الحليب المنظف
مجتمع رجيم / المكياج و العناية بالجسم و الشعر والعطور
كتبت :
dodobaby
-
حبيت اقوللكم على تجربتى مع الحليب المنظف
اولا انا بشرتي مختلطه ...ودايما بحتاج لمنتجات معينه للعنايه ببشرتي
وسمعت عن الحليب المنظف وبحثت فى جووجل ووجدت طرق عمله ...لكن المشكله ان الحليب بيفسد بسرعه حتى مع وجوده فى الثلاجه ..فتعالوا معايا اوريكوا طريقه سهله وبسيطه جدا ومتاخدش وقت مننا
اول حاجه المكونات ...
*عسل ابيض
*ماء ورد
*لبن او حليب زى الاخوات الخليجيات مابيقولوا
*زيت لوز
هنا خلطت كل المكونات مع بعض
وبالنسبه للمقادير ...5 معالق اكل حليب
معلقه شاي عسل ابيض
قطرتين او تلاته من زيت اللوز
ونص كوب ماء ورد
وهنا سكبت الخليط فى اناء مكعبات التلج
وهنا بعد ماجمد وبقى مكعبات ...اللى تحت ده مكعبات ماء ورد فقط
طريقه استخدامه...
الصبح بعد ماغسل وشي كويس بالغسول بتاعي ..بروح عالفريزر واخد مكعب حليب امرره على وشي كله واسيبه لحد ماينشف لوحده بدون منشفه
وتمتعى بوجه نضيف وناعم جدا ومنور وكمان بعمل نفس الحكايه بالليل قبل النوم
ياريت تجربوها ...واللى تجربها تقولى نتيجتها