شوفي يا عسل
كنت زيك لدرجة اني اسميهم فخوذ !!!
لأني نحفت جداً من 65 الى 55 و كل شي نحف الا هم !!!!
بحثت بالنت عن تمارين اليدين اللي بالأثقال ( و رجاءً) لا تقولين يطلع لي عضلات زي الرجال هذي خرافات و خزعبلات انتي راح تستخدمين أثقال بنات خفيفة 4 او 5 كيلو مو 20 و 30 كيلو زي حقات المصارعين
ولا أحد يكذب عليك و يقولك خزعبلات الخلطات و الخرابيط اللي تنحط على الشحوم عشان تصغر هذا مهزلة بعد
القضية سهلة عندك عضلات سايحه ...شديها بالأثقال و راح تصير عال العال
أنا أول شي عبيت علبة موية نصف لتر - تراب و صرت كل يوم - من جد كل يوم - اذا جلست قدام التلفزيون - أمرن يدي اليمنى و اذا تعبت رحت لليسرى بكذا تمرين.... أنوع لأن فيه كذا عضلة بالزنود عضلات ثنائية و ثلاثية و العضلات اللي فوق مره جنب الأبط و الكتف كلهم مرتبطين
انتي اخذي أسهل 3 تمارين و سويهم بالترتيب و عيدي لحد ما تتعب يدينك (تقريباً )مو أكثر من نصف ساعة يومياً بس
بعدين اشتريت أثقال من محلات الرياضة يمكن 3 أو 4 كيلو مو متأكدة
بس شوفي
لا تقولين سويته أسبوع و ما صغرت زنودي !!!!
يبي لهم من شهرين الى 3 عشان تشوفين الفرق
انا تقريباً 3 شهور و أنا اسويهم يومياً حتى أيام الأمتحانات و الحمدلله الحين غيييير
و الى الآن مستمره لأنه أسهل تمرين تقدرين تسوينه و انتي منسدحة -قدام التلفزيون -أوي مكاان
طبعاً نظامك الغذائي حاولي يكون صحي و منظم لأن الدهون و الحلويات تحب هالمناطق (الزنود -الكرش-الفخوذ)
و تروح تتخزن فيها على طووول
مع رياضة يومية زي المشي -الهرولة -الأوربترك -اي شي من 45 دقيقة فما فوق
موفقة
