نظام رجيم ونصائح للدبدوبات وقت الامتحانات

مجتمع رجيم / الحمية و الرشاقة و الرجيم

كتبت : simo.body

السلام عليكم ورحمة الله
لكل العضوات القمرات وخاصة الطالبات الى داخلين على الامتحانات زى
انا اتعودت انى انقلكم نظام دكتور بهاء الناجى كل اسبوع بس الاسبوع دا انا فضلت يكون موضوع مستقل لانه خاص بالطلاب وقت الامتحانات مش حطول عليكو نبتدى بالنظام

الافطار : كوب شاى او نسكافية +لبن خالى الدسم + معلقة عسل نحل
+ بيضة مسلوقة او شريحة جبنة شيدر + 2 توست سن + موزة واحدة

العشاء : 2 علبة زبادى بالفاكهة

الغدا : اليوم الاول : وجبة مفتوحة

اليوم الثانى : نص كيلو سمك مشوى + 3 معالق ارز + سلطة

اليوم الثالث : ربع كيلو جمبرى مشوى او مسلوق او فى الفرن + 3 معالق ارز + سلطة

اليوم الرابع : 2 شريحة بيتزا + سلطة

اليوم الخامس : 2 قطعة سمك فيليه فى الفرن + سلطة + رغيف سن

اليوم السادس : ثلث كيلو كباب مشكل + سلطة + رغيف سن

اليوم السابع : ربع كيلو سمك مشوى + ربع كيلو بطاطس مسلوقة + سلطة

على فكرة النظام ينفع للجميع بس نشيل الموزة من الفطار الموز للطلاب

نصائح دكتور بهاء
1- الابتعاد عن الاشياء المقلية والفاست فوود
2- نقلل من الحوم ونكثر من الاسماك عشان كدا معظم ايام النظام فيها سمك دا لان السمك فيه فسفور بيساعد الطلاب وقت الامتحانات وكمان دهونه قليلة عن الحم والفراخ
3- نقلل من المنبهات ونكتر من المشروبات الى بتهدى الاعصاب وفى نفس الوقت بتساعد على التركيز مثل : التليو و اليانسون و الشاى الاخضر
4- يوم الامتحان الصبح نفطر علبة زبادى + معلقة عسل نحل + موزة عشان نكون مركزين وما نحسش باى اجهاد

ويارب بالتوفيق للجميع ويارب تستفيدوا جميعا
وادعولى انى ربنا يوفقنى فى امتحانتى ويرزقنى الزوج الصالح ويفرج كربى

كتبت : حنايا الروح

احسو يسمن معقول ينحف والله انا حاسه نفسي دايخه مع الامتحانات..

يسلموو قلبي..

كتبت : drhappy

مشكورة على النصائح ونظام الدايت

كتبت : حياتي أمي

شـكــ وبارك الله فيك ـــرا لك ... لك مني أجمل تحية .

كتبت : LoveALLAH

[align=center]
تسلمي يا عمري والله يوفقك ويوفقنا بالامتحانات...