سمك فيليه دايت بس لذيذ وصحى
مجتمع رجيم / الاطباق المتنوعة
فاطومه مصريه
اخواتى وحبيباتى فى منتدى رجيم
اليوم حضرت اكله جميله اوى وصحيه جدا جدا
عباره عن سمك فيليه فى الفرن
وهحطلكم المقادير وطريقه التحضير والشكل النهائى واتمنى تجربوها وتقولولى رايكم بكل صراحه
على فكرة هو حلو فى الديت جدا خصوصا انه مفيش فيه سعرات حراريه
اسيبكم مع الطريقه
اولا المقادير
سمكه فيليه
بصل
طماطم " بندورة"
بهارات سمك " تلقيها عند العطارين "
فلفل اسود وملح وكمون
ليمون وخل
فلفل رومى
الطريقه
تجيبى ورق فويل " ورق المونيوم"
وتقطعى البصل شرائح والطماطم شرائح وترصى البصل اولا ثم الطماطم بهذا الشكل ثم الفلفل <<< مكنش عندى فلفل بالبيت فمش حطيته
وبعدين تضعى السمكه " طبعا تكونى نقعتيها فى اللمون والخل وحطيتى البهارات والملح والفلفل الاسود والكمون " بهذا الشكل
تضعى شرائح طماطم وبعدها شرائح بصل كما فى الصورة
تحكمى غلق ورق الفويل كما بالشكل
وتضعيها على صينيه فرن وتضعيها بالفرن
وهذا شكلها بعد الاستواء
تفتحى ورق الفويل وتحطيها مرة تانيه فى الفرن عشان المايه تتبخر والسمكه تنشف شويه
ودة الشكل النهائى يا حلوات
وبالهنا والشفا
