يوميات اختكم لايت اون

سلام عليكم

كيفكم ؟!! ^^

محتاجة تشجيعكم يا اعضاء , انا صار لي اشهر الحين اعمل رجيم , و خسرت بفضل الله اكثر من 20 كيلو , ما اتبع نظام رجيم محدد , على اي حال , كل مرة اعمل فترة استراحة و آكل اللي ابيه ( اكبر غلط ) و صار حالي الآونة الاخيرة اسبوع رجيم و اسبوع استراحة >< او حتى ايام رجيم و ايام استراحة , بس هالمرة صممت اني اواصل لمدة شهرين , وزنت و كان وزني 69 و اليوم ثاني خسرت كيلو صار 68 لمن صار قبل ايام 65 , و وزنت اليوم اللي بعده ما تغير و اليومين اللي بعدهم بعد ما تغير , صادتني حالة احباط , و عملت فترة استراحة ههههـ معصبة على حالي لان الحين وزني صار 67 , كنت ناوية اوزن كل اسبوع بس ما اقدر اقاوم الميزان و الله ههههـ

نظامي اللي اتبعه حاليا

وجبة الفطور: بيضة مسلوقة مع قطعتين توست و جبن قليل دسم
الغداء: قطعتين توست اسمر و جبن قليل دسم و قطعة صغيرة جدا جدا دجاج او سمك او لحم , يعني بحجم الاصبع تقريبا
العشاء: لبن قليل دسم , اكتيفيا وايد زين , بس مب لازم اكتيفيا , احيانا تفاحة بس , اذا وقت العشاء قبل نومي بساعتين او اكثر , آكل قطعتين توست اسمر مع جبن قليل دسم ( احب التوست الاسمر )

هذا النظام اللي خسرني 4 كيلو في اول اسبوع , راح استمر عليه بس راح اغير بين فترة و فترة ف الوجبات , و راح اوزن ان شاء الله كل اسبوع , بس محتااااجة تشجيعكم علشان هالمرة استمر

الهدف الاول: 60
الهدف الثاني: 57 ( وزن اختي )
الهدف الثالث: 50

يعني هدفي اوصل لوزن 50 قبل رمضان , او ع الاقل قبل العيد , بس الله يعينا كلنا فشهر رمضان شلون راح نستمر مع كل هالاكلات الطيبة

سووووري طولت وايد عليكم

بالتوفيق ياقمر ^_^

مووووفقه ياااااقمر
وكلنا معااااااااكي

الله يوفقكـ
كلنآإ بنشجعك =)

السلام عليكم

الله يوفقكم حبيباتي , مشكورين و الله ما تقصرو

اليوم اول شي سويته مشيت ساعة كاملة
ع الفطور اكلت بس بيضة
الغدا اكلت 3 تمرات و شربت معاهم حليب قليل دسم
و ما راح اتعشى اليوم

صح ما اكلت وايد اليوم بس بما انه اول يوم عادي , اليوم الاثنين 23-6 وزني 67 , يوم الاثنين المقبل راح اوزن و راح اخبركم ان شاء الله كم خسرت

موفق بإذن الله ... لك مني أجمل تحية .