السلام عليكم
ربنا يجازيك خير يا أختى على المجهود
و فعلا موضوع مفيد
.................................
انا كنت عايزه أعمل تمارين رياضية متكامله , قالولى أجرى كفاية
بدأت بالجرى لمدة نصف ساعة متواصله مع تمرين البطن الأشهر 4 دورات فى 10
وده كان يوميا بدون أى إحماء أو تبريد
بعد كام يوم حسيت أن مش كل العضلات بتشتغل
و ما بقتش عارفه أجرى عشر دقائق
فقلت أكيد فى حاجة غلط
و الحمد لله وصلت لموضوعك الجميل ده
.............................
بعد ما قريت الموضوع حسيت بشوية لغبطة
هقولك اللى أنا فاهماه
.....
أولا : الإحماء عشر دقائق عن طريق الجرى فى المكان على الواقف . ( هل بتزيد المده مع الوقت ؟؟؟ )
ثانيا : تمارين المنطقة السفلية . ( بس هعمل كل التمارين اللى إنتى كاتباها ؟؟؟!!!!!! )
ثالثا : تمديد عضلات المنطقة السفلية .
رابعا : تمارين المنطقة العلويه . ( و نفس السؤال السابق )
خامسا : تمديد عضلات المنطقة العلويه .
خلاص
وبعمل كل تمرين دورتين ,
وهكرر ده يوميا ماعدا يوم الأثنين .
.................................................. ....................
الخلاصة أنا عايزه مجموعة تمارين متكامله
وأنا عندى الإراده و الحمد لله
وآخر سؤال : أنا ممكن أنقص وزن اد ايه خلال أسبوع ؟ عشان أتحمس ويبقى فى هدف .
وشكرا مره تانيه