قصيدة وصية

مجتمع رجيم / قصيدة وشعر
ஜروح الـمـلاكஜ
هذي قصيده وصيه كتبها شخص وهويحتضر ويوصي صديقه على حبيبته



وصاتي لك من بعدي تموت فيها على شاني
ابيها تعيش وتحيا بك واظل بذاكره مفقود
وصاتي لك تنسيها ملامح وجهي وتنساني
وتعزفهاقصيده حب على عكس اللي عزفته بعود
وصاتي لك تبعدها عن اشعاري وقفياني
تراها مغرمه بالحيل ويشهدلي عدد الردود
وصاتي لك تسايرها ترى فيها من احزاني
طلبتك لاتضيق بالك طلبتك والطلب مردود
وصاتي لك تناديها حياتي عمري ازماني
انا عودتها دايم ادلعها وانا موجود
وصاتي لك تعاملها بطيب قلب واحساني
تراها تذرف الدمعه ودمعتها بلايا حدود
وصاتي لك تحفظها سور وايات قراني
وتخبرها عن الميت رحل لايمكنه يعود
وصاتي لك ترسمها على قبري واكفاني
ابيها لوحه تبقى على طول الزمن محدود
وصاتي لك تمازحها وتشوف الضحكه باسناني
سعيتك ياضحك هالكون طلبتك لاتصير جلمود
وصاتي لك تقهويها من دلالي وفنجالي
تراها تعشق السمرا ويكفيها دهن العود
وصاتي لك تركبها على خيلي وعلى حصاني
وربي فارسه من قلب شهاده ماهي لشهود
وصاتي لك تسفرها بلاد الشام ولبناني
ترى يحلالها تقطف ورد من بلد الورود
وصاتي لك تراقصها على الحان رحباني
ترى فيها عرق خاله وفيها من جنون السود
وصاتي لك تحببها في ابونوره بعد هاني
وتنسيها ندم غلطه انا فيها ترى المقصود
وصاتي لك تكرها في تاريخي وعنواني
ابيها تلعن اللحظه وتلعن كل فرح موعود
وصاتي لك تكلمها عن المجني وعن الجاني
وخليني انا الظالم وانا من حرق الاخدود
وصاتي لك تشبهني بدم احمر قاني
وانا هاالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود
وصاتي لك تنسيها وصيه قالها لساني
انا اخبرك رجل موقف وانت قدها وقدود
صــــــديقي مالقيت غيرك يعرف شلون تنساني
(امانه)ضمها بقلبك ترى
خــــــــــــــــــــــــا لـــــــــد رحل مايعود...........
مع مودتي
ஜروح الـمـلاكஜ
عذوب بنت الجنوب
القصيده تحزن واااايد

مشكوره على النقل الرائع

موفق بإذن الله ... لك مني أجمل تحية .
~helwa~


ஜروح الـمـلاكஜ
تسلموا ع المرور يا اروع أعضاء
شـكــ وبارك الله فيك ـــرا لك ... لك مني أجمل تحية .
ஜروح الـمـلاكஜ
مشموشة العراق
ههههههههههههه
والله خوش وصية مشكورة ننتظر جديدك
ஜروح الـمـلاكஜ
تسلمي ع المروور مشموشة ^_^

التالي

هذه قصيدة كتبتها فتاة فلسطينية إسمها شيماء إغتصبت من قبل يهودي نجس ...وحملت منه

السابق

أشــــعــــــار ஜروح الـمـلاكஜ

كلمات ذات علاقة
وصية , قصيدة