مجتمع رجيم / التجارب والحلول المنزلية
بسمه امل
اخر تحديث
تعالي اعلمج شلون توفرين .. من نصايح امي

[align=center]
السلام عليكم ورحمة الله وبركاته

خواتي عضوات منتدى رجيم

والله اني احبكم في الله 25.gif

ودي اقول لكم عن نصايح دوووووم امي الله يحفظها تقولي عنهم


هالنصايح مهميييييين وايد وايد

اول شي باقول لكم عن نماذج بعايلتنا امي دووووم تقولي شوفيهم واحكمي .. ومن ثم قرري تبين تصيرين مثل من ..




النموذج الاول :

31201369188.jpg

وحده من قرايبي ربي يحفظها
ام وموظفه .. لها بنتين وطبعا حالها حال كثير من المواطنين زوجها عليه قرض "سلفيه"
هالبنت تموت في شي اسمه ماركااات
وهي طيبه زياده حبتين .. يعني ممكن انه ينضحك عليها
الفلوس مايبقون عندها 10 ايام من الشهر
وبناتها تاخذ لهم اشيا مرات ماتلزمهم بس لمجرد انها ماتقول لهم لا .. طبعا مع اختلال بميزانيتها
وازيدكم من الشعر بيت .. هالايام .. هابه في شغلة البيع
تشتري اشيا وتبيعهم وربعها مرات يشورون عليها بشور ماهو بزين ابد
شوي الا تشتري اشيا ومستحضرات على اساس انها " طبيعيه" وتبيع
وشوي تقرر انها بتروح شرق اسيا تشتري شنط تقليد ماركات درجه اولى وتبيعهم
وشوي الا تاخذ كاتلوج هالشركات اللي مالهم محل بس تشوفون الصور ويوصلونه لكم وتصير هي الوكيله

يعني ماتخلي شي والمشكله انها ماعندها حس وروح التجاره
يعني لو انها تقدر تربح 10% مثلا كربح
تقول لا انتوا من الاهل وانا عشانكم راح اعطيكم بسعر التكلفه << بجد مو بس كلام 9.gif
وانتوا ربعي .. وانتوا قرايبي .. وانتوا بناتي .. وجذي

المهم .. انها ما ايي الاسبوع الثاني الا وهي مديونه من فلان وعلان ..
والراتب طااااااار
وتصفى على الحديده icon13.gif



النموذج الثاني:

11201369188.jpg

وحده ثانيه من المعارف موفره لدرجة مو طبيعيه .. هي ماتشتغل
يعني تشوف وتلف البلاد لف . . واخر شي ماتاخذ هالشي تستخسره
تقول يمكن احصل بسعر احسن
او شي افضل .. يمكن يصير عرض .. وبالاخير ماتاخذ اللي ببالها او تروح عليها الشغله وجذي
يعني ما اروح معاها السوق او المجمع تحط بسلتها من هني ومن هني
وقبل لا تحاسب اشوفها توقف مع نفسها
تقلب في الاشيا
وتفكر .. تشيل من هالاغراض
يعني لو هي حاطه مثلا 7 قطع . ماتصفى غير على 2 ..... ان كثر


ف امي ربي يحفظها تقول لي شوفي فلانه وفلانه
تبين تصيرين مثل أي وحده منهم
اقول لها خير الامور الوسط لا جذي ولا جذي

قامت تنصحني .. وباعطيكم خلاصة قولها:

41201369188.jpg

لازم اني احدد من اول راتب نسبة المصروفات اللي عندي لانها راح تحدد مصروفي طيلة عمري
يعني مثلا
لو من اول راتب حطيت احتياجاتي على اساس 80 او 90 بالميه من الراتب
راح اتعود على هالشي
واذا حاولت بعدين اني اوفر راح احس اني مقصره على روحي عشان اسوي لي حساب توفير
لكن لو من اول شي حطيت ببالي ان 50 بالميه مثلا انها للتوفير
راح اتأقلم على الباقي من الراتب .. وراح احسه هذا راتبي مو اكثر
وبما اني بنت لي الحين ماعندي التزامات
اوفر احسن لي واسوي اللي ببالي ..

01201369188.jpg
وقرش ابيض ينفعك باليوم الاسود .. مثل مايقولون

امي ربي يحفظها من اول راتب خذته طبقت هالشي على وصية من يدي ربي يرحمه ويغمد روحه الجنه .. اللهم امين

وما شاء الله عليها ربي يخليها لنا ويحميها
حتى النسوان اللي معاها بالشغل يتعلمون منها شلون يوفرون
ومرات تقعد مع أي وحده منهم متوهقه وحايره وعليها ديون
تسوي لها جدول وتشوف شكثر تصرف وشكثر توفر
لين ما تنفك ازمتها وتتعود على التوفير .. باذن من الله طبعا



انا عجبتني هالفكره
واذا في احد شاف حلقات من فتره للمذيعه الامريكيه الشهيره اوبرا
كان مضمون كلامها جذي

PAY to yourself FIRST

ان الواحد منا لااااااااااازم يحسب حساب نفسه .. والزمن
ويوفر ولو جزء بسيط بالبدايه .. وبعدين يكبره حسب امكانياته


وطريقتها كانت ان اول ماينزل الراتب
اوتوماتيكيا من البنك .. تخليهم يسحبون جزء او نسبه انتي متفقه معاهم عليها وينقلونه لحساب توفير ... او كوديعه
ولا تلمسينه ابد .. وتنسينه

وشوي شوي .. شهر بعد شهر راح يتجمع مبلغ لا باس فيه .. وانتي منتي بحاسه ..
بس بشرط انج تنسينه ولا تعتمدين عليه وتحطينه ببالج

وحزة الضيق .. الضيق الكبير .. تسحبينه
احسن لج من الديون والسلف ..


71201369188.jpg

مو الضيق انج بتشترين شنطه .. او ميك اب !! ..
هذا مو ضيق ... هذي رفاهيه .. ممكن تستغنين عنها
او ترسمين لج جدول لاحتياجاتج وتشوفين شكثر تقدرين توفرين بجد وشكثر تحتاجين بجد

وبجذي لا تعتازين او تحتاجين لاحد ولا شي .. الغني الله عن جميع الناس ..... سبحانه
........




51201369188.jpg

" ونصيحه بعد نصحتني بها وحده ربي يحفظها .. ان اول ما استلم المهر اطلع لي صدقة منه .. لانه روي عنه أنه صلى الله عليه وسلم قال: ((إن صدقة السر تطفئ غضب الله وتدفع ميتة السوء)) .. وسبحان الله لا يرد القضاء الا الدعاء .. فعليكم بالصدقة والدعاء "


......


ونصيحه مهمه دوووووم تذكرني بها امي فديتها
اني لاتزوجت .. مهري اخلي لي منه عزوه << جزء للزمن
ما اصرفه كله على ملابس وعطور .. شهرين او ثلاثه بمل منهم وباييب غيرهم
اخلي لي مبلغ زين .. بحيث اني ما اقصر على نفسي .. ولا ابذر فيه بنفس الوقت

.....

21201369188.jpg

وحتى لما بشتغل وانا متزوجه .. طبعا معروفه ان المصاريف على الزوج .. وراتب الزوجه لها
بس هي نصحتني ..
تقول لو في هالزمن تبين تبنين لج بيت ماراح تقدرين اذا تركضين ورا كل شي بنفسج .. لازم تتحكمين بها
مو معقوله تبين بيت وتبين كل اللي تطيح عينج عليه

هالمعادله ماراح تنفعج .. بالعكس راح تخسرج ..
وفلوسج وفلوس زوجج بالمستقبل راح تروح كلها للتجار
....


تقول لي هي شسوت ؟؟
خلت راتبها ينزل بالبنك ولااااااااا تلمسه ..
وهي وابوي ربي يحفظهم لي ويخليهم عزوه طول العمر .. اللهم امين
هي وابوي مصاريفهم يأقلمونها على راتب ابوي
وسنه بعد سنه يتجمع مبلغ حلو بالبنك ساعدهم كثير عشان يبنون بيتنا الحالي
طبعا لا مفر من قرض
ولكن الفرق ان الواحد عنده مبلغ يساعد نفسه فيه
مو بس كلها على القرض




امممم

شكلي طولت عليكم
بس حبيت افيدكم بهالنقطه
من تجارب امي
لاني بجد شفت نماذج بنات متزوجات كثير ماحطوهم ببالهم فقلت افيدكم باللي عندي


81201369188.jpg

وسبحان الله الواحد لازم يستغل كل نصيحه عنده وينصح بها اكثر قدر من الناس
ويبعد عنه الانانيه .. وحفظ كل معلومه لنفسه
عسى ان تكون في صالح اعماله .. وينفع المسلمين بها .. وتكون علم يستفاد منه
فيمكن يكون اجلي بكره .. على الاقل كلماتي محفوظه ويارب انكم تستفيدون منها wink.gif منقول

ربي يبارك في اعماركم ومن يعزون عليكم جميعا smile.gif



اذا اصبت فمن الله و اذا أخطأت فمني و من الشيطان

سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك

لا تنسوني من صالح دعائكم
كل الحب






،،
،،
،،
،،
،،
،،
،،



01186692947.gif

اللهم ارزقني
وكل بنوته
الزوج الصالح و الهداية
عاجل غير اجل

عاااااااد قولوا آمين
11186692947.gif

[/align]
ألمغتربة
طبعي ذبح غيري
فرفوووشه
تسلمين حبيبتي بسمة أمل والله يخليلك أمك وتسلم ع النصايح المفيدة
ويااااااااااااااااااااارب يرزقك زوج صالح ونفرح فيك عما قريب بإذن الله بس بشرينا
وياليت يكون معاها كرت دعوة ههههههه
jannah1
بحر الجود
الصفحات 1 2 

التالي
السابق