مذكرات أم مطحونة

مجتمع رجيم / القصص والروايات الادبية
كتبت : sound_of_silence
-
الرنا خليكي متابعه عشان في اسئلة ف الاخر

بنت الاسكندرية نورتي الصفحة .....على فكرة لما بشوف اسمك ف المنتدى بشم ريحة البحر

نكمل الحدوتة

كتبت : sound_of_silence
-

الدكتورة فضلت تقولى اتمشى اتمشى اتمشى ايه بس انا مش عارفه امشى و اللا اقعد والا اقف و الا اعمل ايه انا كان مالى انا بالجواز و الحمل و الخلفه و جتها نيلة اللى عوزه خلف

محمد جه بعد ما كلمتو بساعة
اول ما شافنى ..

ها ..
ها ايه

ماما عملتنلنا غدا ايه

نعممممممم

بهزر يا حبى انا ضربت كشرى وانا جاى

و خدنى انكاجيه و فضلنا نتمشى فى طرقة المستشفى وهو بيضحكنى عشان ينسينى المى

مكنتش عارفه اضحك من كلامه و الا اعيط من الوجع

بصراحة كان وقت لطيف

*******************
استمر الحال لغاية الساعة 10 بالليل

و كان كل اللى جاى عليا دعاء واحد بس اللهم يسر ولا تعسر ..

انا عايزة اصوت فعلا حاسه ان عضامى بتتخلع من مكانها لكن لقيت ان الدعاء افضل من الصويت

لغااية الساعة 10 و نص


واااااااااااء


مبرووك بنت

مى ..

قمر .. والله قمر .. انا مش تعبانه انا خلاص عاوزة اقوم من مكانى و اشيلها و اطير بيها
ايه السكر دا ايه الخود الحمرا دى و الشفايف النونو دى و شعرها الناعم الجميل دا
كلبوظه و زى العسل و هااااااااديه
بعيط اه بعيط من فرحتى

مش مصدقة مش متخيلة الحلاوة دى كلها بنتى انا

محمد دخل
قعد جمبى و قالى الحمدلله عالسلامة


جابوله مى .. فضل يبوسها كتيير و هو ماسكها بحنيه وخوووف كأنه خايف ايده تكون جامده عليها
لحظات متتوصفش خصوصا مع اول مولود
احساس غريب كأن الواحد روحه بتتغسل كأن بينضافله طاقة نور جديدة حسيت ان الدنيا فجر وشروق نوره طالع من الاوضه اللى فيها بنتى اللى فيها بقيت ام




يتبـــــــــــــــــــــــــــ ــــــــــــــــــــــــــع

كتبت : ياحبي لي
-
>


>> متابعه

شـكــ وبارك الله فيك ـــرا لك ... لك مني أجمل تحية .
كتبت : ××فراولة××
-
السلام عليكم ورحمة الله وبركاته

تسلمي ياااااااااااااااااااااااااااااا عسل علي اليوميات دية والله تجنن
وانتي اصلا طريقة كتابتك شرباااااااات
كتبت : sound_of_silence
-
يا حبي لي

فراولة

نورتوا الحدوتة يا جماعه
كتبت : sound_of_silence
-
روحت البيت فى نفس الليلة بالليل تقريبا الساعة 2 ..
مى طول ما كانت فى المستشفى كانت سااااااكته وو نايمه زى الملاك

اول ما دخلنا البيت
حطيتها جمبى فى السرير و محمد مع نفسه فى الصالون طبعا اومال البت تتبطط يعنى وقلت انااااااام بقى ارتاااح من بعد تسع شهووور لدرجة كان نفسى انام واشخر .. افترا بقىىى و كبت و قهررر
هما تلات دقااايق بس

وااااااء طبطبت عليها
واااااء "اعلى م الاولانيه" طبطبت طبطوبتين
واااء واااء واااااء وعااااااااااااا لا انا كدا اللى هعيط ..

مااا حااا مااا ااا ااا د

مش قادرة انادى .. مش قادرة اعلى صوتى لدرجة انى مش سامعانى يعنى بحرك شفايفى وبس ومحتاجة بلاى بااك بقى يشتغل من ورايا يقوم بمهمة اصدار الصوت
حاسه روحى بتتسحب و مجرد انى انادى دى عاوزة طاقة جبااارة مش عندى عايزة اقوووم اتسند على ضهر السرير .. مش قادرة ارفع ضهرى معنديش اى طاقة نهائى واحساس بالوهن الشديد
جه محمد على وأوأة مى طبعا
انا بالاشااارة . قومنى فقعل باله " مش كنا خلصنا من قومنى دى "

نااا ووو للل نن ىىىى م اااا ىىى

ادانى مى و ادركت بذكائى الخارق و عاطفة الامومة انها اكيييد بتعيط عشان جعانه و الدكتورة قالتلى لما تعيط يبقى يا جعانة يا بطنها وجعاها يا الخيار التالت اللى ريحته وحشه
يارب تكون جعانه بس

رضعتها ونعست اهى .. قمر قمر ياخواتى قمرررر امواه امواه امواه
نامت الحمد لله

محمد كل دا واقف على باب الاوضه " امشى يا ست هانم " "بطريقة عثمان بتاع افلام زمان "

انابالاشارة .. انا ج ع ا ن ه ا و ى

كنت حاسه بهفتااان فظيع بشع حاسه ان بطنى وقعت منى وان قفصى الصدرى لزق فوسطى و مفتقدة احساس البطن
فى حاجة ناقصه فعلا .. اضافة للجوووووووووووع

الحمدلله ماما كانت عملالى اكل

الحمد لله محمد عرف يغرفلى لوحده وابدى مهارة فائقة فى انه ميكسرش اى اطباق ولا كوبايات فى المطبخ " دخول الراجل المطبخ دا اسوأ شيىء ممكن يحصل فى حياة اى زوجة لان اضراره تعتبر اخطر من اضرار انفجار القنبلة الذرية "*(1)

لسه هاخد اول معلقة شوربة فبقى مى صحيت و طبعا وااااااء ابصلها فى استعطااف
واااااااء


افتكرت كلام الدكتورة تانى هو شكله الخيار التالت .. اشوف البامبرز كدا .. هو انا عارفه ماليش بخت فطبق الشوربه دا

يااا مم ااا ح ااا م اااا د

ناولنى البامبرز

و تقريبا فضلنا على كدا لغاية الصبح

لا فى الحقيقة لغاية كل الوقت اللى بعد كدا

اجى اكل مى تقلق مش عارفة استمتع باكل

اكل وانا برضع اكل وانا بسكت و بطبطب اكل وانا بفتكر يا ترى غيرتلها على صرتها كام مرة النهارده
هى البت بتحول هى بتكح

هى لحقت تعملها

اتقلب نظام حياتى ليلي نهارى فى خدمة مى و الاعباء الجديدة

كل شوية غسيل كل شوية مواعيد دوا و قطرة و تسكيت و طبطبى على ضهرها بعد ما ترضع احسن يجيلها مغص وتقرفك
ما هى قرفانى من غير مغص بردو

بس يا سلام .. يا سلاام عليها اما تشيلها كدا و هى نايمه و تتأمل كل سم فيها و تستمتع بالصمت و تحاول تخطف خمس دقايق نوووم " و تشخر "

نسيت احكى عن اول حمام لمى

اول اسبوع كنت بشطف بالسفنجه و بس لغاية ما السرة تقع

و بعدين

جبتلها طبق صغنن من اللى بيحمو فيه البيبي

وعملت ايه بقى

شيلتها على ايدى زى ما ماما قالتلى بالظبط

و مسحت جسمها بالصابون و شطفت بالميه و تمام التمام
و بعدييين

رغيت اديا برغوة الجونسون وغسلت وشها
و البت تصوووت و مش قادرة تاخد نفسها وعنيها احمررررت

يالهوووى يالهووووى

و فضلت اقولها انا اسفة انا اسفة و اشطف بسرعة و شها وانشف فيه و انا حاسه بتأنيب ضمير فظيع
و قعدت اعيط و ابوسها واقولها اسفة مكانش قصدى والله مكانش قصدى

وهى تاخد نفسها بمسكنة كدا تقطع القلب

كلمت ماما بستفتنى طبعا وقالتلى فى حد عااااقل " هى افترضت العقل انا مالى " يغسل وش عيلة عندها اسبوع بالشامبو

كان موقف فعلا وقعلى قلبى اوى بس خلينا نبص للجانب المشرق فى الموضوع وهو انى عرفت ان مش المفروض ان الولاد يتغسل وشهم بالصابون او بالشامبو وهما صغيرين

مى عندها عقدة من غسيل الوش بالصابون لحد دلوقتى على فكرة



يتبع
الصفحات 1  2  3  4 5  6  7  8  ... الأخيرة

التالي

لا تحكموا بالمظهر ؟؟؟؟؟؟؟؟؟؟؟؟؟؟؟

السابق

حادثة غريبة لفتاة في ثالث ثانوي

كلمات ذات علاقة
أم , مذكرات , مطحونة