كذب في كذب !!

مجتمع رجيم / الحياة الأسرية

كتبت : أم ياسمين

صباح الخير

كيفكم ؟ اسفه كتير لاني ما قدرت ارد عليكم !
حالي اليومين هدول احسن الحمد لله سمعت كلامكم و عملت باللي قاللي اياه ابوه (أبوه نصحني بكم نصيحة و حكالي اصبري و انا رح احكي معاه و حكى معاه فعلاً و حكاله انه هو اللي غلطان و لازم يدير باله على بيته! و اشياء تانية كتير) صار هللأ الحمدلله ما يطلع من البيت بس جاب نت على البيت و صار يعمل شات مع صحابه و يفضل جالس معانا في البيت و ما يتأخر اذا طلع !

و تعامله معي صار احسن مع انه نرفز اليوم على فلوس انا صرفتها (بس هي من راتبي !!!) ما علينا.
انا طبعاً ما رديت و عملت حالي اني غلطانه ! و خلصت المشكلة بس انا رح افاتحه بالموضوع انه هاد راتبي بس زي ما بقرأ انه مش هللأ او اليوم كمان يوم يومين بس ينسى الموضوع شوي علشان ما يحكي اني برد او مو عاجبني كلامه!

و الحمدلله الوضع صار أحسن و ان شاء الله يستمر على هيك ! بالنسبة للبنت ما بعرف اذا بطل يحكي معاها! بس تلفونه بطل يرن زي الأول.!! و الله اعلم !!

تعرفوا انها طلعت اخت صاحبه اللي بيشتغل معاه في شغله !

كتبت : قطرة

الغاليه أم ياسمين

شوفى كيف الكل يحبك كيف عدد المشاهدة والردود نيالك

صرتى مشهورة اكتر من مسلسل سنوات الضياع

ياعمرى انتبهى التلفون اقل خطر من النت

لانوا ممكن يعمل معها شات وبالكاميرى كمان

لهيك بنصحك اذا زوجك ماكتير خبير بالنت تحطى برنامج تجسس عليه

مشان ترصدى تصرفاته

حبيبتى الحمد الله انو شوى تحسنت امورك انا كتير افرحت لهل اخبار والله تمم عليكى بالخير
وهدى سرك
مع حبى واحترامى

كتبت : أم ياسمين

قطره حبيبتي شكراً كتير على ردك . زوجي شاطر بالنت و الكمبيوتر ! احنا ما في عندنا كاميرا و هو احيانا بيفرجيني الشات اللي بيعمله !! و الله أعلم !! بطلت قادره افكر فخلص تركتها هيك انا بعمل كل اللي علي من ناحيته و من ناحية البيت ز خلص و تركت امري لالله هو ان شاء الله ما رح يتركني !

صراحة انا صار عندي مشكلة غير زوجي ! هللأ صارت بنتي !! :( عمرها 3 سنوات و شهر و مش عارفه اتعامل معها غير اني بضربها لما ما تسمع كلمتي و ما ترد علي فصارت تضرب الاطفال اللي معها في الحضانة و المعلمة صارت مضايقة منها شوي !! بنتي بدها الواحد يتعامل معها بطريقة الكلام و التفاهم و الإقناع ومش باليد و لا الضرب و الصياح و انا مش عارفه غير اني اضربها واو اصيح عليها لاني كتير كتير تعبانة اليومين هدول و بالي صار قصير كتير مش عم بقدر استحمل اي رد منها او اي غلط او اي عدم احترام من ناحيتها ! بعرف انها صغيرة و كل لما احكي اني رح احول معها ما اضربها بيمر اسبوع و برجع لنفس الشي !

كتبت : قطرة

السلام عليكم ورحمة الله وبركاته

ام ياسمين الغاليه يالله يكون بعونك ويفرج همك بجاة هل الايام الفضيله

اسمعى عزيزتى اهتمى بروحك والله العظيم العصبيه والهم تجيب المرض لاسامح الله

وماحدى يفيدك روقى يالغاليه مافى حدى احسن منك اهتمى بنفسك وبنتك وعيشى عندك بنت متل القمر

خذيها بحضنك وعطيها كل حنانك وحبك

انا بس اطلب منك اهتمى بروحك قومى بكل شيئ يسعدك لان طول مانتى متماسكه طول مالامور تحت السبطرة ولها حل

وعندك رب اسمه الكريم مايترك عبادة
مع حبى وتقديرى

كتبت : خديجـة

[align=center][align=right]اول شي الله يعينس ويهدي زوجك..

ثاني شي

صح انا مب متزوجة بس افكاري كبيرة ..

اختي مطلقة بسبة بنت ثانية اعجب بها زوجها مع انه عندها 3 اطفال اصغر واحد تو يتعلم المشي و البنت عمرها 4 ونص و الولد بدا المدرسة ..

تقول لزوجها ليه تكلم هالبنت يا حمارة وتسب عشان اختي مسكينة كانت على عظام ما باقي ولا شحم ولا شي كانت 40 كيلو و هي عمرها 29

والله يوم سمعت طلاقها رحت غرفتي ابكي واسب بزوجها الديك

وبعدين بعد اسبوع من وفاة جدتي توفيت جدتي بعد اسبوع من طلاق اختي الله يرحمها كانت غالية علينا وعمرها فوق المية ما شاء الله ..

كانت خير ام واخت و صديقة وجدة ..

المهم يوم طلقها جلست عند عمي بعدين جات هنا تركيا عندنا يعني ابوي وامي هنا واخوويآ بعد

وذحين راحت عند خواتي حبيبآت قلبي بمصرعشان تدرس و تخلص الجامعة و تتعلم كورس انجليزي و كمبيوتر

وهي نجحت قالت لنا هالخبر قبل اسبوع هي ذحين بأول ثآنوي الله يوفقها

طالبة و لا افضل ..

يعني ما شاء الله يوم جات هنا كانت تدرس ساعة او ساعتين عالاقل مع ابويآآ مع كبرها

ابوي يعلمها النحو الواضح وفقه السنة وما شاء الله تعرف في الدين كل شي ولله الحمد ..

وذحين هي مسجلة بين فرقة طالبات بمصر

ويعطونها بالشهر 200 دولار و لسه في ناس كنا نعرفهم الدكتور هاني يساعدها و واحد اسمه تامر وكثير

ووضعها الحمد لله كويس جدا

وبنتها امس اتصلت عليها تخاصمها تقول يامه متى بترجعين ووين انتي الخ ..

جالسة احكي سالفتها وناسيتك

اول شي ابد ابد لآ تسألي عن ذيك البنت ,,

ولا تقولي من وين جاي ولوين طالع ترآآه بينخنق منس

و كمان حاولي تسعديه و كانك تصدقينه و لا تزعجيه

وتزيني قدامه وسوي اكلات حلوة

ولا تحكي السالفة لامس وابوك الا لمن تطول و توصل الا ما لا نهاية

و روحي لاخصائي مشكلات زواج واحكي له الحكاية

وهو بيرشدك

و ادعي ربك ليل نهار

واقري قرآن وادعي لزوجك بالهدآية

وقولي لامتس تدعي لك بالذرية الصالحة بدون ما تبينين ان زوجك يكلم بنت

اهم شي تخلين زوجك عراحته بس لحد الزوج و الزوجة مب يطلع برآ كثيييير ليل نهار ولا يسأل عنتس ولا شي

بس لا تسأليه كل شي وين رايح وين طالع وين كنت

خليه مرتاح

ولا راح ينخنق منتس و يروح للبنت الثانية الله لا يقولها

واسفة عالاطالة

وان شاء الله البقية يفيدونك ..[/align][/align]

كتبت : أم ياسمين

قطرة و خديجة شكرا كتير على مروركم و ردودكم المفيده .. اسفة كتسر على التأخير بس انا كنت مسافرة في مصر و رجعت امبارح و اليوم جيت الشغل ..

خديجة اسفة كتير على اختك !!

قطرة كلامك مزبوط انا لازم ادير بالي على حالي و على ياسمين و ان شاء الله رح اعمل اكثر ما عندي علشان ابسطها و احاول افهمها و اصير ام كويسة تحبني و احبها ..

خديجة، صح لما انا افضل اسأله وين رايح ووين جاي وهو بيزهق و بيضايق فانا عم بحاول اخليه لحاله و ما أسأله عن ماشويره .. الله المستعان ان شاء الله..

وعلى فكرة لما انا شافرت على مصر ما حكيت معاه و لا بعتله مشجات فهو اللي بعتلي و صار يبعتلي مسجات حلوة كتير !! و السفرة الحمد لله اجت بمصلحتي مع زوجي ! وهو نفسه حكالي انه ان شاء الله حياتنا رح تتغير لما ارجع و ان شاء الله تستمر هاي التصرفات الكويسة و الكلمات الحنونة علشان ننجح بحياتنا و بنتنا تتربى ببيئة كويسة ما فيها مشاكل!

كذب في كذب !!

مجتمع رجيم / الحياة الأسرية

حيرة المرأه وغموض الرجل

عريس يلتهم فستان زوجته ...