سلسله الحلويات الدايت لرمضان من مطبخي بالصور

مجتمع رجيم / أطباقنا الخاصة للرجيم

كتبت : (رشيقه هانم)

ازيكم يا حلوات
كل عام و انتم بخير رمضان علي الابواب و الحلو ضروري و العزايم مممممم هنعمل ايه ؟؟؟؟ ناكل حلو و نسمن والا ايه الحل؟؟
طولت عليكم سامحوني انا اليوم عامله لعيونكم أحلي أم علي و خفيفه جدا جدا و سهله جدا و الطعم ممممم رائع
هيقولو ايه ده فيه ام علي من غير قشده و سمن؟ ايه ده انتي عاملاها من غير عجينه البف باستري؟؟؟ياااااااي الحلويات w00t.gif

بصراحه انا عملتها من غير اي حاجه من

دي جربوها و اتحدو كل اللي فاهم ان السمن و القشطه سبب الطعم الحلو الحلويات laugh.gif

يلا نبدأ بسم الله

المقادير:
جلاش-بياض بيضه-حليب خالي الدسم-سكر رجيم-عود قرفه-جوز هند-زبيب-مكسرات حسب الذوق(جوز-لوز-فستق)

الطريقه:

أنا مش صورت الخطوات لانها بسيطه جدا

1. ادهني رقائق الجلاش ببياض البيض
2. افردي الرقائق في صاج و دخليها الشوايه حتي تحمر
3. لما تبرد كسريها في الطبق
4. ضيفي جوز الهند و الزبيب و المكسرات

5. ضيفي سكر الرجيم للحليب و عود القرفه(حسب الحلا اللي تحبيه بس زودي شويه) و اتركيه يغلي

6. ضيفي الحليب المغلي علي الجلاش و دخليه فرن متوسط الحراره حتي يحمر الوجه

ملحوظه:
· ممكن تحتاج تزيدي الحليب داخل الفرن
· لو ما احمر الوجه شغلي الشوايه

دي النتيجه النهائيه