مــعاناة معلمه الطريق إلى عذفاء / صور وثائقية لحال المعلمات السعوديات

مجتمع رجيم / التربية و التعليم
كتبت : طبعي ذبح غيري
-
الجزء الأول : الطريق إلى عذفاء / صور وثائقية لحال المعلمات السعوديات السعوديات frown.gif


بسم الله الرحمن الرحيم


السلام عليكم ورحمة الله وبركاته


الطريق إلى عذفاء


يعني ماراح احد يحس في الغربة والتعب والمشقة الا الي جربها


وقبل لا اهديكم الصور التي تروي الحكاية
اهديها لوزارة التعليم وابيهم يجون بس يجربون يوم


بحكم اني من المشاكسين للشبكة العنكبوتيه الا اني استلمت الورقة وابعدت عن النت

لا إرسال ولا شبكه ولا جوال

عايشين على الثريا

والثريا امحق من ثريا مثل قلته

واشتقنا لأهلنا في الديره طفشنا من البران ..

رحلتي في عذفاء وهي احد القرى التابعه لمنطقة الجوف .

ومن لا يعرف الجوف وهي شمال المملكة العربية السعودية التي
تسكن فيها العضوه بشاير <<<متأكده الاخت
ويوم ان الله قرد التعليم خلاهم يختاروني استثنائي مكان احد المعلمات التي طلب اجازه لمده 3 شهور وبحكم
اني مالي خبره عن التدريس مغبره من كم سنه قلت ابي اجرب واجازف
الوالد حفظه الله فتح محاضره عليه وانا قلت لا ... الا اروح
وقالت الناس ماتت <<<وطريق وعر قلت يا الله نغامر وعدستي معي



وكما قال الشاعر في عذفاء

يافاطري وان جفاك منيف
تردين( عذفاء ) على ليلة
تنحري مكرميـن الضيـف
شـمــر لـيـاقـلّـت الـحـيـلـة
عند الجبيلي يطيب الكيف
وانــت تريحـيـن ياشعيـلـة


طولت السالفه تخبرون هذي المهايط حق المقدمه للي مايعرف عذفاء

صحراء النفود ولها قصص وامحق قصص ناس ماتت وناس ضاعت
والهجرة ليس فيها اتصالات ولا طرق معبدة للمواصلات
وقصة ( أسرة العتيق ) المشهورة حدثت هناك
وغيره من القصص اللتي لم يسلط عليها الضوء
مثل المعلم الرويلي و مجموعة معلمات
ومات زوجها وبنتها عطش لم اتوقع يوم من الايام سوف تذهب بي الايام الى هناك
كلهم كان مصيرهم
واحد
فهل سيكون لنا فصل يضاف لقصتهم ؟
الله يستر



حصلت لنا مواقف كثيره ولكن الحافظ الله رب العالمين
ولا لا تعليم ولا غيره اخرررررررررررطي
لومت كان ما كان


ومن غير انا ننحرم من اهلنا اسبوع والي تنحرم من اطفالها او زوجها
يعني نروح الجمعه ونرجع الاربعاء العصر لسكاكا


واترككم مع الخاطاوي ...
والصور تعبر عن حالتنا المعلمات



تسلى واستمع حتى تفتح الصور
:





انتظر تحميل الصور
---------------


السعوديات 3645_p163130.gif
:
دخلت عذفاء وقمت با التجول في الصحراء كل عصر ليكون هذا امام كل البشر
الكل من المعلمات تحضر وتدرس وتنقل او تأخذ اجازه وتنسى الا
بشاير ماهانت عليه اطلع الا اقول المصاعب التي تعانيها المعلمات والحياه الصعبه


السعوديات 3645_p163133.gif


قال ترحب بكم
والله ماني ناسيه السواق يوم رد وقال
أمحق من ترحيب والله انه صادق
:
السعوديات 3645_p163129.gif
حلويات المعلمات في اخر يوم لي في العقد ودعوني وقلت لهم
انتظر عدستي عبر الانترنت
وسوف تجدون غربتي


:
السعوديات 3645_p163131.gif
حياه صعبه ثريا
وامحق من ثريا
الي يمدح الثريا يقابلني والله مابها الفود
غير ندور طعس ونوقف ونكلم ولا نتحرك لو اي حركه تفصل الشبكه او تحس انك تكلم بتنك
وزميلاتي دايم على الشباك عشان الابراج فوول


وين شركة الاتصالات وين المهايط وين زين وين الجوال وين موبايلي
تذكر الجاهليه نفسي اجيب اكواب ورق اكلم يها احسن لنا من الارسال
ولا بعد يلقط الارسال اجهزت الاستيشن
يعني لو نبي نحش او نقول اي كلمه
ندري ان اهل عذفاء يتسمعون لنا
لان هم ارسالهم استيشن <<الي هو جهاز النداء او الجنزره << بجميع المصطلحات



:
السعوديات 3645_p163132.gif
اما السواق الرايق ابو مجلي صاحب السفر واقول بعد السياحه
يصيد الثعابين ويقول شوفو << نبي نوصل بسلام مانبي
نموت تكفى


وعزيزتي المعلمه المتغربه انصحك خلي جوالك استقبال بلا بطاقات
بلا فقر
الراتب خايس وزفت
وفوق هذا بطاقه كل يوم لو تقولين الو
فخلي فاضي اريح



:
السعوديات 3645_p163173.gif
بعد الخروج من طريق خوعاء والردميه الي صار لهم سنين وهم يشتغلون


:
السعوديات 3645_p163174.gif
اثار الردميه تقريب 50 كيلوا والباقي صحراوي


:
السعوديات 3645_p163175.gif


يقال ان هذا مركز عذفاء وامحق مركز
زي ماانتم شايفين
دوله غنيه وتغرب المعلمات وفوق هذا رواتب خايسه


:
السعوديات 3645_p163168.gif


اما هذا الخياط كان خياط في خوعا لا تفرحون عذفاء مابها خياط
خيطو باالجوف وتعالو الى عذفاء
120 كيلوا


:
السعوديات 3645_p163169.gif


وهذي الصوره في خوعاء لاول مره اشوف بيت سنع
طبعاً خوعا قبل مانطلع منها صورت وانتم متوجيهن لعذفاء بعده ينقطع الارسال




:
السعوديات 3645_p163172.gif


توقفنا للصلاه ....

والله اني كنت من قلب انزل واصلي وادعي من قلب على هذه الحياه
وعلى كل من كان السبب في الفساد في كل شي


وزميلاتي يصيحون علي امشي جاتك العباده وكثر الدعاوي خلينا نلحق قبل ادماس الليل
نخاف <<< وشلون تخافون وبشاير معاكم


ههههههههههههههههههه
وصح يوم خلصت صلاه ركبنا وحنا متوجهين نزيت واصيح احسب عقرب ركبت معي



السعوديات 3645_p163171.gif

اما هناك بعذفاء
فله
ههههههههههههههههه الحريم يسوقن وسواقنا ترك احد السيارت عندنا الله يوفقه ويستر عليه
واقمز ابي اتعلم المهايط اصير بدويه راعيه العلياااااا واركب با السياره



السعوديات 3645_p163170.gif
:


واتوهق وتطفي بس السياره بين تقاطع رملي انا وخويتي
واصيح ياهمي انتي السبب طلعيني
ويا الله نسحبها ونصفها قدام البيت واخر الاسبوع كا العاده الاربعاء
جاء السواق والسياره مايله مبنشره خخخخخخخخخخخخخخخخ
وينا وين البنشر




السعوديات 3645_p163134.gif

اما الي رحمتهم اطفال عذفاء الابرياء
هكذا كانت تبدو عليهم الفرحه بوجود من يعلمهم الحرف والكلمه


:
السعوديات 3645_p163135.gif


والاسبوع الاخير من ايام الامتحانات
اقمنا خميس وجمعه لاول مره
وفضلنا نصوم يوم الخميس تطوع نحمد الله ونشكره وحده على كل حال



:
السعوديات 3645_p163136.gif
اعجبتني طريقه البنات الي قبلي
بعذفاء لهم سنه
والادهى والامر انهم يعرفون السبموسه
يعني حظي حلووووو



العام ماكان فيه كهرب بعذفاء الا يوم جيت نورت
نورت بشاير
:
السعوديات 3645_p163137.gif


وجاء اليوم الي تطلع اسماء المعلمات الي نقلوا والي مانقوا
طبعا لا ارسال
لا نت
لا جرايد
وشلون نعرف
نعرف اخر يوم با الاسبوع
او اهالينا يبشرونا ان النقل جاكم وانتظر الفرج من ادراه التربيه والتعليم
يكفي انهم غربوكم << وش تبون بعد راتب سنع
وبدل سنع
ومريحننا
وموفرين لما سيارات وبدل مناطق نائيه بكل ذوق
عزيزتي المعلمه او المتعاقده تحت اشراف التربيه والتعليم << هيطو لا يغركم
والله مانشوف غير الرضم <<< بلهجت الشمال اي الحجر او الفهر


الراتب نقبضه لا دخلنا سكاكا
:
السعوديات 3645_p163138.gif


وشوينا وتعشينا وبكينااااااااااااااااااااااا

:
السعوديات 3645_p163139.gif



عملوا البنات منسف وطبخناه وجلسنا نبكي ليه ؟؟
لان الي نقلت وحده بس
اهي اهي اهي اهي
يعني الباقي يلقط ربحلا وفقع العام القادم اجمل ...


:
السعوديات 3645_p163140.gif


هذا الحميس الي عملوه البنات الساعه 11 صباحاً
كان في ايام الامتحانات
يا تلك الايام والله ماااااااااااعودهاا


:
السعوديات 3645_p163141.gif


اما مطبخنا البسيط كيف كان
يعني لو احتسي من تصبح لما تغيب
كيف جمعوها البنات من 5 سنوات تم تجميعه
ولا مافكرتم كيف نقدر نجيب اغراض
من سكاكا
الى
عذفاء
بصحراء ثلاجات وووو ...وغيره
ندور بس احد يشحن والشحن ب 1500 لو ثلاجه
يعني يا الله نشحن حالنا لعذفاء
الله يجزاهم خير ادارة التربيه والتعليم عن جد خلونا نتعلم ..؟
:
السعوديات 3645_p163142.gif


مشاوي احبتي

:
السعوديات 3645_p163146.gif
السعوديات 3645_p163147.gif:
اهم شي الراس شفتوه
واللحم
:


السعوديات 3645_p163143.gif
:
قلنا نبي نطبخ الرمد ولا العمي
بس نبي نونس روحنا
ونشحد قدور من شمر
نبي نطبخ قلنا لهم قالوا تامرون امر
والف شكر لكرمهم



السعوديات 3645_p163144.gif

وطبخوا البنات المنسف

:
السعوديات 3645_p163145.gif


هذا الغاز والابريق دليل الرفاهيه والسعاده التي نعيشها ايها الوزير
تحياتي تشرب كاسه ... من الي جربناه ولو البسيط


:

السعوديات 3645_p163159.gif


اما السوبر ماركت << هم يقولون مو انا لا تعليق
بتاع كله كل شي بها


الي يبي يتسوق يجي

:
السعوديات 3645_p163149.gif



الملابس روعه شي خيال والاقمشه
شي جيت افصل لي مريول جديد واكتب عليه
شعار وزارة التربيه والتعليم


:
السعوديات 3645_p163148.gif



اما الملابس ماادري اي عهد
ماكنت اتوقع اني في يوم من الايام راح اشوف كذا وربي
بس انا ماقلت لكم يوم ان التربيه والتعليم دقوا عليه وخلوني
اروح لعذفاء
جبت لكم الاخبار



:
السعوديات 3645_p163150.gif



وحنا طالعين كانت لكميرتي التقاط رائع
لهذه السحله <<يعني الطاسه
انا ماادري وش تسمونها بس جبتها با الشمالي "سحله"


شكل يحلبون لبن نياق
وماتوا وهي يبست من البطى ههههههههه
"


:
السعوديات 3645_p163151.gif


نجديات عذفاء

:
السعوديات 3645_p163152.gif



اما طريقه بيع النجديات
رحت بنفسي اختار الخاروف انا والمعلمه الحضيضه الي انقلت
انا ابشركم انتهى عقدي
هههههههههههههههههههههههههه
يعني لو اني هناك ماراح انقل
ونغني ياليل مااطولك



:
السعوديات 3645_p163153.gif


اما البعارين او اقصد النياق
اعذروني مااعراف البداوه
كانت قدام بيتنا كل مااطلع تستقبلتي
ياهمي حنا صرصور نهج
عاد ناقه
بس ماتهون عليه الخشه لقطتها


:
السعوديات 3645_p163154.gif



في الجانب من منزلنا الجميل

:
السعوديات 3645_p163155.gif



ودعنا عذفاء وكتبت قصيده هجاء
لا لا
اقصد حزن
واهديناها السواق والاخ تنح يقرا والتقطت له
ولاحظوا بااب المنزل حقنا مفتوح وهذا كان اخر يوم
لرحيلنا بعد ضهور النتائج



:
السعوديات 3645_p163156.gif


الشي الي تعجبت منه وش يحفرون
يعني الزفلت ماوصل
وجايين تبحثون عن بترول
اول شي
وصلوا الخط وتعالوا
قال بترول



:
السعوديات 3645_p163157.gif


تسللت الى منزل جارنا والتقت ضيافتهم وساحتهم

:
السعوديات 3645_p163158.gif


المسجد الذي يخبرنا بوقت الصلاه


:

السعوديات 3645_p163160.gif


اما الي تشوفون لونه برتقالي
تبون تعرفون وشو؟
قال مطعم بعذفاء
فتحوه وكم شهر وقفل وهجوا الهنوود
انخرعوا من الغربه
يعني هقوتكم لو نهج الوزير
يعطينا شي ؟



:
السعوديات 3645_p163161.gif


بيت الشعر للمنزل المجاور لدينا
:
السعوديات 3645_p163162.gif
:
السعوديات 3645_p163163.gif


هنا بريد عذفاء
جيت اكتب رساله
لابوي وامي اسلم عليهم
واقول لهم انا بخير ونتنفس الرمال
ومشتااااااااااااااااقين لكم مووووووووووووت
بس الله يسامحه
الوزاره


:
السعوديات 3645_p163164.gif


اما الحمار والحماره
وربي جننونا كل ماافتح الباب القاهم يمرون ويكبون الزباله
ويحوسون عند بابنا
واخاف والله واخذت لهم صوره كانوا
مشاغبين مره


:
السعوديات 3645_p163165.gif


ضبان عذفاء غير
يوم انه جابوه ودشت علينا
الكل هرب
وانا وقفت التقطت له صوره
مع التحيه


:
السعوديات 3645_p163166.gif
:
السعوديات 3645_p163167.gif


وهذي خوعاء ياعيني على الفواكه والخضار


الى هنا وسوف اوافيكم بصور باقيه
لعذفاء ورحلتي الشاقه
التي مرت بي الايام في تلك الصحاري ولم يخطر ببالي غربه مثل هذه ولا في الاحلام
ولكن عند وزارة التربيه والتعليم فيه الأحلام وكوابيس بعد



لكل معلمة قبل التعيين فكري مليون مرة قبل الموافقة على التعيين


تحياتي للوزير وحاشيتوه



محدثتكم من المملكة العربية السعودية
منطقة الجوف


والنقل مسموح لكل منتدى وخصوصا المنتديات التعليمية
وشكرا لكل من يساهم بنشر ونقل معاناتنا


بشاير


منقول والله رحمتها ههههههههههههه
وكمان موتتني من الضحك
عليها مغامره جدآ رجوليه
ههههههههههههههه
كتبت : سالي بغداد
-
والله فعلاً مغامرة وهيج تعيين هم ماينراد !!

الله يكون بعونهم ...


وو

كتبت : سحر هنو
-
والله هم يبكى وهم يضحك

ههههههههههههههههههههههههه

الله يصلح حال الكل ياغالية

شـكــ وبارك الله فيك ـــرا لك ... لك مني أجمل تحية .
كتبت : طبعي ذبح غيري
-
سبحان الله محد بهاالدنيا مرتااااااااااااااح
مروركم أسعدني سحوره وسالي
ربي يسعدكم يارب ................
كتبت : بحب البحر
-
ربنا يعين الجميع شـكــ وبارك الله فيك ـــرا لك ... لك مني أجمل تحية .
كتبت : نجمة المساء
-
الله يكون في عونها والله راتب بهمه
شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . على الموضوع
الصفحات 1 2 

التالي

حكم باللغه الانجليزيه...

السابق

كيف تذاكر , كيف تتفوق , كيف تنظم وقتك , 10 ملفات ( لتفيدك في الإختبارات )

كلمات ذات علاقة
أيام , معلمه , مــعاناة , المعلمات , السعوديات , الطريق , صور , عذفاء , وثائقية