ارجو الرد سريعا لهذا التعلق المرضى والعصبيه الزائده

بسم الله الرحمن الرحيم
السلام عليكم ورحمة الله وبركاته
انا مشكلتى مع خطيبى المشكله اننا بنحب بعض اوى وده عادى او المفروض او مستحب لكن المشكله تعلقه الزايد عن اللزوم بيا وده بيخلق المشاكل بيكره اى انسان ياخدنى منه حتى لو على سبيل الزياره منعنى من كل الناس عزلنى عن كل الناس وده طبعا بعد مشاكل كتير بينا رافض فكره انى اشتغل خوف عليا من اى حاجه حتى لما بيوصلنى بيقلق عليا لحد مروح اوضتى ويضايق لو مكلمتوش طمنته عليا مثلا ويزعقلى بيكره كل صحابى اللى بيكلمونى لانهم بياخدونى منه الوقت اللى بيكلمونى فيه لو رديت على التليفون بيضايق هوا ظروفه ان والدته اتوفت وهيا فى ا لحج وكان هوا فى تالته اعدادى وبعدها بفتره والده اتجوز بس هما كانوا اربع ولاد وبنت وكانت محتاجين رعايه وهوا لحد انهارده بالرغم ان بقى عنده 30 سنه الا انه لسه بيكره مرات ابوه بالرغم انها مش بتعمله اى حاجه بس هوا مش بيحبها لانه شايف انها غبيه ومش بتفهم وطبعا هوا مش بيقول لحد الكلام ده غير ليا علشان ميضايقش والده ووا بيحبه جدا جدا واوقات واحنا ماشيين فى الشارع الاقيه بيبص فى وشوش الناس ولما اساله يقولى حاسس ان امى مماتتش وبابا سابها هناك وانى حلاقيها بضايق من جوايا واللى زود الموضوع انى ممكن اكون اشبهلهل شويه يمكن علشان حنينه عليه ومهتمه بيه بس تعلقع بيا زايد اوى بتحصل بينا مشاكل كتير اوى لو حد زارنى وده طبعا حيشغلنى ساعه او اتنين مش حكلمه فيهم وعلى فكره هوا بيتصل وبيشغلنى اطول وقت ممكن علشان ميخدونيش منه ولما اثور واوصل لاخرى يبكى زى الاطفال ويقولى انا مش بحب حد ياخدك منى بكره اى حد ياخدك منى انتى ليا انا وبس ويبكى متبعديش عنى انا ببكى من دموعه ده تقريبا عزلنى ده غير بقى عصبيته الزايده عن اللزوم والى زادت اوى من فتره بقى عصبى زياده عن اللزوم وده تاعبه عضويا جدا ولاتفه الاسباب ومش بيقدر يسيطر على اعصابه خالص وهوا تعب وانا تعبت ومش بقدر ازعله بس فى نفس الوقت مش متخيله حياتنا حتبقى ازاى وانا فى عزله ومحرم عليا التعامل مع الناس وعصبيته اللى ملهاش وصف انا فعلا محتاجه حل وهوا كمان تعب منها وقالى ودينى للدكتور انا تعبت بس مش لاعارفه اوديه لدكتور ايه وفين ومين محتاجه حل ارجوكوا ساعدونى انا تعبت بجد
شـكــ وبارك الله فيك ـــرا لك ... لك مني أجمل تحية .

وعليكم السلام ورحمة الله وبركاته إن سبب تعلقه بك هو أنه يخاف أن يفقدك مثلمافقد أمه الذي كان يحبها كثيرا وهنا عليك مواجهته بحقيقة أن أمه ماتت رحمها الله وتذكريه دائما بأن يسلم بقضاء الله عزوجل وذلك لا يعني أن يستسلم للخمول وبالكاء والنواح لابل يجب عليه أن يقبل بقضاء الله وقدره (وهو قبول إيجابي قائم على مبدأ خيرية كل مايقدر الله لنا )وتذكريه بقول الرسول عليه الصلاة والسلام:عجبا لأمر المؤمن إن أمره كله له خير وليس ذلك لأحد إلا للمؤمن ،إن اصابته سراء شكر فكان خيرا له ، وإن أصابته ضراء صبر فكان خيرا له.وعليك أن تخففي من قلقه عليك وتخبريه بأنه لايوجد دليل على أن شيئا سيئا سيحدث لي لذلك عليه أن لايعيش على احتمالات مستبعدة وعليه ذكر الله عزوجل فهو مفتاح الطمأنينة وذكر الله يزيل القلق وعليك تذكيره بالثمن الفادح الذي يدفعه جسمه ثمنا للقلق هذا فها هو ذا اصبح عصبي ولتخفيف من القلق والتوتر والعصبية الزائدة عليه ان يقوم بالاسترخاء لان الهدوء الجسدي سيبعث الطمأنينة للبال .وبما انك تحبيه فعليك ان تساعديه ليتخلص من القلق الزائد عليك (عليك أن تقوم بذلك قبل الزواج هذا أفضل )فعليك أن تخلقي له جو اجتماعي يجب أن يكون له اصدقاء يحبهم ويذهب اليهم ويجب أن يكون له هوايات واهتمامات يمارسهافليقرأ الكتب وليقوم بالنشاطات الاجتماعية ليخف بذلك تعلقه بك وعليك أن تخبريه بأنك يجب ان تزوري أصدقائك وان يكون لك نشاطات واهتمامات أخرى وليزورك بساعات معينة فقط.

السلام عليكم ورحمة الله وبركاته
ميرسى اوى اوى انك رديتى عليا بس انا عملت كل ده هوا مستوعب انها ماتت بس هوا من جواه مفتقدها جدا وهوا عنده صحاب بس مش بيرضى يكلمهم ولو فى اى مناسبه مش بيرضى يروحها ويفضل انه يكون معايا انا والله حاولت وجبتله كتب واديته كتب من عندى وبتحايل عليه علشان يروح جيم ويلعب شويه رياضه بس هوا مصر انه يفضل ملازمنى وبيزعل اوى اوى لو حسسته انى زهقت وبيقعد فتره نفسيته تعبانه انا حاليا اقنعته ان بعد الشغل يروح يتغدى ويرتاح شويه وننزل نمشى ساعه بعد الضهر والى حدما اقتنع شويه بس العصبيه الزايده دى تعبته وتعبتنى ونسيت اقول لحضرتك انه مش بينام خالص ممكن لو حد مشى جنبه يصحى ده لو نام ده على كده بقاله زمن ولما اشتكيت للدكتور اداله منوم البراكس بس انا خليته ميخدوش غير يوم ويوم او لما يحس انه محتاج ينام علشان ميتعودش عليه ولو ماخدهوش مش بينام بس هوا اخده كام مره وخلاص ملحقش يتعود عليه بحاول اقنعه انى اشتغل على اساس انى اخف ده شويه بس هوا من جواه رافض مش قابل بس بيقبل ده غصب عنه لنه عارف انه ضاغطنى وانى تعبت من الخوف الزايد

class="quote">اقتباس : المشاركة التي أضيفت بواسطة rodialex:
السلام عليكم ورحمة الله وبركاته
ميرسى اوى اوى انك رديتى عليا بس انا عملت كل ده هوا مستوعب انها ماتت بس هوا من جواه مفتقدها جدا وهوا عنده صحاب بس مش بيرضى يكلمهم ولو فى اى مناسبه مش بيرضى يروحها ويفضل انه يكون معايا انا والله حاولت وجبتله كتب واديته كتب من عندى وبتحايل عليه علشان يروح جيم ويلعب شويه رياضه بس هوا مصر انه يفضل ملازمنى وبيزعل اوى اوى لو حسسته انى زهقت وبيقعد فتره نفسيته تعبانه انا حاليا اقنعته ان بعد الشغل يروح يتغدى ويرتاح شويه وننزل نمشى ساعه بعد الضهر والى حدما اقتنع شويه بس العصبيه الزايده دى تعبته وتعبتنى ونسيت اقول لحضرتك انه مش بينام خالص ممكن لو حد مشى جنبه يصحى ده لو نام ده على كده بقاله زمن ولما اشتكيت للدكتور اداله منوم البراكس بس انا خليته ميخدوش غير يوم ويوم او لما يحس انه محتاج ينام علشان ميتعودش عليه ولو ماخدهوش مش بينام بس هوا اخده كام مره وخلاص ملحقش يتعود عليه بحاول اقنعه انى اشتغل على اساس انى اخف ده شويه بس هوا من جواه رافض مش قابل بس بيقبل ده غصب عنه لنه عارف انه ضاغطنى وانى تعبت من الخوف الزايد