ملف تعليمى لعمل التورتات بمختلف الحشوات وطرق التزيين بالصور

-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير انا استغربت لما لقيت البعض بيضيف لبن او عصير الكيكه الاسفنجيه مختلفه عن...

مجتمع رجيم / قسم الموضوعات المنقولة
عصفور الجنة
اخر تحديث
ملف تعليمى لعمل التورتات بمختلف الحشوات وطرق التزيين بالصور

[align=center]
-بدايه الكيكه الاسفنجيه لا يدخل فى مقاديرها لا زيت ولا زبد ولا لبن ولا عصير
انا استغربت لما لقيت البعض بيضيف لبن او عصير
الكيكه الاسفنجيه مختلفه عن الكيك العادى



2-جميع المقادير المستخدمه بيض او طحين لازم لازم تكون بدرجه حراره الغرفه
يعنى انا دائما بحفظ الدقيق فى التلاجه ولكن قبل ما اعمل الكيكه الاسفنجيه بنص ساعه بخرج البيض والدقيق واوعى تنسى المعلومه دى لانها مهمه جدا حتلاقى قطرات ماء تجمعت على البيض بعد النص ساعه كده تقدرى تستخدمى البيض


3-لو عاوزه الكيك بنكهه البرتقال ضيفى برش برتقاله على البيض بدل الفانيليا وليس عصير البرتقال ولو عاوزه بطعم الفراوله ضيفى روح الفراوله ولكن روح الفواكهه تضاف بعد اضافه الطحين لكن برش البرتقال بيكون مع البيض كبديل للفانيليا


4-الدقيق والنشا والبيكنج باودر اللى حكتبلكم مقاديرهم تحطوهم مع بعض وضرورى جدا جدا تنخلوا الخليط مرتين يعنى حطى البيكنج باودر والنشا على الدقيق وانخليهم سوا ومهم اوى مرتين


5-مهم اوى ان المقادير تكفى صينيه لان لو الخليط اكبر من نص الصينيه يبقى الكيكه حترتفع وتهبط من النص وحتبقى معجنه


6- مهم اوى الفرن يتسخن اثناء تحضيرك للكيك ودرجه الحراره لازم تكون متوسطه لانها لو عاليه او منخفضه حتبقى مشكله والكيكه تبوظ اهم حاجه اظبطى الفرن على درجه 180 واغلقى الفرن لحد ما تنتهى من عمل الخليط
اخواتى معلش انا طولت عليكم بس لازم لازم احكى معاكم بالظبط كل فتفوته لعمل الكيك
واخيرا اللى بيخلى الكيكه مكتومه حاجتين مالهومش تالت الاولى انك مضربتيش البيض المده المحدده ليه وهى ربع ساعه يكون المضرب شغال بدون انقطاع على اعلى سرعه والثانيه انك مضفتيش الدقيق معلقه معلقه ممكن تكونى ضفتيه مره واحده او كميه كبيره كل مره وده بيخلى الكيكه طالعه زى الخبز مكتومه


الان المقادير المظبوطه
طبعا احنا خرجنا البيض والطحين قبل العمل بنص ساعه واول ما نبدا نشتغل نسخن الفرن ونجيب الصينيه ندهنها سمنه وبعدين نحط فيها دقيق اكيد انتوا فاهمين العمليه دى
المقادير دى انا معرفش حتناسبك ولا لا بس عموما وانتى بتصبى الخليط فى الصينيه بتاعتك وطبعا انا معرفش مقاسها يبقى عموما اى خليط لازم يوصل لمنتصف الصينيه لو لقيتى لسه عندك خليط ممكن تحطيه فى صينيه تانيه اهم حاجه للكيك سواء عادى او اسفنجى ان الخليط ميزدش عن نصف الصينيه لانه حيرتفع
المقادير
الكوب المستخدم للدقيق لازم يكون هو هو اللى حتقيسى بيه السكر والنشا
6 بيضات بدرجه حراره الغرفه
كوب الاربع دقيق
كوب الا ربع سكر ناعم مهم يكون حبيباته ناعمه
ربع كوب نشا
ملعقه كبيره بس ممسوحه بيكنج باودر
ملعقه كبيره ممسوحه فانيليا
ربع كوب كاكاو غير محلى
لو عوزاها بيضاء مش بالكاكاو يبقى بدل كوب الا ربع دقيق يبقى كوب واحد فقط وبرده نفس المقادير


سخنى الفرن وبعدين حطى البيض وعليه الفانيليا او بشر البرتقال وعلى اعلى سرعه اضربى البيض والفانيليا لمده دقيقتين وبعدين متفصليش الكهربا عن المضرب وهو شغال بعد الدقيقتين ضيفى السكر مره واحده واحسبى حوالى ربع ساعه على اعلى سرعه فى البدايه حتلاقى المزيج عباره عن رغاوى لكن بعد كده حتلاقى المزيج بقى كريمه وحجمها بقى تلت اضعاف حجم البيض فى الاول لازم يبقى الحجم تضاعف لاننا عاوزين الهوا اللى جعل البيض ينتفخ اول ما تلاقى الخليط تضاعف بعد الربع ساعه شيلى المضرب خالص ومتستخدميهوش تانى فى ناس بتحط الدقيق وتشغل على اقل سرعه وده خطأ كبير جدا جدا الطريقه دى حتخلى الهوا اللى نفخ البيض يخرج تانى ومش حتبقى هشه ابدا
باستخدام معلقه خشبيه ضيفى ملعقه دقيق واحده وقلبى ببطء جدا جدا جدا جدا جدا فى اتجاه واحد اوعى تغيرى الاتجاه او تقلبيها من تحت لفوق وافضلى ضيفى ملعقه دقيق وقلبى مرتين وضيفى الملعقه الاخرى وبرده قلبى تقلبتين بشويش وببطء شديد لازم يفضل الخليط مرتفع لحد ما تخلص ممكن هنا تضيفى روح الفاكهه لو عوزاها بالفراوله او الاناناس بعد ما تخلصى صبى الخليط بشويش وايضا بمنتى البطء فى الصينيه ودخليها الفرن
واياك اياك اياك اياك تفتحى عليها قبل 40 دقيقه بعد اربعين دقيقه اختبريها بعود خشبى لو نضجت طفى النار و اوعى تخرجيها من الفرن خليها جواه لانها لو خرجت وهى سخنه حتتعرض لهواء بارد حتبوظ سبيها فى الفرن بعد ما تقفلي الحراره نص ساعه تقريبا وبعدين خرجيها ان شاء الله لو اتبعتى كل معلومه وطريقه انا كتباها حتلاقى احلى كيكه اسفنجيه عملتيها وكل ما تنجح معاكى افتكرينى
وتانى يوم اعمليها بالكريمه وزينيها ولو مستعجله وعوزاها فى نفس اليوم حطيها فى التلاجه 3 ساعات مثلا بس اوعى تحطيها فى التلاجه بعد ما تطلع من الفرن مباشره يارب اكون افادتكم

ملحوظه بخصوص الدريم ويب(الكريم شانتيه )
التورته تحتاج ربع كيلو للتغليف والتزيين او بما يعادل 6 اظرف هناك نوعان نوع بودره يأتى على هيئه علبه كل علبه فيها ظرف او ظرفان والنوع التانى على شكل كريمه الطبخ بالنسبه للباودر لمن تستخدم باودر بالكيلو مثلا يبقى كل كوب كريمه باودر معها فنجان الا ربع لبن مثلج ونخفق ولو عاوزاها بالشيكولاته ضيفى كاكاو وزودى اللبن بسيط اما فى حاله الأظرف الجاهزه نصيحه منى لا تتبعى التعليمات المكتوبه على ظهر الظرف لان الكريمه حتبقى سائله نصيحتى لك هى لكل ظرفان باودر ضعى فنجان الا ربع فقط لبن مثلج وملعقه كبيره ممتلئه من النشا (الكورن فلاور )وحتحصلى على احلى كريمه متماسكه وضعيها فى التلاجه فتره حوالى نص ساعه قبل البدء بالتغليف والتزيين اما كريمه الطبخ المخصصه ايضا للحلويات اتبعى نفس ماهو مكتوب عالعلبه بالظبط لا تقلقى
الان ما قراتموه هو اساسيات عمل الكيكه الاسفنجيه ولكن
ولكن
ولكن
انا شخصيا احب اضافه الزيت او الزبده لعمل اى كيكه ودى راجعه للذوق الشخصى وغالبا تورتاتى تتنوع مابين كيك اسفنجى وكيك عادى ونا شايفه ان الكيك العادى مناسب كمرحله اولى تقدرى تتعلمى الاول ازاى تعملى تورته وبعدها تنتقلى للكيكه الاسفنجيه ومقادير الكيك العادى لمن تريد هى كوب ونصف دقيق منخول مضاف له ملعقه ونصف صغيره بيكنج باودر _ كوب الا ربع سكر عادى _ نصف كوب زيت او زبد _نصف كوب زبادى _3 بيضات حجم كبير او اربعه صغير_فانيليا لو اردتى عملها بالشيكولاته انقصى ثلث كوب دقيق وضعى بدلا منه كاكاو باودر غير محلى والان مع طريقه عمل الكيكه الاسفنجيه بالصور كتطبيق لما ذكرته سابقا
هنا الطحين والكاكاو والنشا والبيكنج باودر


التورتات ebL80n01182331.jpg


نقوم بنخلهم كما ذكر سابقا
التورتات 6yM8vn01182331.jpg


ونتركهم جانبا نقوم بضرب البيض والفانيلا حوالى دقيقتان وبعدها قومى بأضافه السكر



التورتات W2gZRI01182332.jpg


نقوم بالخفق لمده ربع ساعه على اعلى سرعه الى ان يتحول الخليط للشكل الكريمى ويكون أضعاف حجم البيض


التورتات hOxo8Z01182332.jpg


بعد ذلك نقوم باضافه الطحين المنخول ومعه البيكنج باودر والكاكاو ملعقه ملعقه ونقلب كما ذكرت فوق


التورتات QWwoL701182333.jpg


والان الخليط اصبح جاهز ونصبه فى الصينيه
التورتات kq91nK01182334.jpg


ونتبع طريقه الخبز والتى شرحتها سابقا وهاهى شكل الكيكه بسم الله ماشاء الله دى بالشيكولاته
التورتات jo8ud501170159.jpg


وواحده أخرى بيضاء بالفانيليا


التورتات 7zjwog01170158.jpg


هذا هو اساس عملها ننتقل الان الى المراحل الأخرى الا وهى الحشو والتزيين الان سيكون معنا كيكه فكيف نقطعها؟؟؟؟؟؟؟؟
انا افضل تقطيعها بالخيط بدلا من السكين طبعا بعد مابردت تماما
ونقطعها هكذا نلف الخيط حول الكيكه ونوسطه جيدا ويكون هكذا


التورتات v6P3qh01182303.jpg


ثم نقوم بوضع الخيط على شكل حرف xهكذا


التورتات 9xLZmJ01182304.jpg


ونمسك الطرف الايمن بيدنا اليسرى وطرف الخيط الايسر بيدنا اليمنى يعنى العكس ونشد الخيط ونفضل ماسكينه بقبضه ايدنا ونشد


التورتات dFoLCZ01182304.jpg


سنجدها بتقطع ومظبوطه ان شاء الله مائه بالمائه وهنا الحشو انا استخدمت كما فى الصورهدريم ويب باودر وفواكهه وشيكولاته مبشوره




وطبعا الصور شارحه نفسها وضعت ملعقتين من سائل الفواكه على الكيكه المقسومه نصفان لتطريتها واضفت جزء من الكريمه وفوقها الفواكهه


التورتات g4raxU01182305.jpg


اضفت النصف الاخر وغلفت التورته بالكريمه وبدأت ازينها


التورتات 7Hiawo01182305.jpg


التورتات Tl3q9w01182306.jpg اتمنى من الله ان يكون الشرح السابق كاف ووافىعرفنا طريقه عمل الكيكه فمش محتاجين شرحها تانى

التورتات P05sOy01170200.jpg

التورتات MeskbV01170200.jpg

التورتات xZIWib01170201.jpg

ونا بفضل بعد تغليف التورته اضعها فى التلاجه عشر دقائق تتماسك وارجع ازين تانى
وهنا وضعت فى جوانب التورته شيكولاته فارمسيل حبيبات وممكن تستبدليها بجوز هند او اى مكسرات مفرومه

التورتات bDRIrO01170201.jpg

نبدأ بوضع الكريمه فى كيس التزيين ونزين هكذا

التورتات OLQI5s01170202.jpg

ونضيف الفواكهه

التورتات jyM0Re01170202.jpg


التورتات mj2Uh801170203.jpg

طبعا كملت الاماكن الفارغه بالكريمه واضفت قطع من الكريز الاحمر

وده شكلها ماشاء الله عاليه ومرتفعه

التورتات qerF2U01170204.jpg

وهنا بعد التقطيع
التورتات r7Q4rN01170204.jpg
نأتى لتورته اخرى على شكل مربع


الحشو كريمه الجبنه


مقادير الحشو
كوب كريمه باودر
كوب الا ربع لبن مثلج
ملعقه سكر بودره كبيره
حوالى اربع ملاعق جبنه فلادلفيا وممكن استبدالها باربع قطع كيرى نضرب مقادير الحشو بالمضرب الكهربائى الى ان تتجانس ويمكن اضافه ملعقه لبن لو حبيتى تكون سائله الى حد ما ويمكنك اضافه ملعقتان كاكاو باودر لو عاوزه الحشو بالشيكولاته


هنا سويت الكيكه لأنها مربعه من عند الاطراف


التورتات Nesk3401190051.jpg


وقسمتها نصفان وشربت القسم السفلى بعصير او ممكن مربى مخففه بماء


التورتات XyM80S01190052.jpg


وزعت الكريمه


التورتات ROxUM901190052.jpg


التورتات ZWG2p801190052.jpg


غلفت الجوانب بجوز هند مبشور ومكسرات


هناك ملحوظه مهمه
ممكن سطح الكيكه معاكى ميكونش مغلف بالكريمه بشكل منسق ومتقن فلا تقلقى الفواكه اللى حتحطيها فوق لن تظهره ومع الوقت ستحترفى التنسيق ان شاء الله


التورتات ur2TL801190053.jpg


وبدأت فى التزيين


التورتات 2Dm5sk01190053.jpg


التورتات vWa2Uh01190053.jpg


وده الشكل النهائى يارب تعجبكن
التورتات ZVEFfC01190054.jpg

كريمه الشيكولاته البيضاء
مقادير الحشوه
عشر قطع جبنه كيرى وومكن استبدالها بعلبه فلادلفيا
ربع كوب لبن
كوب الا ربع شيكولاته بيضاء مبشوره
(للاخوات اللى فى مصر اكيد عارفين محل درب البرابره او محل العتبه اللى بيتباع فيهم الحلويات الخام والشيكولاته وكل شئ لعمل التورتات والحلويات)
الطريقه يسخن اللبن ويضاف اليه الشيكولاته المبشوره
ونتركها تسيح وتبرد تماما تماما وبواسطه المضرب الكهربائى نضرب كل المكونات السابقه جميعا ونضعها فى التلاجه ربع ساعه قبل التغليف والتزيين اسفه صور طريقه الحشو اتمسحت بس اعتقد الطريقه واضحه وسهله


طبعا عملت الكيكه وقسمتها وحشيتها مثل الطرق السابقه وغلفتها كمان وده التزيين


التورتات 0kypME01170214.jpg


التورتات 2udWj201170214.jpg


ووضعت فى الجوانب شيكولاته فارمسيل وكريمه هكذا


التورتات ncMDvn01170215.jpg



نأتى لتورته اخرى وحشوات مختلفه ان شاء الله والان نأتى لتورته اغلبنا بيحبها والتورته دى انا بعتبرها أهم تورته فى ملفى ليه بقى
لأنها اسهل تورته ممكن تتعمل انا انصح كل مبتدئه فى عمل التورتات انها تعملها وحتشوفوا بنفسكم ازاى سهله وازاى روعه
تورته بحشوه الأيس كريم

زى ماقلت التورته دى تنفع المبتدئات وكمان تنفع لو عندك كيك بايت او عملتى كيكه وباظت منك فى الفرن مرتفعتش او هبطت او او اى سبب لفشلها
انا كان عندى كيكه باظت منى فى الفرن وده طبعا شئ وارد انه يحصل وده شكل الكيكه

التورتات JkUh9001170205.jpg

واضح جدا انها مش مظبوطه فطبعا مرمتهاش عملت بيها ايه؟؟؟؟؟؟؟؟؟؟؟؟؟؟؟؟
اولا جبت نفس الصينيه اللى غملت فيها الكيكه
وبطنتها بالبلاستيك الشفاف ووضعت فيها حلقات اناناس
التورتات ms2U8v01170205.jpg

وجهزت ايس كريم ثلاث اكواب كبيره انا استخدمته بالفانيليا وتركته يسيح الا حد ما يعنى خرجته من التلاجه نصف ساعه تقريبا قبل العمل علشان يبقى سهل معايا ووضعت جزء منه على الاناناس هكذا

التورتات F7Q4VN01170206.jpg

وبعدها وضعت فواكهه


التورتات 1P3VM901170208.jpg


طبعا نوع الايس كريم او الحشوه متروك ليكى اختى الكريمه

ثم وضعت جزء من الكيكه قطعتها بنفس الطريقه اللى ذكرتها قبل كده
وشوفو كانت مفتته بس عادى لانها ستجمد مع الايس كريم
التورتات F7QHqN01170209.jpg

وبعدين وضعت ايس كريم مره اخرى وفواكه وهكذا
التورتات tQ4NFx01170210.jpg

وطبقه اخرى كيك وهكذا ثم نغلق البلاستيك الشفاف عليها ونتركها بهذا الشكل فى التلاجه اربع ساعات مثلا

التورتات kM0S6t01170210.jpg


وبعد ذلك نضع طبق التقديم فوقها ونقلبها وبعدين نشيل الصينيه وننزع البلاستيك عنها معلش صوره الخطوه دى اتمسحت منى عموما ده شكلها

التورتات PhvSeB01170211.jpg

لو تلاحظوا انا عملت ايه وضعت عالجوانب فارمسيل لزقت الى حد ما ووضعت داخل كل قطعه اناناس قطعه كريز وومكن تضعى فراوله وزينت بالفارمسيل ايضا وده شكلها من فوق

التورتات 06Gyqh01170211.jpg

ودى قطعه منها
التورتات hesPHy01170212.jpg

قد ايه سهله وبسيطه وومكن تعمليها باى شكل انتى عوزاه وممكن تستبدلى الايس كريم بالكريم شانتيه او اى نوع كريمه
هنا انا غيرت شويه فى شكلها

وضعت فى النص فراوله واتبعت نفس الخطوات السابقه بالظبط

التورتات H9S6YQ01170213.jpg



وده شكلها بعد ماقلبتها

التورتات q5agyq01170213.jpg

ايه رأيكم بقى يا بنات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اتمنى تكون عجبتكن

نأتى الان لتورته اخرى بحشوه مختلفه وهى
تورته بحشوه كريمه الزبده بالشيكولاته



كريمه الزبده كريمه لذيذه وبتدخل فى كتير من التورتات كحشو وتزيين طبعا هى دسمه الى حد ما بس انا بحبها جدا جدا طبعا نجهز كيكه شيكولاته زى ما عملناها فى اول الملف


انا حبيت اعمل تزيين مختلف للتورته من اختراعى وطلع رائع عملت ايه جبت شيكولاته خام مبشوره حوالى كوب ونص ووضعتها فى قدر استانلس وبعدين وضعتها فى طاسه بيها ميه وسيحتها على حمام مائى هكذا


التورتات rftQzE01160312.jpg


وبعدين جبت ورق الزبده ووضعت عليه الشيكولاته


التورتات cNwTf701160312.jpg


ووزعتها بملعقه فرشتها عالورقه هكذا


التورتات vXb2UD01160313.jpg


وتركتها حوالى خمس دقائق فى الرف تحت الفريزر تتماسك فقط ولكن لا تجمد حتى يسهل تقطيعها هكذا انا استخدمت شكل النجمه طبعا ننزعها بخفه وبشويش حتى لا تتكسر لانها حتكون لا زالت لينه



التورتات Z4iaog01160315.jpg


وبعدين نتركها تكمل تجميد فى التلاجه


التورتات 9BOc3V01160315.jpg


ونأتى لعمل الحشوه
مقاديرها


ثلثين كوب سكر بودره منخول تلت مرات
كوب زبده لينه وليست سايحه
ربع كوب لبن لتليينها
فانيليا
2 ملعقه كاكاو باودر كبيره
وممكن تبقى بدون كاكاو على حسب الذوق


نخفق الزبده الى ان تتحول للشكل الكريمه


التورتات Um5rOG01160317.jpg


نضيف السكر البودره على مرتين ونخفق ثم نضيف الفانيليا والكاكاو واللبن ونخفق جيدا الى ان يتحول الخليط للشكل الكريمى المتماسك


التورتات tqDmeB01160318.jpg


نتركها فى التلاجه ربع ساعه تتماسك وبعدين نقسم الكيكه ونضع جزء من الكريمه ونا اضفت حبوب الشيكولاته فيها هكذا


التورتات vAPGyV01160319.jpg



نغلق الكيكه والجزء المتبقى من كريمه الزبده نضيف عليه كوب كريمه مخفوقه مسبقا ونقلبهم معا ونغلف الكيكه ونبدا بتزين الجوانب هكذا


التورتات 0PU8IA01160319.jpg


التورتات 4jxohD01160320.jpg



التورتات hm5XG301160320.jpg


نسيت اقولكم ان بعد ما الشيكولاته النجوم بردت عملت نقط عليها من الشيكولاته البيضاء وتركتها تجمد ايضا وبدأت فى وضعها فوق التورته هكذا


التورتات djwfCu01160321.jpg


التورتات t49wo701160321.jpg


بس بعد كده حسيت انى لو وضعت عليها شيكولاته حبيبات حتبقى افضل فرجعتها المطبخ تانى ووزعت عليها الشيكولاته هكذا ايه رأيكن مش كده احلى


التورتات AbgZmJ01160322.jpg

التورتات PhvJ6s01160322.jpg
تورته الفراوله بالكريم باتسيير والجناش

بدايه الجناش هو
نوع من الكريمه عباره عن شيكولاته وكريمه خفق وزبده و تحضر وتستخدم بطريقه الصب على التورته او نتركها فتره تجمد فى التلاجه ونضعها فى كيس التزيين ونزين بها
مقادير الجناش
انا استخدمت شيكولاته بيضاء ولونتها
المقادير
كوب ونص شيكولاته مبشوره بيضاء
كوب كريمه لبانى(كريمه الخفق للحلويات)
ملعقه زبده
ملون طعام احمر او اى لون تفضليه
الطريقه نغلى كوب الكريمه ونرفعه من عالنار ونضيف عليه الشيكولاته المبشوره ونتركها تسيح وبعدها نضيف الزبده ونترك الخليط يبرد تماما ولكن لا يتجمد يكون على شكل سائل وبعدها نضيف ملون الطعام نقطه نقطه الى ان نصل للون المطلوب ونتركها جانبا
طريقه كريمه الباتسيير
مقاديرها ثابته انما طريقتها تختلف كلا حسب طريقته وهذه هى اسهل طريقه له
والمقادير هى
كوب وربع لبن
بيضه كامله
صفار بيضتان
ربع كوب سكر بودره
ملعقه كبيره دقيق
ملعقه كبيره نشا
فانيليا
انا وضعت كل المقادير معا فى الخلاط وبعدها وضعتها عالنار مع التقليب المستمر المستمر المستمر مثل المهلبيه الى ان يتكاثف الخليط بعد عشر دقائق تقريبا وننزله من عالنار ونتركه يبرد ونضيف عليه ملعقتان من روح الفراوله وهذا شكله

التورتات nk3h8001200759.jpg

نتركه جانبا هو والجناش
ونأتى للتزيين انا استخدمت شيكولاته بيضا وسيحتها فى حمام مائى وقسمتها نصفين نصف تركته ابيض وفردته وعملت نفس الطريقه فى التورته السابقه وقطعته بقطاعه هكذا

التورتات nk3MES01170037.jpg




والنصف الاخر لونته بلون احمر بنفس درجه الجناش ايضا

التورتات mjTg7Z01170037.jpg

وفردته ايضا وقطعته بنفس الشكل السابق
الجزء الاحمر نقط عليه شيكولاته بيضا والابيض نقط عليه شيكولاته حمرا اسفه الصوره اتمسحت
نأتى للكيكه
قسمتها نصفين ووضعت الكريم باتسيير

التورتات x8I55s01170038.jpg




وقطع من الفراوله هكذا

التورتات jLQIAj01170038.jpg

وقفلت الكيكه وغلفتها وراعيت ان يكون سطحها املس ومتساو ووضعتها على شبك سلك لانى حصب عليها الجناش ونضع تحتها صينيه او طبق بلاستيكى

التورتات daTguR01170039.jpg


واحضرت ورق بلاستيك ووضعته على منتصف الكيكه هكذا حتى يكون الجناش على نصف منها فقط هكذا

التورتات eGU8vm01170039.jpg

ونبدأ بصب الجناش

التورتات wk3h9101170039.jpg

ونتركه على السلك يصفى وندخله التلاجه يتماسك وهنا بعد ان تماسك

التورتات rKYl4W01170040.jpg

ونبدا بالتزيين بالوردات اللى عملناها هكذا

التورتات PhnJ6Y01170040.jpg

وهذا شكلها النهائى بعد التزيين


التورتات 8WF2Th01170040.jpg



التورتات pR5Ob201170041.jpg


تورته بالفواكهه وكريمه البارفان

كريمه البارفان كريمه رائعه جدا ونا بحب استخدمها كحشوه وهى سهله جدا جدا جدا وشبيهه بالموس الفرق بينهم انها بتكون بالجيلاتين انما الموس حتشوفوه فى التورته القادمه
مقادير كريمه البارفان
كوب ونصف كريم باتسيير محضر (طبعا عرفنا طريقته سابقا)
ظرفان دريم ويب او ثلث كوب
ملعقتان جيلاتين بدون نكهه مذوبان فى ربع كوب ماء ساخن ونتركه يدفأ
ثلاث ملاعق لبن مثلج
فانيليا
ملعقه روح اللوز ويمكن استبداله بروح الفواكهه اى طعم تفضليه
الطريقه نخفق الدريم ويب مع اللبن خفق بسيط ونضيف كوب الكريم باتيسير المعد سابقا ونخفق الى ان يتماسك الخليط ويصبح بقوام الكريمه
نضيف الفانيليا وروح اللوز والجيلاتين ونخفق مره اخرى ونتركه فى الثلاجه ربع ساعه قبل الاستخدام
انا استخدمت كيكه مربعه
قسمتها نصفان ووضعت كريمه البارفان ومعها فواكهه


التورتات WoCZRA01182319.jpg

ووضعت النصف الاخر من الكيكه واغلقتها وغلفتها بالكريمه


التورتات 7Q40jG01182320.jpg

ونبدأ فى التزيين هكذا

التورتات fcViF101182320.jpg


التورتات oCQ4rj01182320.jpg

وده شكلها النهائى اتمنى يعجبكن التزيين والحشو


التورتات r1LYlI01182318.jpg

ناتى الان لعمل تورته


بحشوه موس الاناناس


تورته جميله وبسيطه وتنفع للبنوتات الصغيرين زى بنوتى نور كده
طريقه تحضير الموس
كوب ونصف كريم باتسيير محضر مسبقا
كوب ونصف كريمه مخفوقه محضره مسبقا
ربع كوب جيلى اناناس باودر
قطع صغيره من الاناناس
ملعقه مربى اناناس (يمكن الاستغناء عنها باضافه روح الاناناس)
ملعقتان ماء ساخن
الطريقه
نذوب جيلى الأناناس فى ملعقتان الماء ونتركه يدفأ
نضع الكريم باتسيير مع الكريمه المخفوقه مسبقا ومعهم قطع الاناناس الصغيره والمربى
نضيف عليهم الجيلى المذوب


التورتات 7dWF2k01200759.jpg


ونقلب ونتركهم فى الثلاجه حوالى نصف ساعه قبل الاستخدام
انا كنت مجهزه قبلها بيوم كيكه ووضعتها فى قالب على هذا الشكل لانى كنت عوزاها مدوره


التورتات QWaTf701200800.jpg


بعد ماتبرد الكيكه تماما نقطعها شرائح هكذا


التورتات nBQ3VN01200800.jpg


ونحضر قالب انا استخدمت قالب العجانه غلفته ببلاستيك لاصق كما فعلت فى تورته الايس كريم سابقا
ونضع شريحه من الكيك


التورتات 1yL80R01200801.jpg


وجزء من الموس وهكذا شريحه كيك وموس بالتناوب الى ان تكون اخر طبقه عباره عن كيك ونغلق عليها بالبلاستيك هكذا


التورتات M16tH401200801.jpg


وندخلها الثلاجه من اربع الى 6 ساعات او ممكن تتركيها ليله كامله حتى تتماسك تماما


نقلبها على طبق وبه ورق شفاف وننزع عنها البلاستيك


التورتات Kch8vS01200802.jpg



نأتى بعروسه صغيره ونخلع ملابسها وارجلها الاثنان ونرفع شعرها ونغرسها فى قلب الكيكه هكذا



التورتات SfQ4Wi01200803.jpg



ونحضر كريم شانتيه انا قسمته نصفين نصف تركته ابيض والاخر لونته لون وردى ونبدا بالتزيين


التورتات y8RAsP01200804.jpg



التورتات p0eAsP01200804.jpg


وهنا نزلت ايدها وفكيت شعرها


التورتات DJjaoZ01200811.jpg



واضفت فراوله مقطعه نصفان


التورتات qwKtkH01200811.jpg


التورتات mN1TLD01200813.jpg
قطع الجاتوه

انا عملت كيكتان مربعتان وقطعت كل واحده نصفين فأصبح عندى اربعه اقسام

التورتات ywK6YQ01160307.jpg

نأخذ اول جزء ونضع عليه الكريمه انا استخدمت دريم ويب

التورتات LlrNF201160308.jpg


ووزعت الكريمه هكذا

التورتات 7Hh9Se01160308.jpg


ووضعت تانى شريحه من الكيك وفوقها كريمه هكذا الى ان انتهيت من وضع الاربع طبقات


التورتات rTCld501160308.jpg

وبعدها سويت السطح جيدا جدا جدا

التورتات wY3qhE01160309.jpg

وبعده قمت بتقطيع الاطراف من كل اتجاه بحوالى اتنين سم حتى تكون الاطراف متساويه هكذا

التورتات a7lzWN01160303.jpg

ثم نقوم بتقطيع الكيك بسكين ويكون بجانبنا طبق به ماء ساخن نقطع ونضع السكين فيه ونكمل تقطيع مره اخر وذلك حتى لا تلتصق الكريمه فى السكين

التورتات ZWwTLQ01160303.jpg

نقوم بتزيين كل قطعه على حسب الذوق الشخصى انا وضعت شيكولاته مبشوره وقطع اناناس وده اختيارى طبعا


التورتات hJXOyU01160304.jpg
منقووووووووول انا في انتظار ردودكم
[/align]
LoveALLAH
[align=center]
شي خيالي ولا يصدق...الله يعطيكي الف الف الف عافية يا احلى وردة...تسلمي...
انا بموت بعمل الحلو والتورتات...جبتيلي موضوع روعة
تسلمي حبيبتي[/align]
سالي بغداد
بارك الله بيج حبيبتي ع المجهود بس موضوعج مكرر وهذا الرابط
http://www.rjeem.com/forum/t40346.html
سعاد الراشد
ماشااااااااااااااااااااااااااااااء الله تبارك الله


تسلمي ياغالية و بارك الله فيك
مرونة
يعطيك ألف عااافيه
نقل مميز
,,,SAMAR,,,
شكله روعه يسلموووووووووووووووووووووووووووووووووووووا
الصفحات 1 2  3 

التالي

حلا روعه

السابق

حورية المطبخ(خبز الروشيه بالجبن والبقدونس)

كلمات ذات علاقة
ملف , لعمل , التسخين , التورتات , الحسنات , بمختلف , بالصور , تعليمي , وطرق