الحمية و الرشاقة و الرجيم نظام غذائي، رجيم، رجيم سريع، رجيم صحي، رجيم سهل، رجيم الماء، ريجيم، إنقاص الوزن، السمنة، الكرش دايت رجيم الكرش diet plan Food رجيم صحي fitness exercises رجيم سريع المفعول رشاقة تخسيس البطن الارداف رجيم الماء رجيم سريع رجيم قاسي رجيم كيميائي رجيم دشتي rjeem الوزن السمنة تخسيس الصدر

،،،،، من اجلكلم ((())) همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛

الصورة الرمزية نوجا28
نوجا28
وردة مبدعة
قديم 04-24-2009, 10:42 PM
#1
،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 512170241.gif


ده اول موضوع لى فى المنتدى يا بنات
واتمنى تستفيدوا منه باذن الله هو لا رجيم ولا وصفة لا انا هخاطب نفسيتكم وعاوزة كل بنت وهى بتقرا تشوف رد فعلا القراءة عليها ايه
لانها هتقرا وكانها بتتكلم مع نفسها
نبدا
،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif

1_البداية

دى اصعب واهم خطوة فى الرجيم مهما كان نوعه لانها بتكون حد فاصل بين حياتك قبل وحياتك بعد
وعلشان تبدأى صح لازم تختارى وقت تكونى واثقة فيه انك هتستمرى
ومش عاوزين نضحك على بعض ونقول بنخس لنفسنا لا بنخس علشان نبقى حلوين فى نظر حد يهمنا انه يشوفنا حلوين حكاية اننا بنخس لروحنا دى نضحك بها على الناس اه بس لما نتكلم مع بعض بصراحة لا احنا بنخس علشان هدف والهدف ده اننا نلبس كويس ويبقى شكلنا حلو وعادة بيكون لشخص معين زوج او خطيب او عاوزة تتجوز وده حقها الزوجة عاوزة جوزها يفضل يحبها وميشوفش غيرها والمخطوبة بردوا عاوزة يوم فرحها تبقى احلى عروسة والبنت عاوزة تتخطب والناس تشوفها تقول بنت مش من التخن يقولوا كبيرة ويمكن متجوزة وام كمان صح؟ولو فقدتى الهدف ده بتياسى وتروحى تاكلى وتقولى هخس وابقى حلوة لمين مش كده ولا لازم نقول كلام نرضى به الناس ومن جوانا نبقى مش مقتنعين؟



،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif

2_القرار الفردى
علشان تقررى تبدأى اى رجيم لازم يكون عندك دوافع مهمة صح؟
طيب لما هو صح هل انتى منتظرة ان الدافع اللى عند جوزك او اخوكى او جارتك اللى بتساليها هيكون هو نفس الدافع اللى عندك؟
هما اللى مضرورين من سمنتك ولا انتى؟
انتى طبعا
مين يهمه انه شكله يبقى كويس انتى ولا هما؟ انتى طبعا
لو فكرتى تاخدى راى حد هتلاقى الف قرار وكل واحد هيقولك قرار من وجهه نظره هو مع ان الانسان الوحيد اللى حقه يحدد شكل جسمه هو انتى وبس فقط لا غير
متخليش حد يتدخل ابدا فى القرار ده
لان محدش جواه المعاناه اللى جواكى لا هو اللى شايل الدهون ولا هو اللى شكله وحش ولا هو اللى صحته متدهورة ولا هو اللى ثقته فى نفسه ضايعه بسبب شكل جسمك خليكى واقعيه كمان متساليش كل شوية حد خسيت ولا لا لان الناس هتنقسم لنوعين اما بيحبك وعاوز يرضيكى وصعبان عليه الجوع اللى انتى فيه وعاوزك تاكلى وبيضرك بالحب ده وهيقولك اه خسيتى وبقى جسمك جميل او بيكرهك وعاوز يحبطك وهيقولك مش باين عليكى والنتيجة فى الحالتين
الاحبااااااااااااااااااااط وهتبطلى رجيم فى الحالة الاولى هتصدقيه لانك عاوزة تصديقه وهتفكرى نفسك بقيتى مانيكان ومفيش منك
وفى الحاله التانية هتقولى طالما مفيش فايدة يبقى اكل واعيش حياتى
عاوزة تسالى حد؟
مرايتك وهدومك القديمة بسسسسسس

،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif



3_استعجال النتائج
كلنا واولكم انا فى اول جولاتى مع الرجيم انتظرت انى اهد الدهون اللى بنيتها فى سنين فى اسبوع دى مش غلطة لاااااااااااااا كارثة بكل المقاييس
والنتيجة
احباط
فشل
رجوع للاكل السىء والعادت السيئة
وزن اكتر واكتر واكتر
كونى واقعيه هل سمنتك كانت فى يوم وليلة؟
لااااااااااااااااااااااااا
يبقى مش هتخسي ولا تتخلصى منها فى يوم وليلة احمدى ربنا ان اللى بنيتيه فى سنين بتعرفى تتخلصى منه فى كام شهر افتكر دى معادلة فى صالحك وانتى الكسبانة فيها ولا ايه؟



،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif

4_ انظمة الرجيم نجحت مع غيرك ومنجحتش معاكى

طبعا وارد جدا لان فى اسباب كتير انتى مش حسبتيها لما جريتى وخدتى الرجيم منها على اساس انه فيه مصباح علاء الدين اولا وزنها هل هو زى وزنك؟ كل ما كان الوزن كبير كان النزول اسرع لان الدهون غير عالقه بالعضلات ولا باللحم الحقيقة للجسم
هل خلفيتها مع الرجيمات زيك؟
يمكن هى اول مرة تعمل رجيم ولذلك جسمها استجاب بسرعة
هل الايض عندك زيها؟
الايض هو سرعة حرق الغذاء يعنى التمثيل الغذائى
هل نشاط الغدة الدرقية عندها زيك؟
يمكن هى مريضة وانتى سليمة ويمكن العكس
اسباب كتير مش معنى ان فلانة خست على رجيم 30 كيلو فى شهر انك هتخسى زيها الطبيعة تختلف وحكمى عقلك هى لو خست 30 كيلو جاية منتدى السمنة تعمل ايه؟

متصدقيش الدعاية فيه بنات كتير بتفرح لما تلاقى موضوعها عليه اقبال وبيكون ده كل هدفها
كمان متظلميش جسمك وتاخدى فقر دم علشان تخسى وتقولى جسمى مخزن الجسم مش بيخزن املاح ولا معادن ولا فيتامينات الجسم بيخزن دهون هتفرحى لما تخسى وتطلعى على دكتور تتعالجى من فقر دم وانيميا وشحوب وسقوط شعر؟ مفتكرش




،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif

5_ قياس السعرات الحرارية

بنات كتير بتطبق نظام السعرات ورغم نجاحه الا انه بياخد وقت طويل نسبيا مقارنة بالانظمة الاخرى
الغلطة اللى بتقع فيها البنات هى ايه؟
انهم بيحسبوا السعرات اللى اكلوها واللى استهلكوها فى الرياضة وبس
طيب يا ست الكل بالعقل انتى وانتى بتتكلمى ونايمة وبتتفرجى على التلفزيون وبتتكلمى على النت كل ده مش بتحرقى سعرات؟
ماشية بايه بالهوى مثلا؟ ولا انتى يعنى كائن ذاتى الطاقة ؟
بتنسى تحسبى ده ليه؟
تيجى تقولك علشان اخس كيلو من وزنى محتاجة احرق 7200 سعر تحسب الرياضة وتنسى باقى الانشطة لااااااااااااا غلط
غير ان الرياضة بترفع الايض بعد ممارستها لمدة ساعة بيفضل مرتفع لمدة 48 ساعة يعنى الرياضة مفعولها مستمر حتى بعد ما تخلصيها



،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif
6_اكلة نفسى فيها



تاكدى تماما انك طالما نفسك فيها يبقى فعلا مش هتعرفى تستمر ى من غيرها كليها وفى حلول اتوجدت زى شيتوكال ومن تجربتى الشخصية فعلا مجدى وناجح فى الحالات دى ومتعتبريش اليوم باظ لانه فعلا هتبقى كانك مكلتيش فيه مادة شيتوزان بتلتصق بالكربوهيدرات وتمنع الجسم من امتصاصها وبعدها اشربى شاى اخضر هيقلل من امتصاص الدهون وبقدر الامكان حاولى تعملى يوم مفتوح كل فترة مش شرط اسبوع لا انتى اللى تختارى افرضى جه اليوم اللى مفروض يكون مفتوح وملكيش مزاج للاكل؟ تاكلى وخلاص لا استغلى اليوم وكملى ووفرى اليوم المفتوح لوقته اللى جاى فى الفقر ة الجاية

،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif



7_ ثبات الوزن

اول ايام الرجيم وزنى نزل بسرعة وبعدين ثبت انا مش عارفة ايه لزمته العذاب اذا كان وزنى مش بينزل
ارجعى بذاكرتك لورا شوية وانتى بتاكلى عادى كنتى بتزيدى فى اليوم كيلو؟
مش معقول والا كان زمانك مش كائن بشرى صح ولا غلط؟
طيب نرجع للمشكلة
وزنى ثبت هبوظ الرجيم لاااااااااا
عندنا كذا حل


اما نزود الرياضة
اما نقلل الاكل اكتر شوية
اما ناخد اوبن داى اللى اتكلمنا عليه فوق يعنى يوم مفتوح
اما اخد يومين رجيم كميائى اكسر ثبات الوزن وارجع بعدهم تانى لنظامى

طيب هو ليه نزل بسرعة فى الاول وثبت بعد كده؟

لانه فى الاول تخلص من دهون اقل التصاقا بالجسم فكان طردها والتخلص منها سهل الجسم بيبدا بالتخلص من الدهون الاحدث تكوينا وطبعا مش بتكون عميقه ولا ملتصقة بلحم وعضلات الجسم فسهل جدا وبلا اى مجهود تفقدى لحد 5 كيلو فى اول اسبوع
وطبعا انتى منتظرة كده طول العمر مستحيل
لانك لو كنتى بتزيدى خمسة كيلو فى الاسبوع وفضلتى على نفس المعدل هتزيدى 20 كيلو فى الشهر يعنى فى السنة 240 كيلو افتكر مش معقول صح؟

طيب يبقى نبقى عادلين ومنظلمش جسمنا
وشوية صبر




،،،،، من اجلكلم ((()))   همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛ 700038496.gif

خلص كلامى ويارب تكونوا استفدتم منه
سلااااااااااام
الصورة الرمزية noga sief
noga sief
روح المنتدى
قديم 04-25-2009, 04:37 AM
#2
[align=center]
مشكورة حبيبتى على الموضوع المفيد والرائع

[/align]

[align=center][/align]
الصورة الرمزية نوجا28
نوجا28
وردة مبدعة
قديم 04-25-2009, 05:19 AM
#3
تسلمى يا احلى نوجا على المرورو
وحده من البشر
وردة فعالة
قديم 04-25-2009, 11:22 AM
#4
مشكوره حبيبتي فعلا كلامك عين العقل يارب ننحف على خير
الصورة الرمزية ~helwa~
~helwa~
رحيق الوردات مشرفة سابقة لها عبير الورد
قديم 04-25-2009, 02:37 PM
#5
موفق بإذن الله ... لك مني أجمل تحية .
الصورة الرمزية نوجا28
نوجا28
وردة مبدعة
قديم 04-25-2009, 04:12 PM
#6
مشكوره حبيبتي فعلا كلامك عين العقل يارب ننحف على خير
شكرا على مروك يا قمر
اضافة رد

العلامات المرجعية

،،،،، من اجلكلم ((())) همــــــــــــــــسات بسيطة لتـــــــــــــــكونــــــى رشيقة ؛؛؛؛؛؛؛


« ذكريات سمين سابق لتركي الدخيل أريد ارفاق شعار الفريق الاخضر وشريط متابعة الوزن لموضوعاتى بليييييييز »

أدوات الموضوع
انواع عرض الموضوع


الموضوع كاتب الموضوع المنتدى مشاركات آخر مشاركة
يوميات حامل رشيقة :) نجمة الرشاقة أرشيف رجيم 11 08-06-2014 02:34 PM
دكتورة رشيقة دكـتورة رشيقة طلبات تغيير الأسماء 2 03-22-2013 02:22 AM
رشيقة أنا لـين الحمية و الرشاقة و الرجيم 5 01-14-2011 09:19 AM
[ أنا رشيقة , أنا عروس ] فراولة البحرين أرشيف رجيم 54 06-19-2010 01:41 PM
(**بإجتماعي مع نفسي صرت رشيقة**) سعاد الراشد أرشيف رجيم 2325 04-30-2009 06:18 PM

الساعة معتمدة بتوقيت جرينتش الساعة الآن 12:27 PM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
System exit pages by mr.AmRaLaA
منتدى رجيم منتدى مستقل