تحدي جديد لنظام عمرك ماراح تلقي مثله وبتدعيلي لانه مجرب مني انا شخصيا واللي تبي تشترك حياها - اراده قويه ان شاءالله

مجتمع رجيم / أرشيف رجيم

كتبت : مضآآوي

[align=center]كيف حالكم يابنات رجيم ان شاءالله بخير

بما انك دخلتي موضوعي فتأكدي انك طحتي على كنز <<< خخخخخ

شوفو حبيباتي قبل ما اطرح عليكم طريقة الدايت راح اعلن عن وزني اللي خسرته خلال هذا الاسبوع

من رجيم التمر واللبن اللي وقفته ... وكانت النتيجه 3 كيلولاني كنت متكاسله هذا الاسبوع شوي بس نتيجه حلوه يابنات ولا مووو.... يعني مجموع الوزن اللي

خسرته مدة الاسبوعين هوا 7 كيلو حماااااااااااس والحمدلله الاوضاع تمام [/align]

[align=center]يعني الكلام اللي بنقال عن دايت التمر واللبن انه ينزل 7 الى 8 كيلو في اسبوعين مقوله تأكدت من صحتها <<< تحب تجرب كل شي .. بس خفت اكمل

المهم ندخل على موضووعنا الاسااسي [/align]

[align=center]هذا يابناات انا ما اعتبره رجيم .. و على فكره ماحب هذي الكلمه لانها تذكرني في الشيطان الرجيــــــم

وافضل كلمة نظام اول دايت << خشي في الموضوع وعن الهذره الزايده

هذا النظام يعتبر تنظييف لجسمك من الاوساخ والاكل اللي مضر في جسمك وراح تلاحظي هذا الشي

لان النظام كامل يعتمد على شوربه وهذي الشوربه احيانا تسببلك اسهال (وانتوا بكرامه)

بس انا في البدايه ماكانت تسببلي شي بعدين بدات تجبلي ازمات ... بس طبعا مو معناته انك تتركين

الدايت وتقولي سببلي اسهال ترى بجييك واشدك من شعرك ... لانه لو سببلك هذا الشي

معناته انه بينظف جسمك فالمفروض تفرحين

واييييييييش كماااااان ..... ايوا وفي اشياء كثير متاحه لك انك تاكليهاا وقت الجوع ... و صدقيني ما تحسين بجوووع ابد لانه متكااامل العناصر وهذا هو السر

خلالاص هذي مقدمه عن الدايت وطبعا مثل ما قلتلكم هذا مو دايت جبته وسمعت فيه وحطيته لالا حبيبااااااااتي هذا انا مجربته شخصيا وخسرت عليه 15 كيلوو وعقبال يارب ال20 الثانيه يااارب ..قولوا امييين ليا وليكم وراح ابدا فيه ثااني ان شاءالله

وحبيت ليكم الخير صراحه وقلت لازم تستفيدون معاي لاني استفدت منكم الاشياء الكثير

فأعتبروا هذي هديتي البسيطه والمضمونه 100% بإذن الله

ادري كلامي كثيير استحملوني بس انا احب الشرح خخخخخ ولازم اوظح كل شي [/align]

نبدأ فيه بسم الله

اول شي

في الصباح وقبل الفطوور لازم لازم لازم تشربين عالريق بقدونس ... طعمه مش ولا بد بس راح تتعودين عليه كثير مره وتتقبليه

طريقته تاخذي طبعا ماء بمقدار كاستك اللي تبيها وربع حزمة بقدونس تحطيها عالنار مع المويه

واول ما يبدأ يفور اتركيه 10 ثواني وطفي النار وصفيه واتركيه يبرد وبعدين بالعافيه عليكي

نبدأ

الفطور

1 حبة توست بر ( فقط اول اسبوعين وبعدين الكميه مفتوحه لكي ونصيحتي لا تزيدي اكثر من 3) + جبن مربعات اللي يجيك باكياس نايلون وشكلو مربع اعتقد عرفتوه طبعا حاولو تاخدو النوع اللي فيه كاربوهيدرات قليل وانتبهوا من قليل الدسم ... او بيض (حسب الرغبه ) بيض مطجن (مقلي) بزييت زيتوووووون اكرر زييييييييييييت زيتوووووون وقليل طبعا مو تغرقين الدنيا
+ عصير اناناس او برتقال + الشوربه الاساسيه

ومسموح بالمخلللات الفلفل + الخيار فقط

فترة مابعد الفطور الى الظهر

طبعا مو اجباري فقط اذا حسيتي بجوع هذي الاشياء المتاحه لك

شرب عصير اناناس او برتقال *ويفضل الاناناس* وتقدرين تشربي حليب اي نوع حليب تحبيه انا احب نادك وخذيه كامل الدسم واشربيه وقت ما تحبي بس مو عالغدى او العشا
اكل فواكه : برتقال - تفاح - فراوله - اناناس ( الثمره مو المعلب انتبهوا ) - حبحب

الغداء

الشوربه الاساسيه + سلطه ( خيار + خس+ زيتون + ليمون + ملح او قليل من زيت الزيتون حسب الرغبه ) + عصير اناناس او برتقال

*اضــــــــافات*
همبرجر لحم بقري ..بقري هااا ابتعدوا عن الغنم او ستيك لحم مشوي او سمك عادي مشووووي او سمك فيليه او دجاج مسلوق (الفخد والورك.. الصدر لاااااااااااااااا بتستغربوا ادري بس هنا في سر ) اختاري اي واحد منهم وااحد بس من الخيارات وكليه عالغدى مع الشوربه والسلطه والعصير

وطبعا بعد الغدى انصحكم تشربوا لبن اكتيفيا لانه يساعد عالهضم وتحسي انك خفيفه

[align=center]فترة العصريه من 4 ل 6 [/align]

اشربي شاي احمر من غير سكر طبعا + شابوره بررررر

والشابوره كليها يوم ايوا ويوم لا فهمتوا

العـــشــــــــــاء

الشوربه + سلطه (ذكرت مقاديرها ) والكميه مفتوحه
اشربي عصير اناناس او برتقال + اكل فواكه .. اللي ذكرتها فقط طبعا

[align=center]وصلى الله على سيدنا محمد [/align]

الحين اقلكم مقادير الشوربه

اول شي تعبي القدر مويه

بصله كبيره + 5 فصوص ثوم + 1 ماجي + ملعقة اكل خل ابيض + ملح حسب الرغبه

حطي كل المقاديرالمذكوره في المويه عالنار وعبال ما يفور

روحي جيبي فخد مع الورك نظفيه من الشحم كوويييس وبعدين ادعكيه بالملح مزبوووووط وبعدين غسليه بالمويه العاديه ( البزبوز ) وقطعيه عن العظم يعني حنا نبي الدجاج من غير العظم
ولو الكميه لشخصين تحطي طبعا فخذتين مع الورك طبعا وهكذااا

بعدين لاخلصتني تقطيع الدجاج راح تكون المكونات فارت ... ضيفي الدجاج معاها

وقطعي كرفس عودين لو كانت الكميه لشخص واحد وكل مازاد عدد الاشخاص زيدي كرفس ( وكل ماكان كثير كل ماكانت نسبة ذوبان الشحوم كثيره) بس مو تكثريه مره عاد الين تصير شربة كرفس
وكمان كرات مقطع مقدرا كوب شاهي العادي

وضيفيها بعد ما يستوي الدجاج واتركيه على نار هادئه الين تشوفيه سار اووكييه

وعلى فكره طعمها جنااااااااااااااااااااان مو مثل الشوربات الكثيير للدايت

وبالهنا والشفاا

ملاحظه اخيره : العصيرات من غير سكر طبعا وبالنسبه لسمك الفيليه ولحم الهمبرجر هذي تسويها بزيت زيتون عالنار

والريااضه الريااضه الرياااضه لازم تخصصين لك عالاقل ساعه يوميا لنتائج افضل

والاراده والصبر يابنات عنصران مهمان في نظامنا الفتااك

وبس ان شاءالله ما اكون طولت عليكم <<<< لا بالله مصختيييييييها

ويلا يابنات هذا نظامي

والله سهل مررررررره وما يحتااج شغل كثيير بس كلام كثيييير والاكل فييه مقبوول جدااا جداا

[align=center]معلومه نسيت اذكرهااا : مسموح لك تشربين بيره اي نوع وقهوه عربي هذيلا الاشياء اللي تقدرين تاكلينهم مع النظام <<<< افتري فيهم خخخخ

وكــل شهر يوجد يوم مفتوح [/align]

ومين حابه تشترك معايا انا حبدا ان شاءالله من بكره السبت 28 -5 .. مدة انتهائه مفتوحه بكيفكم يعني بس انصحكم نتايج الوزن خذوها كل 3 اسابيع احسن اوك

اسمي: مضآآوي
وزني :82
طولي : 165
هدف اول : 70
هدف الاساسي بإذن اللله : 60

ملاحظه مهمه : اي شي غير كل المذكور اعلاه يعتبر مخالف للدايت وراح تخربي الدنيا فأرجوا الانتظام والصبر ياحبيباتي عشان تصيروا رشيقات وممشوقات فهمتو .. واعتقد كللوو مشروح بالتفصيل الممل

وانا حاضره عند اي استفسار

بإنتظاركم ياعسووولاتي