بفضفض شوي قصتي ( الحمـــــو .....الموت)
مجتمع رجيم / مقهى وردات رجيم
كتبت :
حلا الأيام
-
السلام عليكم ورحمة الله وبركاته
انا مشتركه جديده بالمنتدى ماأعرف أكتب قصص بس بحاول
افضفض لكم قصتي مع حماي النذل اللي دمر حياتي
في البدايه
بعرفكم عن نفسي متزوجه وعمري 22سنه وعندي ثلاث اطفال
صار الكلام هذا قبل سنتين
في يوم كان زوجي بيسافرحولــــى اسبوع فقال لي تبي تروحي عند اهلك علشان اروح وانا مرتاح ففضلت ابقى في البيت
قلت فرصه مسافر (اهتم في نفسي شوي* اشيل ،وحط خلطات ،وعمل حمام مغربي )وانتم عارفين الوحده لما زوجها يسافر متصدق عشان يصير لها وقت تعتني بنفسها
في الصباح زوجي سافــــــر بعد مامشي قلت اول شئ بأبدى بالبيت... نظفت البيت من اوله الى اخره ....
زوجي عنده عماره,,, امه ساكنه في الدور السفلي والشقق اللي فوق ثلاثه انا لي شقه واثنتين الباقيه لأخوانه
في الليل... نومت ولدي ..قلت.اللحين بشيل شلت الشعر وحطيت خلطات على وجهي وبعدها اخذت شور طلعت من دوره المياه وانتوا بكرامه
ونشفت شعري ولبست بجامه نوم ورحت بنام كانت الساعه الثالثه فجرآ
نمت .....مأادري اللي ينتظرني ..بعد ساعه الا وأحس أحد جنبي فقلت لنفسي" هذا حلم زوجي مسافر" ورجعت بكمل النومه الاوالشخص يكلمني ويقول لي عندك مطرقه وأطالع فيه الا
هو ....حمــــــــــــــــــــاي ....
.اخو زوجي في غرفه نومي والله اني ماني قادره امشي أواحرك رجلي مع العلم انه متزوج وزوجته كانت في بيتها
تعرفوا وش يبي بالمطرقه ....علشان يسكر فتحة المكيف اللي دخل منها
تخيلوا دخل من بيت امه وطلع لنا مع الفتحه...و كان ما فيه مكيف في الصاله فدخل منها علشان يفهم الكل انه دخل مع الباب
بعدها حاول يغتصبني فقلت لنفسي لازم اسوي شئ علشان انقذ نفسي
قلت له روح المجلس وانا بسوي لك شاي
شكله قال اخذ منها اللي ابيه برضاها والله العظيم اني ماقدرت امسك ابريق الشاي من البروده اللي صابتني
الا وهو جاي قال انا بسوي الشاي ووضع الابريق على النار
واخذ يضمني ويقول لي * انا احبك *
قلت له حرام عليك انا متزوجه انت ماتخاف من الله... وقعدت اترجا فيه مانفع
و اخوك كمان لو يدري بسواتك وزوجتك
قال انا ماعلي منعهم انا احبك قبل لاتتزوجي وماصدقت انه يسافر
رحت لغرفتي واخذت العبايه وركضت للباب بروح لأم زوجي علشان تساعدني
فتحت الباب ونزلت مع الدرج واحاول البس العبايه ماقدرت يادوب لبستها
الاهو لاحقني يقول لي وين رايحه
امي ماهي في البيت
قلت خلاص اللحين مافي مفر منه نزل وسحبني مع شعري وانا اصرخ وهو يسكر فمي علشان محد يسمع
وانا طالعه دقيت جرس باب حماي الثاني
فدخلني في البيت وقفل الباب وانا اصرخ واسب والعن فيه وحاول انه يغتصبني................ الا واخوه يدق الباب ويقول افتحي لما سمع صوت الاصراخ !!!!!سبحان الله!!!!! كان ينام وارسله ربي لي
وكل ماأوصل الباب وهو شد شعري وضربني
المهم واخوه يخلع الباب
تدرون حماي اللي تهجم علي وش يقول لي روحي طفي عن الشاي تدخلين الرجال عندك في البيت
رديت عليه ياحقير ياحيوان ماعندك ذره انسانيه .......وطلع من البيت
وعلى طول واتصل على اخوي واقول له اللي صار وجاء بسرعه واخذني لأهلي
واتصلت على زوجي وقلت له على اللي صار كله قال لي كويس انك رحتي لأهلك
وترك السفر ورجع علشان يتفاهم مع اخوه
اخوه اختفى """ تقول انشقت الارض وبلعته """
وامه مادري وش قالت لزوجي
جاني يقول ياكثر الحريم اللي صار معاهم هذا الشئ ماخبروا اهلهم
أخوي قال لي ماترجعي لزوجك الالما يجيب اخوه وأخذ حقك منه
اخوي كان ناوي يقتله بس ترجيته وقال بس بشرط وافقت طبعآ لأني احب اخوي وماأبغاه ينضر بسببي
يبغاني ادعس على بطنه وأتف عليه
وجابه زوجي واخذت حقي
لكــــــــــــــن زوجي لسا شاكك بالموضوع كذا مره يسالني ان أخوه عمل معاي شئ
احس انه عافني تغيرت معاملته لي بعد ماكان يحبني ويغار علي
وبعد ثلاث شهور من اللي صار مرتب هو وامه مفاجئه لي
سمعت امه تتكلم معه وتبارك له علشانه تزوج ,,
انا ماني مصدقه مر علي شريط حياتي كله في لحظه... الايام الحلوه اللي عشتها معاه
خاين للعشره
وان مسويه له العشاء وقاعده استناه و هو.......
وجاء متغير " حنون علي " هذا المره زوجي اللي اعرفه .يبي يقول لي انه بيتزوج
وقلت له صدق الخبر اللي سمعته ...على طول مين قال لك ..دريت
قال تبي تعيشي معي اهلآ و سهلآ ماتبي بيت اهلك موجود
مو حرام
زوجي تزوج علي وعمري 20 سنه وكان عندي طفل واحد
كله بسبب فعله اخوه الحقير
وانا اللحين عايشه علشان اعيالي
لكـــــن بموت من القهر بس وش اسوي
هذا المقسوم لي اني اعيش حياتــــي تعيسة
اعذروني على الاطاله
