ارجوكم عندي مشكلة كبيرة مع صحبتي الانتيم ساعدوني؟

اولا : هي اعز اصحابي انا اعرفها معرفة سطحية منذ التانوي لكن بعد دخولنا الكلية قربنا اوي واحببتها حب بجد كبير اوي ومازلت احبها طول عمري انا بطبعي حساسة وبتعلق بسرعة بالناس لو عاشرتهم وعيشنا مع بعض احلى سنة ونصف خروج وهزار وزيارات وتعارف

ثانيا : هي كانت مش محجبة وده عيب فيها وكانت رافضة فكرة الحجاب حاليا وعاوزة تتحجب لوحدها من غير ضغط من الاهل او مني مع اننا عندنا 19 سنة دلوقتي...ربنا يهديها

ثالثا : كانت تعيش مع امها واخوها بعد وفاة ابوها وهذا اثر فيها كتير وكان اخوها ربنا يهديه مدمن مخدرات وبيشرب سجاير ولما بطل المخدرات اصيب بالاكتئاب الحاد وصار يتعالج عند دكاترة نفسيين كتير وياخد ادوية كتير اوي ومهدئات ومرة حاول الانتحار وانا دايما كنت بقف جنبها في هذه المواقف واكون جنبها هي وامها اشوفهم محتاجين اي حاجة وكانت تجيله حالات انفصام ويكسر كل شيء بالشقة ويزعق وبعدين ينسى هو عمل ايه ويصير كالطفل البريء


رابعا : كل هذه الاشياء كانت تخليني اتمسك بيها لكن امي كانت ترفض صداقتي بها علشان انها مش محجبة ومش متدينة وانا متدينة ومحجبة واهلي ناس محافظين اوي وكمان حكاية اخوها دي كانت امي تخاف منها وكانت تخاف على ذهابي اليها بسببه ولكني مش كنت بسمع كلام امي وكنت صحبتها اوي اوي

خامسا : لحد محصل اللي حصل وكانت مفاجأة ليا ومن اكبر الصدمات فحياتي متستعجبوش من كلامي انا صغيرة اه لكن والله شفت كتير من اصدقائي ومن حبي فحياتي المهم كان يوم عيدميلادي وكنت فرحانة اوي وكل اصحابي حواليا ومبسوطة وجهم اصحابي البيت طوال اليوم نهزر وناكل ونحتفل لكن هي كلمتني وقالتلي هجيلك بالليل مع ماما وصحبتي لظروف طارئة طبعا رحبت بها جدا وانبسطت ان امها هتيجي عندنا وتشوف امي وراح يكونوا اصحاب وكذا


سادسا : قبل ميأتوا الينا كانت امي بتحط فلوس لاخويا فمكتبته وهي مكونة من كذا رفف وانا ليا رف به اكسسوارات وخواتم وعقود وتحتيه وضعت امي مبلغ 300 جنيه مصري لاخي حين يرجع ياخدهم وحنا متعودين على كده ولما جت صحبتي هي ومامتها والبنت التانية جاء مدرس اخي الصغير في هذا الوقت وطبعا جلس فالصالة يعطي لاخي الصغير الدرس
فامي اقترحت اني اخدهم فغرفتي لحين يمشي المدرس لاننا سوف نضحك وناكل ولا يصح الاستاذ يرانا او يسمعنا فوافقت وفعلا دخلوا الى غرفتي اللي بجوارها المكتبة اللي بها الفلوس
وجلسنا نتحدث وكنت سعيدة جدا بالهدايا وان ام صديقتي تتعرف بأمي وانا كنت سعيدة جدا
ولكن ولكن لاحظت اشياء غريبة على صديقتي كانت تضحك كتير بصوت عالي والله وعلى اي حاجة وكانت تتحرك كتير جدا جدا وتقوم وتقعد واول مجت البيت طلبت مني دخول الحمام ولما اوصلتها قالت لا خلاص مش عاوزة..!
وكانت بتتمشى في الغرف والطرقة كتير وامام المكتبة ودخلت المطبخ جت ورايا وتضحك بصوت عالي وتهزر معي وبعدين رحت اقدم لهم الجاتوه والبيبسي ماجتش وامي سالت عنها
فكانت تقف امام المكتبة تتفرج على الاكسسوارات بتاعتي والغوايش فشوفتها وقلت عادي اهي بتتفرج واقعدت فالغرفة وبعدين روحت ليها اجيبها لقيتها اتلغبطت كتير وقعدت تلعب فالسلاسل كده بعشوائية وسالتني على سلسلتين كنا اشتريناهم انا وهي مع بعض وقالت : (ايه ده جبتيهم امتى دول حلوين اوي؟!!!) فاستغربت وقولتلها انتي نسيتي ده احنا جايبنهم سوا


سادسا : طلبت مني دخول الحمام بعدها ودخلت المرة دي وبعدها الاستاذ مشي وخرجنا فالصالون وراحت تتجول كتير مع انها مش اول تجيلي ودي مش عادتها فهي دايما بتقعد فالكرسي ما بتقوم المهم مشيوا وانا فرحت بالهدايا واعدت افتح فيها وفي عز فرحتي،، لقيت امي تقول بصوت عالي مين اخد الفلوس اللي كانت في رف اخوكم الكبير؟؟؟؟؟؟
قمت قلتلها فلوس ايه قالت انا كنت حاطة 300 جنيه 200 صحيحة ورقة واحدة و100 ورقة تانية ولا يوجد غير ال200 فقط مين اخدهم كلنا حلفنا ان محدش مد ايده عليهم واننا لا نعلم عنهم شيء وفجأة قالتلي امي صحبتك مش كانت واقفة هنا؟ هي اخدنهم مفيش غيرها..........



سابعا : مش قادرة اوصف لكم انا كنت مذهولة ازاي مش قادرة ارد الكلام وقف في حلقي مش قادرة اتصور انا امي تقول كده عن اعز صديقة ليا ولكن قلبنا البيت كله بحثا عن المائة جنيه ولكننا لم نجد شيء سالنا اخي الكبير والصغير وابي لما جاء عنها ولكن لا احد يعلم شيء واخذت امي تنهار عليا بالكلام والغضب الشديد وانتي اللي مصاحباها وانتي مش بتسمعي الكلام وانتي وانتي وانتي .......
وانا اخيرا ادركت الموقف وصرت فحالة انهيار تاااااااام ومش عارفة ارد خالص وامي تقولي دي بتلف فالشقة كلها ووقفت كتير عند المكتبة امام الفلوس يبقى هيا اخدتهم
طلب ابي رقم تليفون والدتها ليكلمها ويعرفها ان ابنتها سارقة ولكني ات اكثر ورقضت ومكنتش عارفة اعمل اي حاجة كل فرحتي اتقتلت وصارت الضحكة دمووع منهمرة
اللي جرحني اكتر امي كلامها وغضبها عليا ولكأني انا اللي سرقت الفلوس ومش مراعية حالتي النفسية


ثامنا : منمتش الليلة دي طوال الليل بعيط وابكي ومش قادرة انام وابي هو الوحيد اللي طبطب علي وقاللي ممكن تكون مريضة وغصب عنها ولقيتها فالفجر بتطلبني على موبايلي فكانسلت مكنتش قادرة ارد
فضلت تطلب ييجيي عشرين مرة ودي مش عادتها لحد مقفلت الموبايل والصبح بدري طلبتني وماما كلمتها وحش وقالتلها اني نايمة وبعدها خلاااااااااص معبرتنيش وانا مريت بفترة وحشة اوي نفسيا واستغربت انها محاولتش تكلمني تاني ومرت الايام وكلمتني واحدة تعرفها صاحبتها وبتقلي مالكم انتوا متخانقين؟ قلتلها هي عارفة هي عملت ايه مش تتدخلي ومش قادرة احكي لحد عنها حاجة مش عاوزة ابوظ صورتها قدام حد



تاسعا : واخيرا وانا طولت عليكوا بس هي دي حكايتي انها من ساعتها معبرتنيش مع اني خليت واحدة صحبتي اوي تعرفها تتصل بيها تسال عليها فبتقولها ايه اللي جرالكوا مالكوا قالتلها والله ماعرف هي مش بتتصل وكل ماكلمها مامتها تقول نايمة قالتلها طب مش تشوفي مالها قالتلها هي حرة احنا اللي بنا انتهى خالص
انا بعتلها مرة في لحظة ضعف رسالة عالموبايل انها وحشاني اوي وانها هي اللي عملت كده فينا ولكنها قالت لصحبتي انها مش فاهمة حاجة واني لو عاوزة حاجة اواجها
ولكن ماما قالت انها لازم تنكر ومش بعيد لو واجهتها تقول لصحباتنا اني بتهمها واني انا اللي غلطانة


افيدوووووووني خايفة اني اكون ظالمة مع العلم اني دعيت ربنا وصليت انو يرشدني للحق

اليي شديني في موضوعك اني وجت كلمه صحبيتي فاني مهما اقولك بعز هذه الكلمه لابعد الحدود فانا والحمد لله ربنا اكرمنيي باصحاب من حوالي 15 سنه وعلاقاتي بيهم فوق الوصف اصحاب بمعني اصحاب نخاف علي بعض جدا وكل واحد فينا يفضل التاني عن نفسه بس اعذريني الغلطه غلطتك انتي لابد ان تاخذي حذرك دايما مش معني كده انك تخونيي الجميع ولكن اعمل احطياطي علشان مشكش في حد فلابد ان تسمحيها المره ديه وحاوليي جربيها في حاجه تاني لو كانت حقيقيي صاحبه تستاهل ودايما خذي حذرك مع اي حدواخيرا الحمد لله انها ماخذتش الفلوس كلهاهههههههههههههه موفق بإذن الله ... لك مني أجمل تحية .

متشكرة جدا يا "حياة بلا طعم " على ردك ولكن للاسف امي منعتني من محادثتها اطلاقا وانا كرامتي وجعتني من ساعة مقالت لصاحبتنا : احنا كل حاجة بينا انتهت ؟ طب ازاي من غير لما نتكلم ونتعاتب يعني هي بايعة الموضوع كده مش عاوزة تعرف حتى انا مش بكلمها ليه ده احنا بينا عيش وملح وعشرة ............
فعلا انا بثق في الناس بسرعة وطيبة زيادة عن اللزوم ودلوقتي انا وحيدة و بقيت اصحابي التانيين حتى اللي كان قريب منهم ليا عملوا مواقف وحشة معي ودائما بيغيروا مني وده كلام ناس كتير وبيجيبوا فسيرتي كتير من ورايا ومن حظهم ان الكلام بيوصلني مع اني عمري مأذيت حد فيهم وربي يعلم هذا ولكني برفض اواجهم حتى لا اخسرهم للابد واصير اكثر وحدة

حبيبتي أنا مستغربه أنك ماحاولتي تكلميها وتسأليها عن الموضوع حتى لو
أمك مش موافقه يمكن تكون بريئه من السرقه وهذا هو الصح والي المفروض أنك
سويتيه أنتي وأمك سواء كانت صاحبتك أو أي أحد ثاني ولا تنسي المجرم بريء حتى تثبت أدانته
ومو لازم تكون محجبه عشان ماتسرق أنتي تسرعتي بالحكم عليها
ولازم أول شي تسوينه أنك تسأليها عن الموضوع وأنتي لاحظي حركاتها وطريقه كلامها دام
أنها صاحبتك لفتره طويله يعني راح تعرفي أذا كانت مرتبكه في الأجابه أولا
والمفروض ياحبيبتى أنك دافعتي عنها أكثر وما صدقتي حتى تتأكدي من الموضوع
هذا رأيي وأتمنى ماأكون طولت

الله يهدي الجميع اختي عليك بدعاء من الله عزوجل ان يهديكم

شـكــ وبارك الله فيكم ـــرا لكم ... لكم مني أجمل تحية .
لكن انا محرجة منها جدا ان اواجهها او اسألها لانها اكيد هتكدب وتنكر ده ومش بعيد تروح تقول لاصحابنا اني بتهمها بكده وانا على فكرة دافعت عنها كتير اوي قدام اهلي ولكن للاسف كل شيء ضدها
انا صليت لربي ودعيتلها ربنا يشفيها من مرض السرقة لانهم مش محتاجين فلوس واكيد ده مرض ( انكلوبتومينيا) مرض نفسي شهير يجعل الفرد يسرق ويشعر باللذة عند السرقة مع انو مش محتاج وبعد ذلك يندم ويفشل في اعادة الشيء المسروق مرة اخرى
ودعيت ربي يهديني للصواب والحق وان لا اكون ظالمة لها لان الله لا يرضى بظلم عبد من عباده والحق سوف ينتصر ولو بعد حين
شـكــ وبارك الله فيك ـــرا لك ... لك مني أجمل تحية .