قللي فواتير الكهربا والمياة

مجتمع رجيم / مسجات الجوال
كتبت : mira
-
ــ 1 ــ
علشان توفري في الكهرباء

دلوقتي هقولك على شوية حاجات ممكن تعمليها علشان توفري في كمية الكهرباء اللي بتستهلكيها كل يوم..خليكِ معايا...
افصلي الأجهزة
الكهربا kamar_02.jpg


لازم تتأكدي إنك تفصلي الكهرباء عن كل الأجهزة اللي بتستعمليها، مش بس تطفيها لأنه ثبت إن الأجهزة حتى لو مطفية بس متوصلة بالكهرباء بتسحب 30% من قوتها الكهربائية.
اقفلي الكمبيوتر
الكهربا kamar_03.jpg


لازم تتأكدي إنك تقفلي الكمبيوتر في حالة عدم استعماله، لإنه بيستهلك كهرباء عالية جداً، كمان علشان تحافظي عليه من إنه يتلف بسبب ارتفاع درجة الحرارة.
اطفي الأنوار
الكهربا kamar_04.jpg


اطفي كل الأنوار في الأماكن اللي بتكوني مش متواجدة فيها، وبالطريقة دي هتوفري كتير جداُ من فاتورة الكهرباء، وهتقللي من درجة الحرارة اللي بيسببها النور خصوصاً في الصيف.
قللي من استعمالك للتكييف
الكهربا kamar_05.jpg


مش لازم تستعملي التكييف طول الوقت في الصيف، واهتمي دايماً إنك تفتحي الشبابيك في البيت علشان تحصلي على تهوية طبيعية، وكمان تتخلصي من الهواء الفاسد والمكتوم في البيت، وبكده تحافظي على صحتك وتقللي من كمية الكهرباء اللي بيستهلكها التكييف، كمان ممكن تستعملي مراوح السقف كبديل للتكييف أيام الصيف، وتأكدي دايماً إن كل الفتحات حوالين الشبابيك تكون مسدودة كويس علشان تمنعي سخونة الجو من إنها تدخل للبيت.
استعملي لمبات موفرة للطاقة
الكهربا kamar_06.jpg

استعملي اللمبات الموفرة في الطاقة بدل اللمبات العادية لأن النوع ده من اللمبات بيوفر جداً في الكهرباء، وكمان كفاءتها عالية جداً وبتعيش فترات طويلة، وبتقلل من نسبة ثاني أكسيد الكربون في الجو، وعلى فكرة النوع ده من اللمبات متوفر جداً في السوق دلوقتي وبألوان كتيرة.
غسالة الأطباق
الكهربا kamar_07.jpg


ياريت توقفي غسالة الأطباق قبل ما تبدأ في دورة التجفيف وافتحي الباب شوية وخلي الهواء هو اللي ينشف الأطباق، لأن دورة التجفيف دي بتستهلك طاقة عالية جداً، ولو بتفكري إنك تشتري غسالة أطباق جديدة يبقى لازم تاخدي بالك كويس من كمية الكهرباء والميه اللي بتستهلكها.
انشري هدومك..
الكهربا kamar_08.jpg

في أيام الصيف ممكن تنشري الغسيل بدل ما تستعملي دورة التجفيف في الغسالة، عشان توفري في الطاقة، وكمان الشمس بتقتل البكتريا وبتعقم الهدوم، وياريت لو تغسلي هدومك بماء بارد علشان توفري الطاقة اللي بتحتاج لها الغسالة في تسخين المياه.


ــ 2 ــ
علشان توفري في الميه!!


وإنت بتاخدي حمامك
الكهربا kamar_09.jpg


حاولي تقللي من استهلاكك للميه أثناء الحمام وياريت لو تركبي رأس للدش بتنزل كمية أقل من الميه.

صلحي الحنفيات
الكهربا kamar_10.jpg

اتأكدي إنك تصلحي كل الحنفيات اللي بتسرب الميه عندك في البيت، كمان استغلي الماء البارد اللي بينزل من الحنفية، وإنتي مستنية الميه السخنة في إنك تملي جردل ميه مثلاً ممكن تستعمليه بعد كده في تنظيف البيت، واتأكدي دايماً من إنك تقفلي الحنفيات لو إنت مش محتاجة لها، يعني مثلاً وإنت بتغسلي أسنانك مش لازم تسيبي الحنفية مفتوحة طول الوقت.
لو هتغسلي الأطباق بنفسك
الكهربا kamar_11.jpg


لو معندكيش غسالة أطباق وهتغسليهم بنفسك يبقى أحسن حاجة إنك تجمعي الأطباق كلها مع بعض في طبق كبير فيه ماء ساخن وشوية صابون سائل بس مش كتير، وانقعيهم لمدة دقائق عشان الدهون اللي عليهم تذوب، وبعد كده ابدأي اغسليهم بليفة المواعين، وبعدين انقليهم في طبق تاني فيه ماء دافئ نظيف علشان تشطفيهم فيه، وبكده تكوني وفرتي جهد ووقت وميه وصابون.

قللي من كميات الغسيل
الكهربا kamar_12.jpg


ياريت لو تحاولي تقللي من كميات الغسيل، وبالتالي هتوفري كتير في استهلاكك للميه وهتقللي من عدد مرات استخدام الغسالة، وبالتالي هتوفري في كمية المسحوق اللي بتستعمليه، والأهم من كده إنك هتحافظي على القماش لفترة طويلة من غير ما يدوب ولونه يبهت من كتر الغسيل، ودي شوية أفكار ممكن تعمليها:
• مثلاً لو كل فرد من أفراد أسرتك بيستعمل فوطة ممكن إنه ينشرها بعد ما ياخد دش علشان تنشف من الميه، وبكده ممكن إنها تفضل فترة أطول من غير ما تحتاج لغسيل.
• كمان خلي عندك لبس معين قديم علشان تعملي بيه شغل البيت، والبسي الهدوم العادية في الوقت اللي بتكوني فاضيه فيه، وبكده مش هتحتاجي تغسليهم كتير.
• ممكن تلبسي التي شيرتات والقمصان والجينز كذا مرة قبل ما تحتاجي لأنك تغسليهم.
• اجمعي كل الحاجات اللي محتاجة إنها تتغسل مع بعض واغسليهم مرة واحدة.

سيفون الحمام
الكهربا kamar_13.jpg


دلوقتي هقولك على حركة ذكية أوي تعمليها علشان تقللي كمية الميه اللي بتنزل من السيفون كل مرة بتستخدميه فيها، وهي إنك تحطي زجاجة بلاستيك مليانة ميه ومقفولة كويس داخل السيفون، وعشان تثبتيها كويس ممكن تحطي فيها شوية رمل أو حصى، وبالطريقة دي هتشغلي مساحة كبيرة من السيفون من غير ما تحتاج تتملي ميه.
ــ 3 ــ
قللي من القمامة
الكهربا kamar_14.jpg


قبل ما نتكلم في الموضوع ده عايزاك تفكري..
إنت بتطلعي كمية قمامة أد إيه كل يوم من بيتك؟!

فكرتِ كويس....
ودلوقتي بقى هقولك ازاي ممكن تقللي الكمية دي وتوفري الفلوس الكتير اللي بتدفعيها علشان تتخلصي منها:
• حاولي دايماً إنك تستعملي الحاجات اللي مش بتترمي مع أول استعمال يعني مثلاً استعملي القماش لتجفيف الأطباق بدل المناديل الورقية.
• لما تيجي تشتري طلبات البيت، خدي معاكِ شنط من القماش علشان توفري كمية الأكياس البلاستيك الكتيرة اللي بترجعي بيها من السوق.
• ممكن تستخدمي بواقي الطعام والفضلات في إنك تعملي سماد طبيعي للزرع اللي عندك، بس المهم إنك تحفظي فضلات الطعام دي في مكان دافئ وفيه فتحات للتهوية.
• استخدمي البطاريات اللي ممكن تتشحن كذا مرة وبكده هتوفري في شراء البطاريات وكمان هترمي عدد أقل في الزبالة خصوصاً إن البطاريات دي فيها مواد سامة جداً ممكن تلوث التربة وتقتل الزرع.

الكهربا kamar_15.jpg


منقووووووووول
كتبت : sara_kor
-
شـكــ وبارك الله فيك ـــرا لك ... لك مني أجمل تحية .
كتبت : {*زينب*}
-
شـكــ وبارك الله فيك ـــرا لك ... لك مني أجمل تحية .
كتبت : ام فيروز
-
شـكــ وبارك الله فيك ـــرا لك ... لك مني أجمل تحية .
كتبت : بسمه امل
-
كتبت : بنتـ ابوها
-
موضوع رائع ومهم

بارك الله فيك يالغاليه
الصفحات 1 2  3  4 

التالي
السابق