كتبت :
هيوبه
-
مارديتي علي
ولي يسلم عمرك ردي علي بسرعه
ولي يسلم عمرك ردي علي بسرعه
كتبت :
الحبوبة
-
class="quote">اقتباس : المشاركة التي أضيفت بواسطة هيوبه:
السلام عليكم
حبيبتي الحبوبه
طلبتك قوليلي شنو خضار سوتيه
ابيه المقادير والطريقه
تكفين قوليلي لأني مافهمت
وشنو مكوناته وشلون طريقته
الله يساعدك يارب ويحقق الي في بالك
انا طبعا عدته من الأول وأنا في الأسبوع الأول
والحمد الله ماخبصت والحمد الله ماشيه لأني بجد ابي اشيل من وزني كثير لأني انا بعد أبي اتزوج ويصير عندي أطفال
واعيش حياتي طبيعيه
أحتري ردك
السلام عليكم
حبيبتي الحبوبه
طلبتك قوليلي شنو خضار سوتيه
ابيه المقادير والطريقه
تكفين قوليلي لأني مافهمت
وشنو مكوناته وشلون طريقته
الله يساعدك يارب ويحقق الي في بالك
انا طبعا عدته من الأول وأنا في الأسبوع الأول
والحمد الله ماخبصت والحمد الله ماشيه لأني بجد ابي اشيل من وزني كثير لأني انا بعد أبي اتزوج ويصير عندي أطفال
واعيش حياتي طبيعيه
أحتري ردك
هلا هيوبه الله يرزقنا أن شاء الله بالأزواج الصالحين
وأسفه علي تأخري بس مادخلت صارلي مده وتوني أشوف المشاركه
حبيبتي الخضار السوتيه
عباره عن كوسه - فاصوليا - بصل - باذنجان - بروكلي أقصد القرنبيط الأخضر أحنا نسميه زهره - قرنبيط
فلفل بارد
حبيبتي راح أقولك كذا طريقه أختاري اللي تحبينه طبعا ممكن تلغين أي نوع ماتحبينه من الخضار
الطريقه الأولي
يقطع الخضار بشكل طولي وتوضع في قدرعلي النار ياريت يكون تيفال لأنه ماراح نستخدم زيت
تقلب كل الخضار بدون زيت وتغطي جيدا عشان راح تستوي علي كمية السوائل الموجوده فيها
بعد ماتستوي شويه نحط عليها ملح وفلفل أسود وعصير نص ليمونه وفص ثوم مهروس ونقلب حتي تنضج طبعا أحلا تكون نص مستويه يكون طعمها أحلا
الطريقه الثانيا
أول شي نقلب البصل علي النار مع ملعقة زيت
نقطع كل الخضار ونضعها علي النار مع نص كوب ماء مذاب فيه ملعقه صغيره معجون الطماطم وربع مكعب ماجي
ونغطيها ونخليها تستوي علي نار هاديه وأخر شي نحط عليها شوية فلفل مع ملح وفص ثوم ونخليها خمس دقائق ونطفي عليها النار
الطريقه الثالثه
وهذي إذا كنت تحبين الخضار علي الطريقه الصينيه
يقطع الخضار ويوضع علي النار مع ملعقة زيت وتغطا بين كل تحريك والأخري ولما تنضج نص ونص نحط
ملعقة صويا صوص مع فلفل أسود لاتحطين ملح لأنه الصويا صوص مالح وتخلينها شويه دقيقتين والطفين النار من تحتها
الطريقه الرابعة
حبيبتي أنا إذا كان عندي في اليوم خضار سوتيه مع لحم أو دجاج أتبل اللحم أو الدجاج بشويه بهارات وملعقه زبادي
وملعقه معجون طماطم وفص ثوم مع زنجبيل وأخلطه مع الخضار وأحطه بالفرن لمايستوي بس أكون مغطيته بألمنيوم
ولمايستوي أفتح الألمنيوم وأخليه شويه يتحمر
الطريقه الخامسة
تقطعين الخضار وتبلينهم بملعقة خل البلسميك وملعقة زيت وشوية ملح وفلفل أسود وبعدين تشوينهم علي الشويا
