شهر العسل
مجتمع رجيم / العروسة
كتبت :
سوليتير
-
نصيحة لكل وحده راح تتجوز واتمنى ان لاتعتبروا كلامي هادا تحريض لكم بالعكس و الله العظيم في مصلحتكم أجلسي شهر كامل لاتدخلي المطبخ يعني لاطبيخ ولانفيخ شهر عسل بمعنى الكلمه ولاتستعجلي لأنوا قدامك غير طبعا الطبيخ والغسيل حمل وولادة واطفال وتربيه وشويه كبروا وراحوا مدارس وهادا تعبان وهادا فيه وهادا يخطيه يعني عيشي كل لحظه حلوة من عمرك في شهر العسل لأنوا والله والله العظيم انا مجربة يمكن عن جهل مني وكنت فرحانه انوا سار عندي بيت وجوز
أسبوع عسل بس و من تاني اسبوع من جوازي دخلت المطبخ وللأمانه جوزي ماطلب مني وطبخت وغسلت صحون وشويه شويه شبكت غساله الملابس وشويه شويه نظفت حمامات وانتوا بكرامه وبعد 14 يوم حملت الصلاه عاالنبي وتعرفوا عاد الحمل والوحام وشويه شويه ولاده المهم يمكن دخلت انا في الموضوع واتعمقت فيه ويوم زكرى جوازي الأولى كان طفلي عمرو شهرين ونص وفوق هادا كلوا ازيدكم من الشعر بيت لاسافرت شهر عسل وجوزي مارضي نجلس في الفرفه اللي أعطانا هيا الفندق ولاهم يخزنون
بحكم شغل جوزي في الطيران هيا عشرة ايام جلسها معايا في البيت وبعدها بدأ الرحلات ودحين تقريبا ماشيه في رابع سنه جواز وعمر ولدي الحمد لله تلاته سنين وعلى القعده يدخل اربعه وقلت لجوزي بمشيئه الله ماراح اجيب نونو تاني غير لمن استمتع شويه بحياتي
وماراح تصدقوني ويمكن تضحكوا عليا لو اقولكم اني في العيد رايحه شهر عسل اخيرا جاكرتا صح ماراح يكون بنكهة شهر عسل أول ماتتجوز الوحده بس الحمد لله ويمكن احيانا اتمنى الساعه ترجع تلاتة سنين ورا عشان اعيش شهر عسل كامل واستمتع بكل لحظه فيه بس من المستحيلات يرجع الزمن
عشان كده كل وحده تقرأ رسالتي لاتفهم كلامي غلط ولا تروح تقول انا خرابةبس والله العظيم والله العظيم الأيام واللحظات الحلوة من اعمارنا ماترجع ابدا أستمتعي بكل لحظه وكل دقيقه وكل ثانيه
وعلى فكره والله الجواز حلو لاتشيلوا هم باللذات لو جوزك متفهم الحمد لله زي جوزي ولله الحمدبس مسؤوليات الوحده فينا لمن تتجوز تكتر وتكبروطبعا مو زي ماكانت الوحده في بيت اهلها بس اكيد جوزك راح يعاونك فيها
ونسيت بعد الكلام الكتير هادا كلو اقول أنوا مو لازم تسافري عشان يكون شهر عسل ممكن تعيشي العسل في بيتك ياعسل بس شرط شهر شهر شهر ولاترضي بأقل منو
وأسفه والله على كلامي الكتير وانا متأكده اللي بتقرأ كلامي دحين راح تقول هادي هرجها كتير وفوق هادا كلو ا لهجتنا الجداويه اللي اتمنى تفهموها بس مااعرف اكتب العربيه الفصحى
انتهى كلامي عجبكم أنشاء الله
أسبوع عسل بس و من تاني اسبوع من جوازي دخلت المطبخ وللأمانه جوزي ماطلب مني وطبخت وغسلت صحون وشويه شويه شبكت غساله الملابس وشويه شويه نظفت حمامات وانتوا بكرامه وبعد 14 يوم حملت الصلاه عاالنبي وتعرفوا عاد الحمل والوحام وشويه شويه ولاده المهم يمكن دخلت انا في الموضوع واتعمقت فيه ويوم زكرى جوازي الأولى كان طفلي عمرو شهرين ونص وفوق هادا كلوا ازيدكم من الشعر بيت لاسافرت شهر عسل وجوزي مارضي نجلس في الفرفه اللي أعطانا هيا الفندق ولاهم يخزنون
بحكم شغل جوزي في الطيران هيا عشرة ايام جلسها معايا في البيت وبعدها بدأ الرحلات ودحين تقريبا ماشيه في رابع سنه جواز وعمر ولدي الحمد لله تلاته سنين وعلى القعده يدخل اربعه وقلت لجوزي بمشيئه الله ماراح اجيب نونو تاني غير لمن استمتع شويه بحياتي
وماراح تصدقوني ويمكن تضحكوا عليا لو اقولكم اني في العيد رايحه شهر عسل اخيرا جاكرتا صح ماراح يكون بنكهة شهر عسل أول ماتتجوز الوحده بس الحمد لله ويمكن احيانا اتمنى الساعه ترجع تلاتة سنين ورا عشان اعيش شهر عسل كامل واستمتع بكل لحظه فيه بس من المستحيلات يرجع الزمن
عشان كده كل وحده تقرأ رسالتي لاتفهم كلامي غلط ولا تروح تقول انا خرابةبس والله العظيم والله العظيم الأيام واللحظات الحلوة من اعمارنا ماترجع ابدا أستمتعي بكل لحظه وكل دقيقه وكل ثانيه
وعلى فكره والله الجواز حلو لاتشيلوا هم باللذات لو جوزك متفهم الحمد لله زي جوزي ولله الحمدبس مسؤوليات الوحده فينا لمن تتجوز تكتر وتكبروطبعا مو زي ماكانت الوحده في بيت اهلها بس اكيد جوزك راح يعاونك فيها
ونسيت بعد الكلام الكتير هادا كلو اقول أنوا مو لازم تسافري عشان يكون شهر عسل ممكن تعيشي العسل في بيتك ياعسل بس شرط شهر شهر شهر ولاترضي بأقل منو
وأسفه والله على كلامي الكتير وانا متأكده اللي بتقرأ كلامي دحين راح تقول هادي هرجها كتير وفوق هادا كلو ا لهجتنا الجداويه اللي اتمنى تفهموها بس مااعرف اكتب العربيه الفصحى
انتهى كلامي عجبكم أنشاء الله
كتبت :
إيمان القلب
-
تسلمين عالنصائح
كتبت :
tiibaalex2007
-
شكرااااااااااااااااااااااااااااا جزيلااااااااااااااااااااااااااااا
كتبت :
reka
-
ياريت مش اول شهر بس يلريت العمر كله
