قصتي مع الريجيم

مجتمع رجيم / الحمية و الرشاقة و الرجيم
كتبت : مارس1
-
السلام عليكم ورحمة الله وبركاته..
(( قصتـــي مع الرجيماااااااااات ))
أنا أم عبد الله اليوم حبيت اني احكي لكم قصتي مع الرجيمات الخاطئة ونتائجها على صحتي ... حكاتي بدأت من وانا صغيرة.. فكانت السمنة مرتكزة في الأرداف لأكن ما كانت مزعجتيني أو مشوهه جسمي ..
كبرت وتزوجت,, وكان زوجي يسافر مدة طويلة وكنت اقضي وقتي في ممارسة ألقرائه لأنها كانت هوايتي هي والخياطة والتطريز والمكياج .. وكنت أقراء مجلات معينة كان كانت تتكلم عن الأشياء اللي أنا أحبها فكنت كل ما أقراء رجيم ارووووووووووووح أطبقة على طووووول أو رياضة احتفظت برشاقتي مدة طويلة بعد إنجابي لعدد من الأطفال وفي يوم من الأيام قريت في احد المجلات انك بواسطة هذه الرياضة تشكلين جسمك كما تريدينه وفعلا مارست هذه الرياضة وصار جسمي كأنة مرسوم وحضرت احد الزوجات وكان جميع الحاضرات يسألوني
وش سويتي في جسمك حتى وطلع كذا وليش بطنك لاصق في ظهرك واني عندك عدد من الأطفال؟؟؟
وبدأت قصتي مع المعاناة قبل عشر سنوات فبدأت أحس (( بدوخة .. وكسل .. خموووول .. إمساك .. خوف .. قلق .. اكتأب .. جفاف في البشرة .. جفاف الشعر... رعشة في الجسم .. أرق .. ولمن أوقف يوجعني كعب رجلي .. برووودة في جسمي شديدة لدرجة انو في بعض الأحيان تصير لون أطرافي أزرق نوووووووووووم ثقيل كأني مخدرة .. هبوووط في الضغط.. وأول شئ لاحظته بشدة من الأعراض الدورة الشهرية ... يمكن تسألون أش دخل الدورة في الرجيم؟؟؟ أو أش دخل هواياتك في الرجيم ؟؟؟ لا تستعجلون .... كل شئ بوقته تعرفون بس اقروا القصة واعتبروا ... كانت الدورة مدتها 4 أيام وألمها خفيفة لأكن صارت تجيني 7 أو 8 أيام والأم لم اشعر فيها حتى في الولادة في الثلاث الأيام الأولى في الدورة أكون جالسة بالسرير ما أكل شئ بس سوائل ولمن أروح لدورة المياه (( أكرمكم الله )) ما اقدر اجلس كنت من المستوصف إلى الطوارئ كان العلاج الوحيد إبر تهدى الوجع .. فمرة ذهبت للطوارئ وشرحت للدكتورة المناوبة صفة الدورة معي وتغيرها فطلبت مني أشرب موية كثير لعمل إشاعة كنت خايفه ليكون فيه ورم أو تكيس على المبيض وكذالك الدكتورة وبعد الإشاعة كانت المفاجأة .. أنو كل شئ سليم .. حولوني على العيادة النساء والولادة .. كشفت على أخصائية النساء وشخصت حالتي كالأتي: ][ خلااااااااااص رحمك صار فيه تمزق وصار خربان ولازم تشيلينه ][ لأكن شوفو وش حصل وش السبب ... كملوا القصة وتعرفون السبب ... بعد مدة صارت ركبتي توجعني وبس ممدده ما اقدر اطلع أو انزل من الدرج ولا اقدر امشي مسافة .. رحت لأخصائي عظام وبعد الإشاعة قلي بالحرف الواحد .. (( ما فيك أي شئ والآلام من الوزن الزائد )) وكل هذا وانا مستمرة في الرجيمات لأكن وزني كان يزيد ولا ينقص .. وكان وزني في بعض الوقت زى مقياس الضغط نازل طالع .. # أنا ما اقدر احسب لكم الرجيمات اللي سويتها # لأكن اقدر أقول الرجيمات اللي أنا سويتها وهي 3 فقط .. (( رجيم الماء .. رجيم الصنف واحد .. رجيم السعرات الحرارية)) وهذا أعطاني أخصائي تغذية .. بعد ما رجعت من عند أخصائي العظام سويت رجيم لمدة شهرين متتابعة كل أسبوع رجيم غير بعد الشهرين وزنت ولأكن للأسف لم انقص جرام واحد وأصبت بخيبة و اكتأب لأكن تأكدت إن في جسمي خلل .. بعد ما بدأت الرعشة تزداد بجسمي لدرجة انو ما صرت اقدر أشيل شئ لأنة يقع مني.. وبعد زيادة النوم عندي بعد الشهرين من الرجيم كان شهر رمضان بعد 10 أيام من شهر رمضان بديت أحس إن الأوجاع تزيد عليه .. لدرجة ما صرت اقدر اشتغل أو أسوي أي شئ رحت للمستشفى وطلبت فحص وتحاليل شامله للجسم ... والنتيجة طلعت ::بعد التحاليل وتحليل الغدة بالذات أول شئ سألني عنة الدكتور بعد ما شاف نتيجة .. قال لي :/ وش تحسين اذا جاتك الدورة .. حكيت له حكاية الدورة معي ..سألني رحتي أخصائية نساء وولادة :: فذهل يوم قلت له الحكاية قال :: هذا كله بسبب فقـر الدم الحاااااد ونقص الفيتامينات وطلب مني أتابع العلاج 3 أشهر متواصلة وبعدها احلل وشوف وش النتيجة وأما تحليل الغدة وهو الحكاية الثانية قالت لي الممرضة بعد 14 يوم إذا جاء التحليل وفية شئ اتصلنا فيك رقم تليفونك عندنا انتظرت ما اتصل المستشفى قلت الغدة سليمة استعملت العلاج وحسيت بتحسن خفيف وكانت أعراض الغدة كلها عندي أستمريت 3 شهور على العلاج.. وبيوم المراجعة وما كان عندي احد يوديني .. فذهبت للمستوصف حكيت للدكتورة الحكاية قالت لي خلاص بنسوي لك تحليل ونشوف النتيجة ونعطيك علاج من هنا ؟؟ أستمريت 3 شهور أعراض الأنيميا ونقص الفيتامينات تحسن لأكن أعراض الغدة كل ما لها تزداد خصوصا البرودة والإمساك ذهب للمستوصف وطلبت تحويل لأخصائي غدة ذهبت في الموعد ولمن فتح الملف لقي التحليل السابق للغدة مقفل في الملف لم يفتح وبعد فتحة قال لي عندي كسل في الغدة ..وكانت على النص طلب مني الدكتور انتظر 3 شهور ثانية وبعدها احلل وإذا كانت نفس النتيجة يعطيني علاج للغدة خرجت من عنده وسويت التمر واللبن ونقصت 7 كيلو أول يوم وثاني يوم داومت في دورة المياه نزل مني موية فضيعة ... بعد شهر بطلت الرجيم لأن الدكتورة نصحتني استخدمتها شهر واحد لأكن للأسف لمن بطلته رجع وزني من 87 إلــــــى 97 ... جاء موعد مراجعة الغدة لمن حللت ووزنت قال الدكتور لزم علاج أعطاني علاج قوته 25.. وقال خذي نص حبة فقط.. حسيت بتحسن بسيط وبعد المراجعة صار الدكتور كلامه ما يعجبني ومو مقنع بعدين عرفت انه مو أخصائي غدة ..دخلت في شجار معاااه وقلت له بما انو أنت مو أخصائي غدة المستشفى ما فيه أخصائي غدة ولا أخصائية تغذية حولني على أخصائي للغدة.. تحولت على مستشفى ثاني وبدأت المعاناة من جديد ......... تحويل للنساء والولادة حتى يتأكدون ما فيه تكيس على المبيض وتحول على المختبر عشان التحاليل المطلوبة .. وتحويل على أخصائي تغذية .. وبعدها مراجعة للأخصائي دامت شهر كامل . صرف لي حبوب قوتها 25 لمدة 3 شهور وأخصائي التغذية إعطاني رجيم السعرات الحرارية .. وبداء معي من 1200 سعره حرارية كان الأخصائي (( رجل )) بعد ما طلعنا من عنده اخذ زوجي الموعد وقطعة وقال (( أحلمــــــي انو تدخلين هذا المكـــان )) بيني وبينكم لما شااااااافه ملك الرشاقة وزوجي كأنة في حامل بتوأم في الشهر التاسع زعلت وحلفت أنها حرمة وراسمة عيونها أو سورية تقول له حاضر علي عيني .. تأبرني ما يذكني بالموعد غيرك!!! بعد استعمالي حبوب الغدة سافرت ونسيت الحبوب في البيت .. أرسلت ابني يصرف لي من الصيدلية جاب لي علبة فيها حبوب وقال استخدميها قبل الفطور بساعة شفت الحبة صغيرة فكرت قوتها 25 طلعت قوتها 50 وما عرفت إلا بعد شهر ونص من استخدامها تعالوا شوفوا وش حصل ؟؟؟؟؟؟؟ بعد استخدامي الحبوب بثلاث أيام بدأت أحس بنشاط وبدا شعري يتوقف عن التساقط ورطوبة بجلدي خف الإمساك عن أول حالت الأرق والإكتأب والوسوسة والنسيان بدأت تخف بدأت الموية تنزل من جسمي راجعت ولمن وزنوني لقيت وزني نزل 7 كيلو وبقي 90 كيلو مع العلماني ما سويت رجيم خففت أكلي واستخدمت الحبوب لأكن الأخصائية لمن علمتها رفضت قالت لا إستخدي يوم حبة قوتها 50 ويوم حبة 25 حتى تنتظمين على 25 كنت في نفس الوقت ابحث عن أخصائية أسوي عندها رجيم قريت في شريط بداية عن رجيم فتون بحثت عن رقمها كثير ما لقيته قالت لي أختي في رجيم أنواع الجسم اعرفي نوع جسمك وشوفي الرجيم اللي يناسبه وفعلان شريت الكتاب جاوبت على الأسئلة عرفت نوع جسمي وهو الجسم التناسلي استمرت على الرجيم مدة 5 شهور وأول رجيم أسوية ما أحس بدوخة ولا خمول ولا كسل لأكن النتيجة ما أعجبتني 4 كيلو في 5 شهور ومليت من تكراره فقررت اني ما أسوي رجيم إلا عند أخصائية مهما كان بعد بحث طويل حصلت على رقم فتون وكلمتها وحكيت لها بعض اللي صار معي وقلت لها عن وزني واشتركت معها في الرجيم من 1 / 4 أو فترة كان مدتها شهرين لأكن جسمي لم يحرق لأني كنت طالعة من رجيم وداخلة في رجيم وبسبب الرجيمات السابقة صار جسمي ندة مناعة من عملية الحرق وهذا بسبب الرجيمات الخاطئة استشرت فتون اني اخذ حبوب تساعد على الحرق وفعلا بدا جسمي يحرق الدهون وبأت معالم جسمي تنرسم وصرت اقدر انزل واطلع الدرج وامشي على السير لمدة ساعة وتحسنت حالتي كثير بعدها جددت اشتراكي لمدة شهرين أما رجيم شهر رمضان ارسلتة لنا الخبيرة فتون مجانا جعله الله في موازين حسناتها .. فهي إنسانة مخلصة في عملها صادقة في تعاملها في رجيمها الحمد الله شامل وكامل فيه خلطات للأماكن اللي تتجمع فيها الدهون إحنا نعملها في البيت وخلطات للأماكن اللي بسرعة تنحف مثل الوجه والصدر وخلطات لشد الجسم وإنها تهتم بك صغيرة وكبيرة تخص الشخص في الرجيم حتى طريقة العصيرات اللي تساعد في حرق الدهون أرسلتها لنا وخفضت لنا قيمة الاشتراك مع العلم إن قيمة الاشتراك الأساسية ماهي كثير مقارنة بغيرها .. بس يعطونك رجيم وخلاص وحتى إذا ما اقدر اتصل عليها أرسلها أتصل بي وهي تتصل جزاها الله كل خير ويشهد الله اني ما أقول هذا رياء أو سمعة او لغرض بنفسي لأكن هذي الحقيقة وانا لم أقول إلا بعض الشئ ........ هذي قصيتي مع الرجيمات الخاطئة والنتائج اللي وصلت لها وحبوب نقص الفيتامينات لازم استعملها على طووووول .. أتمنى تعتبرون من القصة ولا تنسون نفس اللي سويتة وما يكون همكم بس الرشاقة والجمال على حساب صحتكم .. ((( أم عبد الله ))) بقول لكم نتيجة الرجيم وكم نقصت إن شاء الله بعد رمضان ..
كتبت : يدق قلبي بوجودك
-
من جد قصه فيها العظا الوعبره غاليتي
وربي يخفف عليك كل هالامور وتكسبي صحتش حبيبتي وتبشريناا كم صاار وزنك
اشكرش على السرد الجميل والتنبيه اللطيف منكِ الى اخواااتكِ الفاضلاات بالمنتدى

دمتي بخير غاليتي
كتبت : منى دايت
-
ياليت البنات يعتبرون من قصتك و يمشون صح على نظام غذائي سليم و رياضة و بس ..

الرشاقة ما تبي فلسفة ودكاترة يشرحون الوضع ...

نظام حياتنا للأسف كسول و مليان أكل و خمول .. لو نسوي العكس بس راح تنضبط الدنيا و أوزاننا و نفسياتنا و كل شي ..
الحبوب و الخلطات و الخزعبلات هذي اختراع وحده كسولة و مالها نفس تسوي رياضة !!

الخلطات ما راح تشد الجلد المترهل و لا راح تحرق الدهون ...راح تحرق جدار المعدة المسكين مدري وش ذنبه !!

بس مرضى الغدة وضعهم غير زي أختنا أم عبدالله ما لهم حل الا العلاج لأن الغدة عندهم ما تنتج هرمون الثايروكسين اللي مسؤول عن حرق الطعام و عملية الأيض metabloism بكبرها ...
عشان كذا لما بديتي تعالجين اختي ام عبدالله علا طوول جاب نتيجة الرجيم

باقي الناس اللي ما عندهم مشاكل بالغدة ...عندهم هالهرمون تفرزه الغدة بشكل يومي طبيعي بس يبي شوي مساعدة من الشخص (قلة أكل و كثرة حركة ) ...

الله يعافيك و ترجعين لوزنك المثالي ..
لا بأس طهور ان شاء الله
كتبت : فارسة التحدي
-
الحمدلله ع سلامتك حبيبتي ويارب توصلين هدفك وانتي بصحه

ويستفيدون البنات من اللي صار لك

اما فتون سمعت عنها كثير ..الله ييسر امرها دنيا وآخرة
كتبت : فتاه ابكت القمر
-
ياااحياااتي عورتي قلبي مع معانااتك في الرجيم

سلامتك يااارب

ان شالله يااارب توصلين للوزن المنااسب لك

ومشكوره على سرد قصتك بس عورتي قلوبناا وخوفتيناا

لااني انا اي رجيم اشوفه وارتااح له اسويه عاادي ولاا اهتم وافكر

بس الحمدالله مشكلتك ومعنااتك وعتني صراحه

يعطيك الف عااافيه
كتبت : ام يوسفى
-
ان شاء الله ربنا ينولك اللى فى بالك وربنا معاكى
الصفحات 1 2 

التالي

تعريف عن نفسي + رجيمي اللي بمشي عليـه بكرا باذن الله .. ان شالله يفيدكم حبايب قلبي ..تفضلوا حياكمّ ،

السابق

علاج سريع وطبيعي لأنقاص الوزن

كلمات ذات علاقة
مع , الريجيم , قصتي

المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

الخصوصية وشروط الاستخدام حقوق النشر والتأليف الاتصال بنا

Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0